E zë gjumi me këmbën në pedalen e gazit

Një shofer 48 vjeçar në Gjermani duket se kishte pirë ndonjë gotë më tepër se që duhet. Në këtë gjendje atë e kishte zënë gjumi, një gjë që nuk ndodh rrallë nëpër rrugët automobilistike.

Por e veçanta e këtij rasti është se shoferi i dehur e kishte pasur këmbën duke e shtypur pedalen e gazit, kur e kishte zënë gjumi. Për këtë arsye, siç njofton policia, vetura po gjëmonte duke qëndruar në vend, ndërkohë që për fat, në gjendjen që ishte, shoferi nuk kishte mundur të caktonte shpejtësinë.

Një banor nga ndërtesat e afërme alarmon policinë, dhe, kur vjen kjo e fundit, shoferi në veturën e mbyllur nuk reagon fare, aq shumë ishte thelluar ai në “botën eëndrrave”. Policia detyrohet të thyejë dritaren e makinës për ta hapur derën, ndërsa i dehuri nuk zgjohet as atëherë! Në fund, punëtorët e ndihmës së parë detryohen ta nxjerrin 48 vjeçarin nga makina për ta dërguar në spital.

Ndaj tij është ngritur padia për ngarje të makinës në gjendje të dehur.