Diskutim për unifikimin e shkollave shqipe në Zvicër

Tre ambasadorët shqiptarë, bashkë me koordinatorin e "Shkollës Shqipe" diskutuan mbi të arriturat dhe zhvillimin e shkollave shqipe

Mësohet se sot, më 30.01.2024, në ambientet e Ambasadës së Republikës së Shqipërisë në Bernë, tre ambasadorët shqiptarë, ai i Shqipërisë, z.Mustafa Nano, i Kosovës, z.Sami Ukelli dhe i Maqedonisë së Veriut, z.Rexhep Demiri, pritën në takim Koordinatorin e “Shkollës Shqipe” në Zvicër, z. Vaxhid Sejdiu dhe Kryetarin e Lidhjes së Prindërve dhe Arsimtarëve Shqiptarë në Zvicër (LAPSH), z. Liburn Mehmetaj, shkruan albinfo.ch.

Thuhet se qëllimi i këtij takimi ishte intensifikimi i bashkëpunimit dhe fillimi i punës për unifikimin e shkollave shqipe në Zvicër. Palët u dakorduan që sa më parë të fillojë themelimi i një komisioni të punës që do të merret me detajet teknike.

Tre ambasadorët i përgëzuan dy udhëheqësit e shkollave për këtë nismë dhe ofruan mbështetjen e tyre për përmbylljen sa më të shpejtë të këtij procesi në të mirën e diasporës shqiptare në Zvicër. /Albinfo.ch

 

---