Deri në një orë pritje në Merdar

Kolona të automjeteve dhe pritje më të gjata në dalje nga Kosova mbrëmjen e sotme janë regjistruar vetëm në vendkalimin kufitar me Serbinë, në Merdar.

Qendra Kombëtare për Menaxhimin Kufitar, në raportin e orës 20:33 njofton se në vendkalimin kufitar në Merdar pritjet janë 40 deri në 50 minuta, teksa kolona e automjeteve arrin deri në 200 metra, përcjell albinfo.ch.

Me përjashtim të pikës te Dheu i Bardhë, ku pritjet në dalje janë nga 10 deri në 15 minuta, në vendkalimet e tjera nuk ka pritje më gjatë se 3-5 minuta si në hyrje, ashtu edhe në dalje të Kosovës.