Elitat në shënjestër të SVP-UDC

Një fenomen në një strategji më të gjerë. Sonte, SVP-UDC do të mbajë fjalimin e saj tradicional në Albisgüetli.

Në mbrëmjen e dorëheqjes së presidentit të Bankës Kombëtare Zvicerane (BKZ), Philipp Hildebrand, Christoph Blocher kishte lëshuar një nga thëniet e tij të vogla, për të cilat vetëm ai mban sekretin: “Ne nuk kemi qëllime aq modeste”. SVP-UDC nuk do të kënaqet vetëm me kokën e Philipp Hildebrand-it.

Kush do të qëllohet sonte, thotë e përditshmja Le Temps, pas presidentit të Bankës Kombëtare të vitit të kaluar. Kush do të jetë në shënjestër gjatë fjalimit të zakonshëm të SVP-UDC-së në Albisgüetli ? Pas prokurorit Valentin Roschacher dhe Erwin Beyeler, të cilët i patën dalë në rrugë Christoph Blocher-it, dhe më vonë Philipp Hildebrand, shihet se lista vetëm se po zgjatet.

Tashmë është i njohur njëri nga kokat e ardhshme në shënjestër: Hansueli Raggenbass, kryetari aktual i BKZ-së. Rizgjedhja e tij duket e komprometuar. Por, kryesisht SVP-UDC synon të qëllojë Presidenten e Konfederatës, Eveline Widmer -Schlumpf, e cila është e akuzuar për tradhti, pasi ajo pranoi të zëvendësojë Christoph Blocher-in në Këshillin Federal.

Ky rast sikur bie nga qielli, sidomos kur dihet se partia po përballet me disa vështirësi zgjedhore dhe që është pak sa e tronditur nga dështimet e saj për të pushtuar Këshillin e Shteteve dhe Këshillin Federal. Kështu që Christoph Blocher mund të theksojë talentin e tij si një strateg, duke bërë të heshtin zërat kundërshtues brenda partisë.

Ekonomisti dhe ish-anëtari i bordit të BKZ-së, Jean-Pierre Ghelfi, mendon se kjo parti është në «kërkim të pandërprerë të destabilizimit të institucioneve». Nuk dihet a bëhet fjalë për opozitë, apo thjesht për hakmarrje. Përpjekjet për të shpjeguar arsyet e këtyre sulmeve kundër institucioneve janë të shumta.

“Kjo është absurde, mbrohet nënkryetar i SVP/UDC-së, Hans Fehr. Philipp Hildebrand ka spekuluar me dollarin, gjë që është e papranueshme për një bankier qendror. Të tjerët nuk kanë përmbushur detyrat e tyre, ose kanë kryer veprime të ndaluara. Janë ata që destabilizojnë shtetin”.

Askush, qoftë nga e majta apo e djathta qendrore, nuk e kritikon faktin se Christoph Blocher i ka transmetuar informacione Këshillit federal. Ajo që kritikohet është agresiviteti i sulmit dhe përdorimi i politikës.