‘Facebook’ dhe ‘Snapchat’ bashkohen me kompanitë që dënojnë vdekjen e George Floyd

Foto ilustrim (Con Karampelas)

Facebook dhe Snapchat u bënë ndërmarrjet e fundit amerikane që dënuan pabarazinë racore në Shtetet e Bashkuara ndërsa protestat e dhunshme u ndezën nëpër qytete të mëdha për vdekjen e George Floyd, një i zi i paarmatosur që vdiq ndërsa ishte në paraburgim të policisë në Minneapolis javën e kaluar, shkruan reuters, përcjell albinfo.ch

Të dy kompanitë e teknologjisë u bashkuan me kompaninë Netflix, Nike, e të tjera, në marrjen e një qëndrimi publik kundër vdekjes së Floyd – duke dënuar diskriminim kundër afrikano-amerikanëve.

“Ne qëndrojmë me komunitetin me ngjyrë dhe me të gjithë ata që punojnë drejt drejtësisë për nder të George Floyd, Breonna Taylor, Ahmaud Arbery dhe shumë të tjerëve, emrat e të cilëve nuk do të harrohen,” tha Kryeshefi Ekzekutiv i Facebook Mark Zuckerberg të dielën vonë.

Ai tha se Facebook do të angazhojë 10 milion dollarë për organizatat që punojnë për drejtësi racore.

Vdekja e Floyd shkaktoi edhe një raund tjetër zemërimi në të gjithë Shtetet e Bashkuara për trajtimin e afrikano-amerikanëve, përcjell tutje albinfo.ch