Epilepsia dhe koronavirusi, informata në gjuhën shqipe në Zvicër

Për herë të parë Lidhja Zvicerane e Epilepsisë ofron informacione edhe në gjuhën shqipe.

Pothuajse një në njëqind, që do të thotë rreth 70 mijë njerëz, janë të prekur nga kjo sëmundje në Zvicër — midis tyre, përafërsisht 2100 e kanë shqipen si gjuhë amtare, shkruan albinfo.ch

Falë medikamenteve, rreth dy të tretat prej tyre jetojnë pa kriza, ndërsa te një e treta syresh epilepsia trajtohet me vështirësi. Përkundër paragjykimeve të përhapura që prej kohësh, epilepsia është një sëmundje neurologjike dhe jo një sëmundje shpirtërore (mendore); ajo rrallë trashëgohet dhe nuk shprehet gjithmonë me kriza dramatike.

Për herë të parë Lidhja zvicerane e epilepsisë ofron informacione edhe në gjuhën shqipe. «Ne duam t’i informojmë të prekurit dhe bashkëfamiljarët e tyre në gjuhën e tyre parësore lidhur me temën e epilepsisë, prandaj kemi përkthyer fillimisht katër fletëpalosje informative. Fletëpalosjet mund të shkarkohen nga web-faqja www.epi.ch dhe secila prej tyre mund të printohet lehtë në 4 faqe A4», thuhet në njoftimin e Lidhjes Zvicerane të Epilepsisë. Përpos kësaj, brenda Zvicrës, Lidhja e Epilepsisë mund t’i dërgojë ato përmes postës, sipas porosisë, falas ose kundrejt një pagese minimale për shpenzimet e rastit.

Më shumë informata për Koronavirusin dhe epilepsia, linku në vijim: https://www.epi.ch/sq/koronavirusi-dhe-epilepsia/

Më shumë informata në shumë gjuhë: bag.admin.ch

Si të mbrohemi nga koronavirusi në gjuhën shqipe: bag-coronavirus.ch

https://www.facebook.com/247193432357291/videos/134200674653306/?v=134200674653306

 

 

 

 

 

---