Djali detyrohet të paguajë nënën pasi ajo ia pagoi shkollimin

Gjykata kryesore e Tajvanit ka urdhëruar një burrë që të paguajë nënën e tij gati një milion dollarë për pagesat që ajo ka bërë për shkollimin e tij për dentist.

Nëna ka nënshkruar kontratë me djalin e saj në vitin 1997, kur ai ishte 20-vjeçar, në të cilën thuhej se ai do të paguajë 60 për qind të pagës së tij mujore pasi të kryejë kualifikimin.

Ajo tani e ka çuar në gjykatë pasi djali i saj refuzoi të paguante për disa vjet, transmeton Albinfo.ch.

Djali u arsyetua duke thënë se nuk ishte në rregull që nëna e tij të kërkonte kthim të financave për rritjen e një fëmije, por gjykata ka vendosur që kontrata ishte valide.

Tani ai duhet të paguajë prapa shpenzimet për shkollimin e tij, si dhe interesin.

Nëna, e identifikuar si Luo, kishte rritur të dy djemtë e vetme pasi u nda nga burri. Ajo ka thënë se ka shpenzuar qindra mijëra dollarë për të dy djemtë që të bëheshin doktorë, por u bë merak se ata nuk do të kujdeseshin për të kur të plakej.

Si rrjedhojë, ajo nënshkroi kontratë me të dy djemtë që të paguanin një pjesë nga fitimet si rikthim për pagesën që në total kapi 1.7 milionë dollarë.

Djali më i madh kishte arritur një marrëveshje për shifër më të vogël me nënën, ndërsa i vogli, i identifikuar si Chu, kishte thënë se ishte shumë i ri kur e kishte nënshkruar kontratën.