Ekspozitë e fotografive nga Kosova në Berlin

Foografitë bardh e zi të Adil Razalit ekspozohen në ambientet e Ambasadës së Kosovës në Berlin

Të enjten që vjen, më 3 korrik, në lokalet e Ambasadës së Kosovës në Berlin hapet ekspozita e fotografive të Adil Razalit. Siç bëhet e ditur në një komunikatë për shtyp të dërguar nga ambasada, ekspozita do të hapet nga ambdadori Skender Xhakaliu ndërsa një prezantim të punimeve të ekspozuara, gjegjësisht fotografive bardh-zi, do ta bëjë gazetarja Isabel Herzfeld.

Në ekspozitën e cila do të jetë e hapur deri më 31 korrik, autori ka pasqyruar projektin e zhvilluar në shkollën e muzikës “Lorenc Antoni” në Prizren me titullin “Kosova kërkon miq dhe Spectrum Concerts Berlin” është pjesë e kësaj.

Në fotografitë e tij, Azali ka dokumentar kushtet e vështira në të cilat punohet në këtë shkollë por para së gjithash çastet e shpresës dhe të suksesit të të rinjve.

Projekti i përmendur është zhvilluar në vitin 2012 nga Frank Dodge, themelues dhe udhëheqës artistik i Spectrum Concers Berlin. Pej atëherë ai me kolegët e tij të muzikës ka udhëtuar rregullisht për në Prizren për të mbajtur kurse, për të ligjëruar dhe për të shfaqur koncerte të përbashkëta me nxënësit e shkollës “Lorenc Antoni”.

Ky bashkëpunim është zhvilluar edhe më tutje dhe kështu Spectrum Concerts Berlin është angazhuar në mbështetjen e shkollës së pe¨rmendur të muzikës. Kjo mbështetje është bërë në formë të donacioneve për fletore të notave, instrumente muzikore (violina, pjano, çembalo dhe flauta). Po ashtu ka siguruar edhe një bursë të vogël për të mbështetur studentët në studimet jashtë vendit.

Udhëtimi për në Kosovë i bërë në vitin 2013 është përcjellë nga Turquis Film&TV Production dhe në bashkëpunim me rbb nga ky aktivitet ka lindur filmi “Sehnsucht Musik”. Në tetor të vitit 2013 ky film është emetuar në televizion pë gjithë vendin.