Facebook ka mbyllur dhjetëra-mijëra aplikacione

Facebook ka mbyllur dhjetëra-mijëra aplikacione, si pjesë e hetimit që filloi pas skandalit të qasjes në informata pa leje të shumë përdoruesve nga Cambridge Analytica.

Jo të gjitha aplikacionet e mbyllura kanë shfaqur kërcënim për përdoruesit, tha kompania.

Facebook u vu nën presion të madh më 2018, pasi u zbulua se Cambridge Analytica ka pasur qasje në informata të përdoruesve.

Kjo kompani që merret me konsulencë, ka shfrytëzuar këto të dhëna, të cilat janë marrë përmes një kuizi, për të targetuar reklamimet politike.

Facebook ishte dënuar me 5 miliardë dollarë nga Komisioni Federal i Tregtisë në SHBA, që konsiderohet si dënimi më i madh financiar ndaj ndonjë kompanie për shkelje të privatësisë së përdoruesve.