Deri më tani në Iran janë kryer mbi 3 milionë teste për COVID-19

(KEYSTONE/Jean-Christophe Bott)

Në Iran, shënohen edhe 125 viktima të reja nga COVID-19.

Me 125 vdekjet e regjistruara gjatë 24 orëve të fundit nga koronavirus në Iran, numri i përgjithshëm i viktimave është rritur në 20.901.

Zëdhënësja e Ministrisë së Shëndetësisë së Iranit, Sima Sadat Lari njoftoi 2.213 raste të reja me koronavirus, me çka numri i përgjithshëm i rasteve ka shkuar në 363.363.

Ajo gjithashtu tha se 3.839 nga të prekurit me COVID-19 janë në gjendje të rëndë dhe se numri i të shëruarve deri më tani ka arritur në 313.058.

COVID-19 për herë të parë në Iran u shfaq në qytetin Qom më 19 shkurt, nërsa deri më tani në vend janë kryer gjithsej 3.088.313 teste për COVID-19, përcjell albinfo.ch.