Facebooku blen kompaninë që merret me verifikim të identiteteve

Keystone

Facebooku ka konfirmuar blerjen e kompanisë së re “Confirm.io”. Kjo kompani merret me identifikimin e kartelave të identitetit.

Tani “Confirm” do të mbyllet dhe do të kalojë tërësisht si ekip dhe teknologji në Facebook, ku do të ndihmojë përdoruesit e rrjetit social.

Facebooku ka konfirmuar për “TechCrunch” se teknologjia e re biometrike do të përdoret për të konfirmuar identitetet e përdoruesve nëse atyre u hakohen llogaritë apo humbin fjalëkalimin.

Në shtator, Facebooku testonte një veçori që mundësonte hapjen e llogarisë vetëm me një ‘selfie’, ndërsa që nga viti 2013, Facebooku lejon njerëzit të dërgojnë fotografi të ID-së ose materialeve tjera identiteti për të rimarrë qasjen në llogari, transmeton Albinfo.ch.