Ena 900-vjeçare shitet mbi 30 milionë dollarë

Një enë e vjetër 900 vjet nga porcelani, është shitur në ankand në Hong Kong për 37.68 milionë dollarë.

Ena e vogël e bardhë me dekorime të kaltra është krijuar nga artisti më prestigjioz i perandorisë Ru Guayano gjatë Dinastisë Song, diku rreth shekullit X, pohon shtëpia e ankandeve “Sothby’s”.

Ena iu shit një blerësi anonim në Hong Kong, pas ofertave 20 minutëshe. Zëvendësdrejtori i shtëpisë së ankandeve për rajonin e Azisë, Nicolas Chow, nuk deshi të zbulonte kombësinë e blerësit, por tha se interesimi në mesin e kinezëve ndihmoi që çmimi të shkojë aq larg, përcjell albinfo.ch.

Enët që i krijoi Ru, janë jashtëzakonisht të rralla, sepse besohet se ai i punoi ato për më pak se 20 vjet, bëri të ditur shtëpia e ankandeve. Ena është një prej katër pjesëve nga Ru që ndodhej tek individët.

Rekordi paraprak i vendosur në Hong Kong për një diçka të ngjashme, arriti në 36.1 milionë dollarë në vitin 2014.