Exit-Poll e nxjerr koalicionin PAN fitues të zgjedhjeve në Kosovë

Sipas rezultateve që ka nxjerr Exit-Poll, koalicionin fitues të këtyre zgjedhjeve është PAN (krahu i UÇK-së) me rreth 40 për qind. Lëvizja Vetëvendosje është e dyta me 30 për qind dhe e treta është koalicionin LDK-AKR me 27 për qind

Pak pas orës 19:00, janë mbyllur shumica e vendvotimeve në Kosovë, ndërsa sondazhet e Exit Poll, e nxjerrin koalicionin e UÇK-së (PAN) me të nominuarin Ramush Haradinajn për kryeministër, si koalicionin fitues të këtyre zgjedhjeve me rreth 40 për qind. Ndërsa sensacioni i zgjedhjeve të sivjetme, është Lëvizja Vetëvendosje me 30 për qind dhe e treta koalicionin LDK-AKR me 27 për qind.

Kandidati për kryeministër nga koalicioni PDK-AAK-Nisma, Ramush Haradinaj, ka thënë se fitorja e PAN-it është më e madhe se sa e Exit Pollit. Ai ka falënderuar qytetarët për besimin, por ka ftuar edhe subjektet tjera për bashkëpunim në të mirë të vendit.

“Uroj qytetarët e Kosovës. Të gjithë mekanizmat dhe subjektet politike për zgjedhje të lira dhe demokratike. E uroj sovranin për vendimin e marr. Një vendim që flet qartë. Besimi i është dhënë koalicionit PDK-AAK-Nisma. Fitorja është bindëse. Edhe ma bindëse se sa thotë Exit Polli. Mirëpo nuk do të hyjmë në shifra. Po presim numërimin. I ftojmë për partneritet edhe subjektet tjera për të mirë të vendit”, ka thënë Haradinaj duke shtuar.

“Në fakt, ne kemi rezultatin. Mekanizmat tonë të organizatës e kanë rezultatet. Të dhënat tona janë më të mëdha se sa të Exit Pollit”, ka përfunduar ai.

Blernad Stavileci nga PDK, ka thënë se koalicioni PDK-AAK-Nisma ka fituar zgjedhjet. Stavileci me këtë rast, ende pa u publikuar rezultati, ka uruar edhe kandidatin për kryeministër, Ramush Haradinaj.

“Urime fitorja! Sot ishte një fitore për partitë e koalicionit tonë. Falenderojmë forcat e sigurisë, po ashtu parterët tanë ndërkombëtarë”, ka deklaruar ai. “Sot ishte një fitore e PDK-së dhe e Kadri Veselit që vendosi interesat e përgjithshme para atyre personale”, shtoi Stavileci.

Komisioni Qendror i Zgjedhjeve ndërkaq ka njoftuar se deri në orën 19:00 në zgjedhjet e parakohshme parlamentare në Kosovë kanë votuar 41,38 për qind e qytetarëve me të drejtë vote.

Në zgjedhjet e parakohshme parlamentare mbi 1 milion e 872 qytetarë kanë pasur të drejtë të votojnë, për të zgjedhur se kush do të qeverisë me vendin. Në orën 19 00 janë mbyllur vendvotimet, pos në ato vendvotime ku ka pasur radhë të qytetarëve brenda qendrave të votimit që prisnin për të votuar.

Të drejtë vote kanë pasur më shumë se 1 milion e 872 mijë qytetarë, me mundësi votimi në 889 qendra të votimit. Nga votimet e sotme do të përcaktohet përbërja e ardhshme e Kuvendit të Kosovës, i cili ka 120 ulëse. Të gjitha vendvotimet, me disa përjashtime, janë hapur në orën 07 00 të mëngjesit, janë mbyllur në orën 19 00.