Escobar e Lajçak takojnë Kurtin, flasin për veriun e Asociacionin

Pērfaqësuesit special të SHBA-së e BE-së, Gabriel Escobar e Miroalav Lajçak, takuan sot kryeministrin Albin Kurti.

Pas dy orësh takimi, i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka thënë se ia ka bërë të qartë pritjen e tij kryeminsitrit të Kosovës që të punohet drejt implementimin të marrëveshjes për Asociacionin e Komunave me Shumicë Serbe, transmeton albinfo.ch.

Escobar tha se pret angazhim konkret në një të ardhme të afërt mbi këtë çështje.

“Unë e bëra të qartë edhe pritjen time që të fillojmë të flasim për implementimin e Asociacionit të Komunave me Shumicë Serbe. E bëra shumë të qartë, prandaj shpresoj që do të shohim angazhim gjatë kësaj krize në një të ardhme të afërt”, ka deklaruar Escobar pas takimit me Kurtin.