Donacion nga Zvicra, përurohet fontana në parkun e madh të Gjakovës

Në qytetin e bukur të Gjakovës, para pak ditësh është bërë përurimi i fontanës në parkun e madh të qytetit, transmeton albinfo.ch.

Kjo fontanë e realizuar nga Arcus Studio me donacion nga aktivistja zvicerane për mbrojtjen e të drejtave të kafshëve, Helen Wormser. Kjo fontanë do të shërbejë edhe për pamje të bukur të qytetit, e po ashtu edhe për qentë endacakë.

Kryetari Gjini falënderoi zonjën Helen si dhe njoftoi për punimet që janë duke u bërë në këtë park.

Aktivistja Helen Wormser u shpreh e lumtur që ky projekt është finalizuar.

Sigurisht që jam e lumtur. Duket shumë bukur. Me tërë këta lisa e këto pemë këtu, ky do të jetë një park i mrekullueshëm. Është një ide shumë e mirë kjo.

Nga ky ambient u tha se planifikohet të investohet prapë në ide që janë në të mirë të natyrës dhe qytetarëve. /Albinfo.ch