Dënohet shtetasi maqedonas që deshi t`i vriste policët zviceranë

Ngjarja kishte ndodhur pasditen e 02 qershorit të vitit të kaluar, në dalje të autostradës në Nyon, ndërsa policët kanë shpëtuar nga më e keqja vetëm falë aftësive të tyre për të reaguar

Gjykata rajonale në La Côte të Zvicrës e ka konfirmuar veprën penale “tentimvrasje” të një shtetasi maqedonas me vendbanim në Lyon të Francës, ndaj policëve të Kantonit Vaud.

Gjashtë vite burg dhe ndalesë prej 15 vitesh për të hyrë në territorin zviceran. Ky është dënimi i cili i është shqiptuar një vozitësi me shtetësi maqedomase, i cili pa patentë shoferi dhe nën ndikim të lëndëve narkotike, me qëllim ka dashur t`i godasë dy policët nga Kantoni Vaud.

Ngjarja kishte ndodhur pasditen e 02 qershorit të vitit të kaluar, në dalje të autostradës në Nyon, ndërsa policët kanë shpëtuar nga më e keqja vetëm falë aftësive të tyre për të reaguar shpejt dhe sigurt, shkruan “Le Matin”, përcjellë albinfo.ch.

Dy bashkudhëtarët e tij të moshës 26 dhe 28-vjeçare, janë dënuar me 28, gjegjësisht 20 muaj burg (prej të cilave, me nga dhjetë me kusht). Ndaj tyre gjithashtu është paraparë urdhërdëbim, ndërsa pala mbrojtëse ka paralajmëruar ankesë.