Edhe një ftesë nga Gjykata Speciale

Gjykata Speciale ka thirrur Rilind Berishën, Zyrtarin e Ministrisë së Drejtësisë.

Ai me anë të një postimi në rrjetin social Facebook, ka thënë se një ftesë të tillë e ka pranuar para dy javësh.

“Të nderuar miq, me datë 18.07.2019 kam marrë ftesën ma të befasishme në jetën time. Më 5 gusht duhet të paraqitem para Gjykatës Speciale në Hagë”, ka shkruar ai në Facebook, transmeton Klan Kosova.

Ai madje ka thënë edhe se nuk e di arsyen e ftesës.

“Nuk e di arsyen për të cilën do të intervistohem, nëse veç mund ta përdorim termin arsye për këtë gjykatë krejtësisht të paarsyeshme”, ka shtuar ai.

Sipas mediave kosovare, në kohën e luftës, Berisha ka qenë vetëm 8 vjeç.