Euro stabilizohet pas ndërhyrjes së Bankës Nacionale të Zvicrës

Kursi i këmbimit është stabilizuar në tregjet valutore pas ndërhyrjes të Bankës Nacionale të Zvicrës (SNB), në mënyrë që të dobësohet frangu.

Ndërhyrjen e Bankës Nacionale të Zvicrës e ka konfirmua shefi i saj,Thomas Jordan në «Swiss Financial Forum» në Bernë.

Jordan e ka arsyetuar këtë veprim pas këkesave me forcimin e valutës zvicerane.  Në SNB kanë thënë që nga 15 janari se do të ndërhyjnë në tregun e valutave nëse është e nevojshme. Kjo ka ndodhur më shumë nga situata e krijuar këtë fundjavë në Greqi.

Pas ndërhyrjes së SNB euro është rimëkëmbur nga humbjet ndaj valutave të tjera për shkak të frikës së investitorëve për falimentimin e Greqisë.

Frangu zviceran zakonisht forcohet në kohë të paqëndrueshme. Ndërsa në mëngjes të hënën në një moment ra në 1.0315 franga, por pastaj është stabilizuar në 1,0395 franga, që do të thotë se frangu mbetet në plus.

Euro është dobësuar kundrejt valutave të tjera këtë mëngjes duke rënë në vetëm 1,0956 dollarë, dhe më vonë është stabilizuar në 1.1086 dollar.