Cyrihu me fondin e lojërave të fatit do ndihmojë Bhutanin dhe mësuesit kosovarë

Gjysëm milion franga tjera të fondit të lotarisë do shkojnë për një projekt tjetër pedagogjik të shkollës së lartë në Cyrih për një program mësimi të përshtatur për Maqedoninë dhe Kosovën, përcjell albinfo.ch.

Këshilli Qeverisës i Cyrihut ka grumbulluar katër milion franga nga fondi i lojërave të fatit (Lotteriefonds), të cilat do shpenzohet në 27 projekte të ndryshme zhvillimi. Qëllimi i përgjithshëm është përmirësimi i kushteve jetësore të banorëve dhe përmirësim i mundësive të shkollimit, shkruan bluewin.ch.

Prej tyre gjysëm milion franga do shkojnë për një projekt të sigurimit të ndërtesës së policisë kantoniale të Cyrihut dhe sigurisë në qarkullimin rrugor.

Gjithashtu një pjesë e madhe e fondeve do shkojnë edhe për vendin e himalajeve, Bhutanin, e cila u prek nga një zjarr masiv ku shkatërroi një pjesë të rëndësishme të gërmadhave historike dhe kulturore. Gjysëm milion franga tjera të fondit të lotarisë do shkojnë për një projekt tjetër pedagogjik të shkollës së lartë në Cyrih për një program mësimi të përshtatur për Maqedoninë dhe Kosovën.

Kjo do mundësojë që në shkolla të ulen nxënës të grupeve të ndryshme etnike dhe të mësojnë sëbashku.

427’000 franga kanë përfituar Shoqatat për Zhvillim dhe Ndihmë në Europën lindore. Këto shoqata do ndihmojnë në ndërtimin e një qendre socio-pedagogjike në Tiflis të Gjeorgjisë. Krahas kësaj, ka edhe 24 projekte tjera me mbështetje nga rreth 100 mijë franga.

---