Dorëzohet Iniciativa kundër blerjes së Aeroplanëve luftarakë

Sipas kundërshtarëve të blerjes, iniciativa e dorëzuar sot përmban më shumë se 100 mijë nënshkrime, që mjaftojnë për tu hedhur iniciativa në referendum

Në zyrën federale, kompetente për regjistrimin e iniciativave në Bernë ka arritur iniciativa për referendum kundër blerjes së aeroplanëve lufttarakë „Grippen“. Më herët vitin e kaluar qeveria federale kishte marrë vendim për blerjen e aeroplanëve suedezë të këtij tipi, blerje kjo që është kundërshtuar nga një pjesë e opinionit dhe spektrit politik zviceran.

Sipas kundërshtarëve të blerjes, iniciativa e dorëzuar sot përmban më shumë se 100 mijë nënshkrime, që mjaftojnë për tu hedhur iniciativa në referendum.

Komiteti i themeluar për këtë iniciativë përbëhet nga organizata “Grupi për Zvicrën pa Ushtri”, Partia Socialdemokrate, të Gjelbrit dhe organizata të tjera të spektrit të majtë.

Sipas orarit të përcaktuar, referendumi do të mbahet më 18 maj të këtij viti.

Sipas vendimit të qeverisë, të miratuar edhe nga parlamenti në vjeshtën që shkoi, Zvicra do të blejë 22 aeroplanë luftarakë për 3.1 miliardë franga.