Dorëzohet në polici i kërkuari për vrasjen e mërgimtarit në Klinë

Tush Frroku që ishte në kërkim nga 7 gushti, kur vrau me shtatë plumba mërgimtarin në një lokal në Klinë, është dorëzuar në Policinë e Kosovës.

Lajmi është konfirmuar për Portalin Dukagjini, nga zëdhënësi i Prokurorisë në Pejë, Shkodran Nikçi.

“Gjendet në stacionin policor do të ndalohet për 48 orë me urdhër të prokurorit të shtetit. Ndërkaq, brenda afatit ligjor do të bëhet kërkesa për caktimin e masës së paraburgimit”, ka thënë Nikçi, përcjell albinfo.ch.