Enis Alushi, i gatshëm për lojë por edhe për t’u bërë baba

Bashkëshortja e tij, futbollistja shqiptare e reprezentacionit gjerman, Fatmire (Lira) Bajramaj së bashku me Enisin po presin ardhjen në jetë të fëmijës së tyre të përbashkët

Gjashtë javë iu desh të pauzonte futbollistit kosovar Enis Alushi i cili luan FC St. Pauli nëbundesligën e dytë gjermane. Por në ndeshjen kundër Fortuna Dusseldorf ai është plotësisht i rikuperuar dhe është i gatshëm për lojë: “Jam i gatshëm në çdo moment”, thotë Enisi për bild.de, transmeton “albinfo.ch”.

Në të njëjtën kohë ai në çdo moment po pret që të bëhet edhe baba. Bashkëshortja e tij, futbollistja shqiptare e reprezentacionit gjerman, Fatmire (Lira) Bajramaj së bashku me Enisin po presin ardhjen në jetë të fëmijës së tyre të përbashkët.

“Lira do të lind në Monchengladbach. Sigurisht se unë do të jem afër saj. Bashkë me Lirën e kemi gjetur edhe emrin e fëmijës. Kemi vendosur që ai të quhet Arian”, ka thënë sulmuesi i përfaqësueses së Kosovës.

Alushi u lëndua në ndeshjen kundër Heidenheim-it. Ai e krisi një muskul në kofshën e djathtë. “Kam qëndruar gjatë në rehabilitim. Një lëndim të tillë nuk e kisha kurrë më parë”, ka thënë ai.