Diplomati gjerman: Kosova ta heqë taksën dhe të fitojë vizat

Wolfgang Ischinger (Twitter)

Diplomati gjerman, Wolfgang Ischinger, ka thënë se Kosova do të duhej ta ndalte rritjen e taksës për të fituar liberalizimin e vizave.

Ai po ashtu ka thënë se Serbia nuk anëtarësohet në BE pa e njohur Kosovën, përcjell albinfo.ch.

Këto komente ai i ka bërë përmes një postimi në Twitter. 

“Tashmë të gjithë e dinë pak a shumë se çka nuk është e dëshiruar. Por, si mund të vazhdohet më tutje? Çka duhet të marrë Serbia (për ta njohur Kosovën)? Rrugë më të shpejtë për t’u anëtarësuar në BE? Një gjë është e qartë: jo njohje, jo anëtarësim! Kosova duhet ta ndalë rritjen e taksës dhe ta fitojë lëvizjen e lirë pa viza, menjëherë”, ka shkruar Ischinger në Twitter, përcjell albinfo.ch.