Europol: Arrestohen 75 pedofilë për shkak të pornografisë me fëmijë

Në aksionin e Europolit, të kryer në 28 vende të Evropës, 75 persona janë arrestuar për shpërndarje të pornografisë së fëmijëve në internet, derisa hetimi është kryer në 207 raste në gjithë Evropën.

“Operacioni Dawn” filloi pasi Europol ka marrë informacione nga policia zvicerane, e cila vitin e kaluar ka zbuluar një rrjet kriminal që shfrytëzonte seksualisht të miturit, tha zëdhënësja e Europolit, Claire Georges, përcjellalbinfo.ch.

Hetimi zgjati më shumë se një vit, në bazë të informatave nga policia zvicerane, duke çuar në zbulimin e dosjeve dhe për të dërguar 611 njerëz të shërbimeve të sigurisë në 26 shtetet anëtare të BE-së.

Këto paketa përmbajnë informacion të detajuar rreth të dyshuarve, si ndër të tjera, IP adresat e kompjuterëve të tyre dhe, në shumë raste, të dyshuarit kanë përdorur të dhëna të koduara për të fshehur identitetin e tyre.

George ka thënë se viktimat ishin të moshave të ndryshme, por ka një trend shqetësues dhe një rritje për abuzimin seksual të fëmijëve nën 18 muaj.

„Hetimi ende po vazhdon dhe ne mund të presim më shumë arrestime“, shtoi ajo.