Dëbohen edhe 82 shqiptarë

53 shtetas shqiptarë janë dëbuar nga Anglia dhe 29 nga Franca

82 shtetas të Shqipërisë janë deportuar nga Franca dhe Britania e Madhe, raportojnë mediat shqiptare.

Në Aeroportin e Rinasit mbërriti një ‘Charter’ nga Anglia me 53 shtetas shqiptarë në bord, të kategorisë “deportiv”, të cilët janë gjetur me qëndrim të parregullt në Angli, përcjell albinfo.ch.

Gjithashtu mbërriti edhe një tjetër avion ‘Charter’ nga Franca me 29 shtetas shqiptarë në bord, të kategorisë “deportiv”, të cilët janë gjetur me qëndrim të parregullt në Francë dhe Belgjikë.

Autoritetet shqiptare disa herë kanë përsëritur se nuk ka gjasa për azil, andaj të mos marrin rrugën e migrimit, pasi do të humbasin kohë dhe para, e në fund do të dëbohen.