Dështon festa e 1 Gushtit e organizuar nga xhamia në Cyrih

Xhamia më e vjetër në Zvicër, për të festuar festën kombëtare zvicerane kishte ftuar 200 persona, myslimanë dhe jomyslimanë. Pothuajse askush nuk erdhi

Përgatitja e takimit të fundjavës së 1 Gushtit, ka qenë si shenjë e një suksesi të madh në Zvicër për shumë vite. Xhamia e Mahmudit në Cyrih, në rrethin Hirslanden, është përpjekur ta organizojë këtë takim për tu njohur më mirë me fqinjët e saj dhe për të dëshmuar integrimin. Por, më kot. Pasi takimi dështoi, ka njoftuar të enjten “Neue Zürcher Zeitung”, transmeton Albinfo.ch.

Bufeja ishte joshëse me lloj-lloj ushqimesh tradicionale. Kopshti ishte zbukuruar ashtu siç duhet të jetë, me flamurët zviceranë. Sidoqoftë, shërbimi u bë nga gra të mbuluara me velo.

“Dashuria ndaj atdheut është pjesë e besimit”, ka thënë gjatë fjalimit zyrtar imami Mohammad ëafa, në gjuhën gjermane të Zvicrës. Ai shtoi se “shtëpia nuk është vetëm aty ku kemi lindur, ku jemi rritur, por ku jetojmë dhe ku ndjehemi rehat”, shkruan më tej NZZ. “Shumë nga të pranishmit kanë qenë të detyruar të largohen nga atdheu i tyre duke gjetur këtu strehim”, shtoi imami. “Zvicra na mirëpriti me krahë të hapur, na dha dashuri dhe ngrohtësi. Ne tani duam t’i japim diçka vendit, që na ka dhënë kaq shumë, transmeton tutje albinfo.ch.

Komuniteti mysliman kishte ftuar më shumë se 200 persona nga rajoni, duke përfshirë shumë jomyslimanë, në atë mëngjes të lirë. Por askush pothuajse nuk erdhi, përveç rreth gjashtëdhjetë anëtarëve të xhamisë. Vetëm një çift i ri dhe një grua e vjetër iu përgjigjën ftesës. “Nuk jam veçanërisht patriotike,” shpjegoi gruaja e re, e cila e mësoi ngjarjen nga gazetat lokale. “Prisja një kënaqësi të vërtetë”, thotë ajo. Një tjetër zonjë, e cila e njeh mirë komunitetin, konkludon: “Ndoshta duhet të komunikojnë me më shumë transparencë dhe tolerancë ndaj opinionit dhe të bëjnë më shumë për këtë lloj organizimi”.

Xhamia Mahmud është xhamia më e vjetër në Zvicër. Ajo është ndërtuar në vitin 1962 nga komuniteti mysliman Ahmadiyya. E para në Zvicër, minarja e saj e gjatë 18 metra, u përurua në vitin 1963. Komuniteti u themelua në vitin 1889.