Ekstradohet shqiptari nga Gjermania

“Interpol Tirana” ka kryer ekstradimin nga Frankfurti drejt Shqipërisë të shtetasit Fabjo Berhamaj, 20 vjeç, lindur në Patos, i dënuar me 7 vjet burgim, raportojnë mediat në Tiranë, përcjell albinfo.ch.

20-vjeçari ishte dënuar nga Gjykata e Fierit me 7 vjet burgim për kryerjen e veprës penale “Prodhim dhe shitje e narkotikëve“, parashikuar nga neni 283/1 të Kodit të Penal të Republikës së Shqipërisë.

Si rezultat i bashkëpunimit të “Interpol Tirana” me “Interpol Wiesbaden”, Gjermani, u bë i mundur arrestimi i tij në Gjermani me qëllim ekstradimi drejt Shqipërisë.