Emigranti tregon si i vodhën 15 mijë euro në mes të ditës

Atij i janë vjedhur 15 mijë euro, derisa po shkonte në një pikë këmbimi valutor për të konvertuar kartëmonedhat nga euro në lekë

Foto ilustrim

Një emigrant i kthyer nga Greqia në Shqipëria ishte grabitur mesditës e së hënës në qytetin e Korçës.

Atij i janë vjedhur 15 mijë euro, derisa po shkonte në një pikë këmbimi valutor për të konvertuar kartëmonedhat nga euro në lekë.

51-vjeçari po qëndronte për pushime në Shqipëri, derisa një person i panjohur i ka marrë çantën dhe është larguar, bëjnë të ditura mediat shqiptare, përcjell albinfo.ch.

Ai kishte lajmëruar policinë, derisa ka thënë se ato para ishin kursime familjare. “Ishin kursimet e mia, të cilat do t’i përdorja për arsye familjare. Nuk arrita të shoh se kush mi mori. Më rrëmbyen çantën nga dora”, ka thënë ai në Polici.