Ëndërron pasarelat por nuk e lë mbrapa shkollën

Argjenti kishte refuzuar një ofertë nga një agjenci e modës që ta prezantojë në Filipine Kosovën apo Shqipërinë. Arsyeja: angazhimet në shkollë!

Shumë të rinj dhe të reja aspirojnë botën e modës dhe televizionit, për të realizuar ëndrrat dhe synimet e tyre. Mirëpo të jesh model në Zvicër nuk është edhe aq e lehtë.

Argjent Amiti është vetëm 19 vjeç dhe e konsideron modelimin si pasion, pa iu shmangur përgjegjësive që ka profesionin e tij të ekspertit të shitjes me pakicë .

Argjend ka lindur në Tetovë ndërsa ka migruar në Zvicër ne vitin 1998.

“Qysh si i vogël kam pasur modelizmin si pasion dhe gjithmonë kam dashur të dukem sa më bukur sa i përket veshjes”, thotë 19 vjeçari për albinfo.ch.

Në të gjitha organizimet për mis dhe mister që janë bërë sa ishte në shkollë Argjenti ai dilte i pari, si mister i shkollës..

Ai punon në një market të Coop-it në Dietlikon të Cyrihut. Më herët kishte disa oferta nga agjenci të ndryshme të modës por familja e tij kishte insistuar që ai të vazhdojë shkollimin.

Djaloshi me origjinë nga Tetova tashmë ka diplomuar si ekspert i shitjes me pakicë.

“Kemi pasur edhe oferta nga agjenci të ndryshme të modës qysh kur ishte Argjendi më i ri por ne si prindër kemi dëshiruar që fillimisht të mbarojë shkollimin dhe pastaj të sfidojë veten si model”, thotë Sahim Amiti, babai i Argjendit, i cili punon si shef i gastronomisë në aeroportin e Cyrihut.

Argjenti së fundi  ka realizuar një set fotografish me fotografin Ardian Gjokaj dhe ëndërron që një ditë të ngjitet në pasarela të konkurseve të bukurisë dhe të bëjë sfilata mode.

“Do të dëshiroja që një ditë të jem pjesë e  markave prestigjioze botërore si Armani, Versace, Phillip Plein dhe pse jo njëherë të konkurroj edhe për “Mister Schweiz”, tregon për ëndrrat që ka i riu me origjinë nga Tetova duke dëshiruar që një ditë t`i bëhet modelimi profesion.

Argjenti kishte refuzuar një ofertë nga një agjenci të modës që ta prezantojë në Filipine Kosovën apo Shqipërine. Arsyeja e vetme ishte angazhimi i tij në shkollë
 

Synon për “Mister Schweiz”

“Do të dëshiroja që një ditë të jem pjesë e  markave prestigjioze botërore si Armani, Versace, Phillip Plein dhe pse jo njëherë të konkurroj edhe për “Mister Schweiz”, tregon për ëndrrat që ka i riu me origjinë nga Tetova duke dëshiruar që një ditë t`i bëhet modelimi profesion.