Dënohet me burgim serbi që fyen Kosovën

Serbi nga Hoqa e Madhe e Rahovecit, me vendbanim në Jagodinë të Serbisë, është arrestuar në pikën kufitare në Merdare

Todor Milorad Doshaleviq në këtë pikë kufitare kishte hyrë me flamurin serb, në gjatësi prej 2 metrash, që e kishte ngritur në veturën e tij të tipit “Pasat” thuhet në një njoftim të policisë.

Doshaleviq pasi ishte urdhëruar nga Policia e Kosovës për të hequr flamurin serb nga vetura, ai kishte nisur të fyejë policinë dhe shtetin e Kosovës, me fjalët se “këtu është Serbi e nuk njoh polici as Gjykatë të Kosovës” etj.

40-vjeçari nga Hoqa e Rahovecit, pensionist invalidor pas arrestimit nga policia i janë gjetur edhe 6000 mijë euro, që dyshohet se i kishte sjellë për t’ua shpërndarë shokëve të tij në Kosovë, për të marrë pjesë në shënimin e ditës së Vidovdanit.

Todor Doshalevic pasi është sjellë para kryetarit të Gjykatës për Kundërvajtje në Podujevë, Sabit Çitaku, ka refuzuar të japë deklaratë dhe ka kërkuar të jenë prezent KFOR-i dhe UNMIK-u.

Ai së pari është dënuar për veprën kundërvajtje, me një gjobë prej 450 eurosh dhe pasi ka refuzuar aktvendimin e kryetarit të Gjykatës, ka pasuar vendimi tjetër me burg prej 30 ditësh, vendim i cili është ekzekutuar menjëherë.