Ema Hoti, shqiptarja me titullin “Miss Sympathy in Switzerland”

Pas një procesi të gjatë seleksionimi, ku u paraqitën rreth 250 vajza, Ema arriti të dalë në top 10-shen e parë dhe u shpall "Miss Sympathy"

Modelja shqiptare, Ema Hoti e lindur dhe rritur në Zvicër, por me prejardhje nga Kosova, tashmë është bërë mjaft e kërkuar si imazh bukurie dhe së fundmi është shpallur “Miss Sympathy in Switzerland”.

Që në moshë të re ajo kishte pëlqime për fushën e modelizmit dhe me kalimin e kohës, tiparet e saj reflektonin në përputhshmëri të plotë me këtë profesion.

Në fakt “Miss Universe Switzerland” është një eveniment që solli shumë emocione, ku Ema Hoti ishte shpallur si njëra nga finalistet e garës prestigjioze.

Pas një procesi të gjatë seleksionimi, ku u paraqitën rreth 250 vajza, Ema arriti të dalë në top 10-shen e parë. Ani pse nuk arriti të merrte çmimin kryesor, ajo “rrëmbeu” titullin “Miss Simpathy in Switzeland” në garën që u mbajt më 28 shtator në Bernë.

Ema Hoti, me karizmën dhe elegancën e saj, ishte një garuese e denjë duke përfaqësuar në mënyrë të përkryer diversitetin e Zvicrës, dhe duke ruajtur njëkohësisht krenarinë për rrënjët e saj shqiptare.

Ajo është një fytyrë e re e modës, delikate, elegante, falë pamjes së saj dhe stilit të veçantë të veshjes. Në fakt ajo bëri shumë zhurmë edhe në mediat e Zvicrës, duke e konsideruar si një nga emrat më të spikatur të bukurisë, delikatesës dhe sharmit që ajo zotëron.

Ema gjithashtu pati mundësinë e jashtëzakonshme të sfilonte në Javën e Modës (Fashion Week) në Nju Jork, duke realizuar kështu një nga ëndrrat e saj të fëmijërisë, një ëndërr e përbashkët me miliona vajza në botë.

Duke u bërë pjesë e këtij konkurrimi, Ema ka arritur të inspirojë shumë vajza të tjera për të ndjekur ëndrrat e tyre, duke treguar se me përkushtim dhe besim në vetvete, gjithçka është e mundur.

---