Detajet nga modelet e reja të iPhone-it

Njëri nga modelet do të ketë një ekran 6.5 inç, ekrani më i madh për telefon

Apple ka bërë të ditur se do të lansojë tre modele të reja të iPhone, duke përfshirë edhe atë më të madh ndonjëherë me një ekran 6.5 inç.

Lajmi është bërë i ditur nga “Bloomberg”, sipas të cilit kompania ende nuk ka bërë të ditur datën ekzakte se kur do të zbulojë telefonat e rinj, edhe pse zakonisht e bën këtë në fillim të shtatorit.

Njëri nga modelet do të ketë një ekran 6.5 inç, ekrani më i madh për telefon. Ndërkohë, madhësia e ekranit të modelit tjetër pritet të jetë 5.8 inç, të njëjtën madhësi si iPhone X, ndërsa modeli i tretë do të vijë me një ekran 6.1 inç, shkruan ‘Scan’.

Kjo ishte bërë më herët e ditur edhe nga raportet e analistëve që nga dhjetori 2017, të cilët paralajmëruan se Apple do të vijë me tre iPhone të rinj këtë vit. Të gjithë iPhone-t e rinj thuhet se do të përdorin Face ID, në vend të shenjës së gishtave për zhbllokimin e tij, përcjell albinfo.ch.

Sa i takon ngjyrave të telefonave, Bloomberg raporton se ata do të vijnë në ngjyra të ndryshme, ndërsa kompania nuk ka dhënë ende asnjë koment mbi këtë.

---