Emil Dimitriev propozohet për kryeministër të Maqedonisë

Partia që drejtohet nga Gruevski, VRMO-DPMNE ka propozuar kandidatin tjetër për kryeministër Emil Dimitriev. Ky i fundit pranohet edhe nga shqiptarët

Kryetari i Kuvendit të Maqedonisë, Trajko Veljanovski ka njoftuar opinionin maqedonas se Nikolla Gruevksi në mëngjesin ditës së sotme, ka ofruar dorëheqje nga posti i kryeministrit të Qeverisë. Ai tha se procedura e largimit të tij fillon pas takimeve që liderët politikë kanë me komisionerin evropian për zgjerimin, Johanes Han.

Në anën tjetër, partia që drejtohet nga Gruevski, VMRO-DPMNE ka propozuar kandidatin tjetër Emil Dimitriev, për kryeministër të Maqedonisë. Ky u fundit konsiderohet njeriu më i besueshëm i Geruevskit, ndërsa nga vitit 2013, ka qenë sekretar i kësaj partie. Ai nuk është përmendë në asnjë rast nga “bombat” e opozitës.

Dimitriev, 38 vjeç ka lindur në Probishtip, ndërsa përveç që është sekretar i përgjithshëm i VMRO-DPMNE-së, ai është edhe deputet i Kuvendit të Maqedonisë.

Dimitrev duket se është person i pranueshëm edhe nga partitë politike shqiptare.

Talat Xhaferi, koordinator i grupit parlamentar të Bashkimi Demokratik për Integrim, thotë se Dimitrievin e ka pasur zëvendës në Ministrinë e Mbrojtjes dhe është një person me të cilin mund të bashkëpunosh.

“Unë kam pasur rastin që si ministër i Mbrojtjes të bashkëpunoj drejtpërsëdrejti me kandidatin për kryeministër të ardhshëm…besoj që ai mund të kryej dhe të marrë përsipër të gjitha obligimet që dalin për organizimin e zgjedhjeve më 24 prill”, deklaroi mes tjerash Xhaferi.