Është sulmuar Ambasada e Maqedonisë në Prishtinë

Koktej molotovi është hedhur mbrëmë në objektin e Ambasadës së Maqedonisë në Prishtinë. Nga kjo ngjarje nuk ka të lënduar dhe dëme të ndjeshme materiale. Kurse Policia është vënë në ndjekje të sulmuesve.

Raportohet se tre persona kanë hedhur koktej molotovi nga një veturë e bardhë “Toyota” në objektin e ambasadës së Maqedonisë në Prishtinë, Dragodan, të premten rreth orës 23:00.

Një patrullë policie ka mbetur në Arbëri ku gjendet ambasada për ta ruajtur. Një zyrtare e policisë e ka parandaluar sulmin që të jetë më serioz, raportojnë mediat kosovare.

Incidenti vjen pas disa incidenteve ndër-etnike ndërmjet shqiptarëve dhe maqedonasve.