Facebook “injoron” Kosovën

Shqipëria i ka bërë 6 kërkesa për 12 llogari të përdoruesve në Facebook, ndërsa ka marrë përgjigje vetëm për 10 prej tyre. Kosova ka kërkuar qaje për 11 llogari, por nuk ka marrë përgjigje pozitive

Autoritetet e Qeverisë së Kosovës dhe ata të Shqipërisë kanë kërkuar nga përfaqësuesit e Facebook-u, informacione për 23 llogari të përdoruesve në këtë rrjet social, por kanë marrë përgjigje pozitive vetëm për 10 prej tyre. Edhe atë llogari ka “fituar” Shqipëria, por jo edhe Kosova.  

Shqipëria i ka bërë gjithsej 6 kërkesa për 12 llogari të përdoruesve në Facebook, ndërsa ka marrë përgjigje për 10 prej tyre. Ndërkaq Kosova në 2 kërkesat e saj, për 11 llogari të përdoruesve të këtij rrjeti social nuk ka marrë përgjigje pozitive nga Facebook, raporton “Shekulli”.

Ky raport i publikuar për herë të parë nga drejtuesit e rrjetit social më të përdorur në botë, Facebook, përfshin vetëm 6 muajt e parë të vitit 2013. Ky raport, për kërkesat e qeverive për qasje në të dhënat e përdoruesve të këtij rrjeti social ka bërë bujë të madhe.

Në këtë raport gjenden emrat e 74 shteteve që kanë bërë gjithsej 38 mijë kërkesa për qasje në informatat e përdoruesve të ndryshëm, për të cilat, jo gjithnjë kanë marrë përgjigje.

Në krye të kërkesave qëndrojnë Shtetet e Bashkuara të Amerikës me afro 21 mijë kërkesa, ndërsa Facebook ka pranuar 79 për qind të tyre. Vendin e dytë e zë India me 4.144 kërkesa e pasuar nga Britania e Madhe me 2 337 kërkesa.

Faceebook është rrjeti më i madh në social në botë, ku kanë qasje miliarda njerëz.