Edhe Milaim Rama kritikon komentatorin Ruefer: “Kjo nxit racizmin”

"Një deklaratë e tillë ushqen racizmin dhe nuk do ta prisja një gjë të tillë nga Sascha Ruefer – nga një komentator i vjetër i futbollit”, thotë Rama

Deklarimi tashmë i shumëpërfolur  problematik ndaj Granit Xhakës, i bërë nga komentatori i futbollit në SRF, Sacha Ruefer ka ngjallur debat të ashpër në mediat zvicerane. Shumcia e kritikojnë por ka dhe të tjerë që thonë se një deklaratë e tillë, e pamatur, nuk mjafton për ta shpallur atë, racist.

Komentatori i SRF-së hesht ndaj deklaratës që është bërë publike, ashtu si edhe Federata Zvicerane e Futbollit. Nga SRF thonë : “Gjatë prerjes, në montazh, një deklaratë është përdorur pa dashje, por ajo, në një kontekst tjetërështë kuptuar gabimisht dhe kështu është `falsifikuar` i gjithë citati nga Sascha Ruefer”.

“Asnjë lojtar nuk meriton diçka të tillë – as Xhaka”

Milaim Rama është një nga personat që e njeh shumë mirë temën e Secondo-ve për kombëtaren e Zvicrës. Ish-sulmuesi i Thunit ishte lojtari i parë i Natit me rrënjë kosovare. “Do të jem i sinqertë, fjalia është e keqe dhe mendimi aty është i gabuar, transmeton albinfo.ch. Një deklaratë e tillë ushqen racizmin dhe nuk do ta prisja një gjë të tillë nga Sascha Ruefer – nga një komentator i vjetër i futbollit”, thotë Rama për 20 minuten. Asnjë lojtar nuk e meriton diçka të tillë – dhe sigurisht jo Granit Xhaka. “Arritjet e tij për Zvicrën janë të pabesueshme, ai ka bërë shumë për kombëtaren”.

Më tutje Rama, duke folur për debatin rreth dyshtetësive, thotë: “Rrënjët janë aty dhe nuk mund ta ndryshosh ADN-në. Kjo është e pamundur. Por të gjithë jemi të integruar mirë dhe gjithmonë kemi dhënë gjithçka për kombëtaren”. Ai është gjithashtu mjaft i sigurt se shumë pak njerëz në Zvicër ndajnë mendimin e Rueferit. “Shumica janë të lumtur që kemi një Granit – veçanërisht brezi i ri dhe sigurisht shokët e tij të skuadrës”.

Sukseset  e Natit të vihen në plan të parë dhe jo shfaqjet anësore

Nëse Ruefer duhet të vazhdojë të komentojë ndeshjet e Natit, nuk varet nga unë, thotë Rama: “Këtë duhet ta vendosin të tjerët. Natyrisht, Sascha Ruefer edhe mund të kërkojë falje nëse mendon se ishte gabim”, pe¨rcjell albinfo.ch Edhe Rama, një ish sulmues në Nati shpreson që kjo temë të mos bëhet shumë e madhe sidomos në dritën e suksesit aktual të Natit. “Vitet e fundit ka pasur shqetësime vazhdimisht. Tashmë Nati ka nisur fuqishëm në kualifikueset e Kampionatit Evropian. Kjo duhet të jetë në plan të parë dhe jo shfaqjet anësore”.

---