Edhe Gjermania vendos kushte për udhëtarët nga Shqipëria

Aeroporti Ndërkombëtar “Nënë Tereza” i Tiranës ka njoftuar udhëtarët që duan të udhëtojnë drejt Gjermanisë se është e detyrueshme të jenë të pajisur me certifikatën e vaksinës anti-Covid.

“Në vëmendje të pasagjerëve që udhëtojnë nga Tirana International Airport drejt Gjermanisë. Të gjithë personat që udhëtojnë nga Tirana International Airport mund të udhëtojnë drejt Gjermanisë vetëm në qoftë se janë të pajisur me certifikatën e vaksinës”, thuhet në njoftim, transmeton Albinfo.ch.

Sipas njoftimit, personat që nuk janë të vaksinuar mund të udhëtojnë drejt Gjermanisë me PCR vetëm për arsye të rëndësishme.