Euro 2025, mundësi e mirë për futbollin e grave

Twitter: UEFA

Futbolli i grave po zhvillohet, tash edhe më shumë me Euro 2025 që do mbahet në Zvicër.

Entuziazmi po rritet për futbollin e femrave, siç u tregua edhe në Angli. Ky entuziazëm është në rritje tash edhe me Euro 2025 që zhvillohet në Zvicër, përcjell albinfo.ch.

Në Zvicër, më shumë se 30,000 gra luajnë tani në një klub. Ato përfaqësojnë më shumë se 10% të personave që kanë licencë në vend. Numri i grave që kanë licencë është në rritje.

Pavarësisht këtij bumi, shumë lojtare në divizionin e parë zviceran kanë edhe një punë tjetër futbollit. Ky është rasti i Sandrine Mauron, 26 vjeçe. Pasi kishte përjetuar profesionalizëm në klubin gjerman Frankfurt, ajo bëri zgjedhjen të rikthehej në Zvicër disa muaj më parë, te Servette FC Chênois Féminin (SFCCF), shkruan RTS.

Ajo gjithashtu punon 50% si punonjëse tregtare në një kompani riciklimi në Gjenevë. Ditët e saj fillojnë para kompjuterit 7:30 të mëngjesit. “Më pëlqen të jem aktive në jetën time dhe është e rëndësishme edhe për mua të mendoj për të ardhmen”, shpjegon Sandrine Mauron.

Por reprezentuesja zvicerane nuk e fsheh se kjo punë sjell një shtesë të mirëseardhur: “Tashmë ka evoluar shumë, ne kemi paga fikse, është një hap i madh për futbollin në Zvicër, por nuk janë me të ardhurat nga futbolli me të cilat jetojmë.”

Dita e saj vazhdon në orën 16:00 me stërvitje te stadiumi Fontenette në Carouge. Skuadra stërvit atje pesë deri në gjashtë herë në javë. Ajo përfundoi në krye të sezonit të rregullt dhe synon të kthehet në Ligën e Kampionëve për Femra, të cilën klubi e përjetoi së fundmi. Një tjetër objektiv: finalja e Kupës së Zvicrës, këtë të shtunë kundër St. Gallen, përcjellë albinfo.ch.

Buxheti i skuadrës SFCCF, i cili përfshin sektorin e trajnimit, është rritur shumë vitet e fundit: “Sot është rreth 1.5 milion franga”, shpjegon Loïc Luscher, menaxher i komunikimit i klubit.

Në skuadrën e Gjenevës bashkëjetojnë disa kombësi, por për të rekrutuar klubi duhet të jetë shpikës: “Do të kërkojmë përfundimin e kontratës dhe jo të blejmë lojtarë, sepse nuk kemi mjete për ta bërë këtë”, shpjegon Erik Severac, menaxher i ekipit, shkruan RTS.

A mund t’i shpejtojë gjërat Euro 2025 në Zvicër? Shumë shpresojnë kështu dhe duan të përfitojnë nga entuziazmi aktual. Loïc Ravenel, bashkëpunëtor shkencor në Qendrën Ndërkombëtare për Studime Sportive në Neuchâtel (CIES), në përgjithësi vëren se një ngjarje e tillë në vetvete nuk mjafton: “Do të krijojë një fokus, spektatorët do të mund të marrin një kulturë të vogël, por nëse nuk shoqërohet me një strategji reale, në përgjithësi bie”, thotë për RTS.

Sandrine Mauron beson se Euro do të sjellë shumë dhe se futbolli i femrave është në rrugën e duhur: “Kemi parë që garat e viteve të fundit kanë pasur gjithmonë shikueshmëri shumë të mirë dhe kjo është pozitive për të ardhmen”.

Ajo shpreson se në të ardhmen do të flasim vetëm për futbollin, pa bërë dallime: “Nuk duhet ta krahasoni futbollin e femrave me atë të meshkujve”, përcjell albinfo.ch.