Dokufesti, në Hamburg me programin “Typical Balkan”

Edicioni i 30-të i Festivalit të Filmit të Shkurtër në Hamburg mbahet nga 3 deri më 9 qershor 2014

Festivali i Filmit dhe Dokumentarit “DokuFest” prezanton një program me filma të shkurtër nga Ballkani në edicionin e 30-të të Festivalit Ndërkombëtar të Filmit të Shkurtër në Hamburg, njëri nga evenimentet më të mëdha të filmit në Gjermani. 
Programi Typical Balkan është kuruar nga programeri i filmave të shkurtër të DokuFest, Samir Karahoda dhe fokusohet në ngjarje origjinale nga filmëbërësit nga Ballkani.

Typical Balkan përfshin: ORFEJ nga Tina Smalceij, DROP BY SOMETIME nga Kosara Mitic, BUHAR nga Abdurrahman Oner, MATANË LUMIT nga Sabir Kanaqi, RABBITLAND nga Ana Nedeljkovi dhe Nikola Majdak,jr, BALLKONI nga Lendita Zeqiraj dhe SVE TO nga Branislav Milatovic.

I themeluar në vitin 1985, Festivali Ndërkombëtar i Filmit të Shkurtër në Hamburg i ka rrënjët në skenën e pavarur të filmit. Që nga themelimi i tij, festivali ka si qëllim të përballet me sfidat e prezantuara nga zhvillimet e reja në teknologji, shoqëri dhe në estetikë.

Për këtë arsye festivali gjithmonë ka prezantuar produkte të reja, të panjohura. të jashtëzakonshme dhe kontradiktore. Rreth 14.000 vizitorë shohin mbi 400 filma në kategoritë konkurruese ndërkombëtare dhe kombëtare si dhe në programet e kuruara, të cilat përfshijnë filma bashkëkohor pranë filmave më të hershëm avangardië. Edicioni i 30-të i Festivalit të Filmit të Shkurtër në Hamburg mbahet nga 3 deri më 9 qershor 2014.