Dhjetëra veta denoncojnë shtetasin maqedonas: U merrte para duke i mashtruar

Duke u folur për  gjendjen e rëndë të tij ose të ndonjë familjari në nevojë, ai u ngjallte atyre mëshirë...

Policia Kantonale e St.Gallenit, në bashkëveprim me Prokurorinë Publike, javën e kaluar kanë kërkuar përmes një apeli publik nëse ka të dëmtuar të tjerë nga një person me shtetësi maqedonase, i  arrestuar javë më parë si mashtrues i shumëfishtë. Pas kësaj, janë paraqitur dhjetëra persona të dëmtuar nga po ky njeri.

Personi 33-vjeçar i “vizitonte” nëpër shtëpitë e tyre në qytetin Wil të Kantonit St. Gallen viktimat që ua vinte syrin. Duke u folur për  gjendjen e rëndë të tij ose të ndonjë familjari në nevojë, ai u ngjallte atyre mëshirë, shkruan polizeinews.ch. Në këtë mënyrë shumë persona i kanë dorëzuar atij shuma të mëdha të parave, transmeton albinfo.ch.

Pas apelit të bërë nga policia, gjatë javës së kaluar janë paraqitur disa dhjetëra qytetarë të tjerë të dëmtuar.

Nën drejtimin e Prokurorisë Publike të Kantonit të St. Gallenit, Policia Kantonale është duke i përpunuar denoncimet e grumbulluara dhe po merr sërish kontakt me personat e dëmtuar.

Personi i akuzuar vazhdon të mbahet në burgun për hetime, përcjell albinfo.ch. Për shkak të procedurës që është në vazhdim, tash për tash nuk mund të jepen më shumë detaje nga denoncimet që i janë bërë atij.

---