Credit Suisse planifikon të zhvendoset nga Londra

Credit Suisse Group AG planifikon të lërë një nga zyrat e saj në zonën Canary Wharf të Londrës pas shkurtimit të stafit, si dhe të një programi për të ulur shpenzimet, sipas dy njerëzve të njohur me këtë çështje, raporton Bloomberg.

Huadhënësi zviceran do ta zhvendosë stafin nga Columbus në një zyrë më të afërt dhe më të madhe, një sheshin e One Cabot, brenda dy viteve, shkruan ‘Monitor’.

Ajo mund të përpiqet pastaj të lërë me qira pronën deri në përfundimin e kontratës në vitin 2024 ose të negociojë një dalje të hershme me pronarin e ndërtesës HNA Group Co. Zyra është rreth 200,000 metra katrorë, ekuivalenti i rreth tre fushave futbolli, përcjell albinfo.ch.

Një zëdhënës i Credit Suisse nuk pranoi të komentojë mbi këtë çështje.

Banka me bazë në Cyrih ka rifokusuar menaxhimin e pasurisë dhe tregjet në zhvillim pasi kërkon të ndajë kapitalin në njësitë që gjenerojnë kthime më të larta.

Ndërtesa e sheshit Cabot, e cila ishte një nga zyrat e para që do të zinte në Canary Wharf, kur portet u shndërruan në një distrikt financiar gjatë viteve 1990, aktualisht po rinovohen.

Bankat e tjera, duke përfshirë Barclays Plc dhe Citigroup Inc. kanë zvogëluar gjithashtu hapësirën që zënë në këtë zonë në dy vitet e fundit.