Archives

Kosova, pjesëmarrëse në Panairin Ndërkombëtar të Turizmit “ITB Berlin 2025”

Posted on by erezzaademi

Turizmi i Kosovës është prezantuar në Panairin Ndërkombëtar të Turizmit “ITB Berlin 2025”, i cili u mbajt nga data 4 deri më 6 mars në Berlin të Gjermanisë, e që shënon një prej ngjarjeve më të rëndësishme globale në fushën e turizmit.

Kosovo Investment and Enterprise Support Agency – KIESA, përmes një njoftimi në rrjetin social “Facebook”, ka bërë të ditur se Kosova ka përmbyllur me sukses pjesëmarrjen në këtë panair, transmeton albinfo.ch.

“Gjatë tri ditëve, shtatë kompani nga sektori i turizmit në Kosovë – Superxplorers, Balkan Destination, Swiss Diamond Hotel, Butterfly Outdoor Adventure, OutdoorKosova, Balkan Natural Adventure dhe Kosovo Holidays – prezantuan ofertat e tyre turistike para një audience të gjerë nga vende të ndryshme të botës. Kompanitë pjesëmarrëse e vlerësuan këtë panair si një mundësi të rëndësishme për zgjerimin e bashkëpunimeve ndërkombëtare, pasi realizuan një sërë takimesh me agjenci turistike dhe operatorë të industrisë, të cilat presin t’i finalizojnë me marrëveshje konkrete në të ardhmen. Duke shfaqur potencialin e vendit si një destinacion unik turistik në rajon, shtandi i Kosovës tërhoqi interes të madh nga vizitorët e huaj”, thuhet në njoftim.”

Si përballen me diskriminim qiramarrësit e huaj në Zvicër?

Posted on by erezzaademi

Një reklamë e fundit që kërkon qiramarrës për një apartament të lirë në kantonin e Lucernit përmendi se do të merren parasysh “vetëm aplikantët zviceranë”. Por a është kjo e ligjshme?

Se si një reklamë e tillë u fut në internet në radhë të parë është një mister sepse, sipas Mojca Fuks, një zëdhënëse e Swiss Marketplace Group, e cila përfshin agjencitë e pasurive të paluajtshme Homegate dhe Immoscout24, “përmbajtja diskriminuese nuk lejohet në platformat e qirasë. Të gjitha reklamat kontrollohen dhe fshihen nëse ka ndonjë shkelje.”

Megjithatë, ky nuk është një incident i izoluar.

Administrata Federale e Strehimit (FOH) konfirmoi se kërkuesit e apartamenteve me emra të huaj lejohen të shohin pronat më rrallë se ato me emra tipikë zviceranë, edhe pse kompanitë e menaxhimit të pronës nuk mund të diskriminojnë në bazë të kombësisë ose prejardhjes etnike, transmeton albinfo.ch.

Hulumtimet e mëtejshme gjithashtu mbështesin gjetjen e FOH.

Sociologë nga Universitetet e Gjenevës, Neuchâtel dhe Lozanës kryen një studim eksperimental mbi diskriminimin në tregun zviceran të banesave duke dërguar 11,000 aplikacione fiktive në përgjigje të reklamave të pasurive të paluajtshme.

Ata zbuluan se ‘kandidatëve’ me emra kosovarë ose turq nuk u jepeshin aq shumë mundësi për të parë apartamentet sa aplikantëve jo të huaj.

Kur artikulli u shfaq në mediat zvicerane më 5 mars, një lexues komentoi se ai gjithashtu përjetoi të njëjtin lloj diskriminimi gjatë gjuetisë së banesës.

Megjithëse 30-vjeçari ka lindur dhe është rritur në Zvicër, emri i tij me tingull të huaj “është gjithmonë një pengesë kur aplikoni për një apartament”, tha ai.

Për shembull, ai aplikoi për një banesë me qira kohët e fundit dhe u refuzua menjëherë, “ndërsa një mik zviceran u ftua për të parë të njëjtin apartament”.

Taktikë e paligjshme

Diskriminimi ndaj të huajve – ose atyre që perceptohen si të huaj për shkak të emrit ose pamjes së tyre – është në kundërshtim me ligjin zviceran, qoftë për sa i përket strehimit, punësimit apo çdo fushë tjetër të jetës.

(Ndalohet gjithashtu në bazë të përkatësisë etnike, fesë, gjinisë ose orientimit seksual).

Në lidhje veçanërisht me qiranë, pronarët dhe shoqëritë e administrimit të pronës janë të detyruara nga ndalimi kushtetues i diskriminimit, shkruan thelocal.

Kjo do të thotë se ata nuk mund të reklamojnë apartamente me qira vetëm për njerëz me origjinë të caktuar etnike ose kombëtare.

Nëse kjo ju ndodh, ju mund të paraqisni një ankesë në Komisionin Federal kundër Racizmit, duke ofruar prova – si dëshmitarë ose prova të tjera të besueshme – se refuzimi ishte në fakt i bazuar në origjinën tuaj kombëtare.

Zelensky nga Brukseli: Ju qëndruat pranë nesh, jemi mirënjohës që nuk jemi vetëm

Posted on by Drin Reçica

Në samitin urgjent të BE-së në Bruksel për Ukrainën dhe mbrojtjen e kontinentit, ka mbërritur edhe presidenti ukrainas Volodymyr Zelensky.

Ai fillimisht falënderoi liderët evropianë për samitin.

“Gjatë gjithë kësaj periudhe, ju keni qëndruar me ne”, tha Zelensky.

“Në emër të të gjithë ukrainasve, ne ju falënderojmë shumë. Ne jemi shumë mirënjohës që nuk jemi vetëm. Këto nuk janë vetëm fjalë, ne e ndiejmë atë”, shtoi ai.

Menjëherë pas komenteve të Zelenskyt, foli edhe presidentja e Komisionit Evropian, Ursula von der Leyen.

“Është kaq e rëndësishme që ne të qëndrojmë së bashku. Ukraina është pjesë e familjes sonë evropiane”, tha von der Leyen.

“Evropa përballet me një rrezik të qartë dhe të pranishëm, dhe për këtë arsye ajo duhet të jetë në gjendje të mbrohet, të mbrohet”, shtoi ajo.

Dr. Gezim Dervishi, mjeku që ju mëson si të ulni peshën, pa rrezikuar shëndetin

Posted on by albinfo.ch

Viteve të fundit, si kudo në botë, edhe ndër shqiptarët tema e obezitetit (mbipeshës) është bërë një ndër shqetësimet e rëndësishme në kushtet e jetës moderne dhe të bollëkut të ushqimeve. Rrjedhimisht, po kështu një rëndësi e madhe i kushtohet trajtimit me metoda të provuara, shkencore, të këtij shqetësimi. Në këtë kontekst, një lloj “revolucioni” ka shkaktuar viteve të fundit përdorimi i barnave si “Ozempic”, “Wegovy” etj. Interesimi enorm për këto medikamente ka ngjallur edhe polemika në mediat perëndimore në lidhje me efektet ëvidente pozitive po edhe në lidhje me informacionet plotësuese që duhet t`i kenë ata që kanë vendosur të trajtohen me këto barna.

Për të fituar qartësi më të madhe rreth kësaj teme, albinfo.ch ka intervistuar Dr. Gëzim Dervishin, njërin ndër mjekët më të specializuar në këtë fushë, në Zvicër. Ai madje, rreth dy muaj më parë, së bashku me kolegun  etij Norbert Niebuhr ka hapur ordinancën e specializuar për humbje peshe “ViaSlim”, në Cyrih.

Dr. Gezim Dervishi, i lindur në Prishtinë, në vitin 1990,  ka studiuar mjekësinë humane në Universitetin e Këlnit ku dhe ka doktoruar. Ai ka punuar në pozita të ndryshme në Klinikën Hirslanden në Cyrih, së fundmi si mjek i lartë në Institutin për Mjekësi të Përgjithshme të Brendshme. Dr. Dervishi ka plotësuar trajnimin e tij mjekësor me provimet shtetërore të SHBA-së dhe trajnimin special në mjekësinë holistike (IFM) në SHBA. Pak muaj më parë Dr. Gezim Dervishi dhe Norbert Niebuhr kanë themeluar ordinancën “ViaSlim”, për të cilën thonë se është klinika e parë plotësisht dixhitale, e bazuar në aplikacione për humbje peshe në Zvicër.

Dr. Dervishi, krahas punës parësore si mjek specialist, ka publikuar deri më tani, në bashkautorësi me studiues të tjerë edhe disa studime në revista shkencore të specializuara për fushën në të cilën ai punon si në Journal of Plastic, Reconstructive & Aesthetic Surgery; Journal of Cosmetic Dermatology etj.

Dr. Gezim Dervishi dhe Norbert Niebuhr

Albinfo.ch: Mbipesha ose obeziteti, në kushtet e mirëqenies së sotme materiale, është një shqetësim për një numër gjithnjë më të madh njerëzish. Kjo edhe për faktin se mbipesha është shpesh hapi i parë për shumë sëmundje të rënda. Dalja në treg e medikamenteve si Ozempic etj., duket si një “bekim” për këtë kategori njerëzish. Megjithatë, mjekë dhe studiues të shumtë paralajmërojnë se as këto medikamente nuk janë “shkopi magjik” për heqjen qafe të mbipeshës. Cili është qëndrimi Juaj në këtë kontekst, si mjek i specializuar për këtë fushë? Çfarë i këshilloni pacientët që kërkojnë ndihmën Tuaj?

Dr. G. Dervishi: Mbipesha dhe obeziteti janë bërë një problem gjithnjë e më i përhapur në shoqërinë moderne, veçanërisht në komunitetin tonë shqiptar, ku ushqimi tradicional është shpesh i pasur me karbohidrate si fli, byrek dhe bukë. Për shumë njerëz, mbipesha nuk është vetëm një çështje estetike, por një faktor kryesor rreziku për sëmundje serioze si diabeti i tipit 2, hipertensioni, sëmundjet e zemrës dhe disa lloje të kancerit.

Medikamentet GLP-1 si Wegovy® kanë sjellë një ndryshim të madh në trajtimin e mbipeshës dhe kanë dhënë rezultate të jashtëzakonshme në uljen e peshës, me humbje mesatare deri në 15-20% të peshës trupore brenda 68 javësh. Megjithatë, këto nuk janë një zgjidhje magjike dhe nuk mund të përdoren si një metodë e vetme për të humbur peshë pa një qasje gjithëpërfshirëse.

Pacientëve që kërkojnë ndihmën tonë, u këshillojmë që trajtimi me GLP-1 të bëhet gjithmonë nën mbikëqyrje mjekësore dhe të kombinohet me një plan të strukturuar të ushqyerjes dhe aktivitetit fizik. Në klinikën tonë, ne nuk japim thjesht ilaçin, por ndihmojmë pacientët të ndryshojnë mënyrën e jetesës për të pasur rezultate të qëndrueshme.

Shumë shqiptarë e injorojnë mbipeshën si problem shëndetësor dhe e shohin atë si diçka normale për shkak të zakoneve të ushqyerjes. Por realiteti është që edhe një BMI mbi 27 ul ndjeshëm jetëgjatësinë dhe rrit rrezikun për komplikacione të rënda. Prandaj, është e rëndësishme që pacientët të trajtojnë mbipeshën si një sëmundje kronike dhe të marrin ndihmën e duhur nga mjekët specialistë.

Në përfundim, këshilla ime është e qartë: Për të humbur peshë në mënyrë të sigurt dhe efektive, nuk mjafton vetëm ilaçi. Duhet një qasje e kombinuar me mbështetje mjekësore, këshillim ushqimor dhe ndryshim të zakoneve të përditshme. Ky është modeli që ne ndjekim dhe që jep rezultatet më të mira për pacientët tanë.

Për komunitetin shqiptar kjo ka një rëndësi të veçantë, pasi kuzhina jonë tradicionale është shpesh e pasur me karbohidrate, siç janë Fli, byrek apo pite, yndyra. Këto zakone ushqimore rrisin rrezikun për obezitet dhe diabet. Si një nga mjekët e parë shqiptarë që fokusohet në këtë fushë, e shoh si detyrën time të kontribeu për të contriebu the ndihmoj më të shëndetshme për komunitetin shqiptar.

Albinfo.ch: Ozempic dhe barnat e ngjashme janë menduar (zhvilluar) për trajtimin e diabetit. Por, pasi është konstatuar se ato bëjnë efekt edhe te mbipesha, ato janë popullarizuar së tepërmi, pikërisht nga personat me mbipeshë. A e shihni si problematik këtë “devijim” që është bërë nga destinimi primar i medikamenteve në fjalë apo mendoni se është në rregull të përdoren nga personat me mbipeshë. Nëse po, nga cila shkallë e mbipeshës?

Dr. G. Dervishi: Jo, kjo nuk është një devijim nga përdorimi i duhur, por një zgjerim i bazuar në kërkime të forta shkencore. Fillimisht, Semaglutid u zhvillua për trajtimin e diabetit të tipit 2, pasi ndihmon në uljen e sheqerit në gjak dhe përmirësimin e funksionit të insulinës. Megjithatë, gjatë studimeve klinike, u vu re një efekt i fuqishëm në uljen e peshës, duke ndikuar drejtpërdrejt në mekanizmat e urisë dhe ngopjes.

Pikërisht për këtë arsye, Wegovy®, i cili përmban të njëjtin përbërës aktiv (Semaglutid) por në doza më të larta, është specifikisht i aprovuar për trajtimin e obezitetit. Kjo nuk është një përdorim jashtë indikacionit të ilaçit, por një zgjerim i bazuar në prova të forta klinike.

Në Zvicër, Wegovy® mund të përshkruhet për pacientët që plotësojnë kriteret e mëposhtme:

  • BMI ≥ 35 ose
  • BMI ≥ 28 me një sëmundje të lidhur me mbipeshën, si hipertensioni, diabeti ose kolesteroli i lartë.

Pra, përdorimi i tij për mbipeshën nuk është eksperiment, por një trajtim i miratuar që i ndihmon pacientët të humbin peshë në mënyrë të sigurt dhe të reduktojnë rrezikun për sëmundje serioze.

Albinfo.ch: Megjithatë, në debatin rreth këtyre barnave nga shumë ekspertë mjekësorë këshillohet të kihet kujdes në përdorimin e tyre. Cilat janë rreziqet )(efektet anësore, kundër indikacionet) që duhet marrë në konsideratë?

Dr. G. Dervishi: Barnat GLP-1 si Wegovy® janë të sigurta dhe efektive për shumicën e pacientëve, por, si çdo trajtim mjekësor, ato mund të shkaktojnë efekte anësore, veçanërisht në fillim të trajtimit.

Efektet anësore më të zakonshme (prekin rreth 20% të pacientëve):

  • Probleme gastrointestinale: Nauze (të përziera), të vjella, diarre ose kapsllëk, të cilat zakonisht zvogëlohen pas disa javësh.
  • Ndryshime në oreks: Disa pacientë raportojnë ulje të dëshirës për të ngrënë më shumë se sa pritej.

Rreziqe të rralla, por të rëndësishme:

  • Gurë në tëmth (veçanërisht nëse humbja e peshës është e shpejtë).
  • Pankreatit (inflamacion i pankreasit) – një ndërlikim serioz që kërkon ndërprerjen e menjëhershme të trajtimit nëse shfaqen dhimbje të forta abdominale.
  • Ndryshime të mundshme në tiroidet – disa studime kanë raportuar një lidhje të mundshme me karcinomën medulare të tiroides, por nuk ka prova të qarta.

Kundërindikacionet – kush nuk duhet të marrë GLP-1?

  • Pacientët me histori të karcinomës medulare të tiroides ose sindromën e neoplazisë multiple endokrine (MEN2).
  • Persona me pankreatit akut të rëndë në të kaluarën.
  • Pacientët me probleme të rënda gastrointestinale, si gastropareza, sepse GLP-1 ngadalëson zbrazjen e stomakut.

Përfundimi:

Efektet anësore janë zakonisht të lehta dhe të përkohshme, por trajtimi duhet gjithmonë të bëhet nën mbikëqyrje mjekësore për të identifikuar herët ndërlikimet e mundshme. Në ViaSlim, ne sigurojmë që pacientët të marrin trajtim të personalizuar dhe monitorim të vazhdueshëm për të minimizuar çdo rrezik dhe për të optimizuar rezultatet e trajtimit.

Albinfo.ch: Marrë në tërësi: A peshojnë më shumë dobitë që sjellin këto medikamente apo rreziqet dhe në çfarë proporcioni të përafërt, sipas jush?

Dr. G. Dervishi: Përfitimet e GLP-1 janë dukshëm më të mëdha se rreziqet

Bazuar në studimet më të fundit, përfitimet e medikamenteve GLP-1 tejkalojnë në mënyrë të qartë rreziqet, veçanërisht tek pacientët me mbipeshë të konsiderueshme ose me sëmundje të lidhura si diabeti dhe hipertensioni.

Përfitimet:

  • Humbje peshe mesatare prej 15-20% brenda 68 javësh, një rezultat që nuk është arritur më parë me terapi të tjera.
  • Reduktim i ndjeshëm i rrezikut për sëmundjet kardiovaskulare, duke përfshirë infarktin e zemrës dhe isheminë cerebrale.
  • Përmirësim i metabolizmit dhe ulje e inflamacionit, që ndihmon në stabilizimin e nivelit të sheqerit në gjak dhe mbrojtjen e funksionit të veshkave.

Rreziqet:

  • Efekte anësore të zakonshme si nauzea, diarreja ose kapsllëku, të cilat zakonisht zvogëlohen me kohën.
  • Humbje e masës muskulore nëse nuk kombinohet me një dietë të pasur me proteina dhe aktivitet fizik.
  • Raste të rralla të pankreatitit ose gurëve në tëmth, që kërkojnë monitorim mjekësor.

Në përgjithësi, për çdo 100 pacientë që përfitojnë nga terapia, vetëm një ka efekte anësore që kërkojnë ndjekje të kujdesshme, çka tregon se përfitimet janë shumë më të mëdha se rreziqet. Në ViaSlim, ne sigurojmë që pacientët të marrin trajtim të personalizuar dhe mbikëqyrje mjekësore të vazhdueshme për të minimizuar çdo rrezik dhe për të maksimizuar rezultatet afatgjata.

Albinfo.ch: Nëse pacienti do ta përdorte ozempic-un ose Wegovy-n për qëllimin parësor, për diabetin pra, a vjen ulja e peshës në mënyrë “automatike”, edhe në qoftë se kjo nuk është e dëshiruar nga pacienti?

Dr. G. Dervishi: Po, humbja e peshës është një efekt i natyrshëm i GLP-1 receptor agonistëve, si Wegovy®, sepse përbërësi aktiv Semaglutidi ndikon drejtpërdrejt në mekanizmat e ngopjes në tru dhe ngadalëson zbrazjen e stomakut. Si rezultat, pacientët ndihen të ngopur më shpejt dhe hanë më pak.

Rreth 90-95% e pacientëve përjetojnë një ulje të peshës, por shkalla e këtij efekti ndryshon nga personi në person. Disa humbin peshë më shumë, disa më pak, ndërsa një përqindje e vogël nuk përjeton ndryshime të rëndësishme. Nëse një pacient nuk dëshiron të humbasë shumë peshë, mjeku mund të rregullojë dozën ose të përshtatë trajtimin, për të gjetur ekuilibrin e duhur.

Përfundimi:

Po, shumica dërrmuese e pacientëve që marrin Wegovy® për humbje peshe përjetojnë një reduktim të saj, edhe nëse nuk është qëllimi i tyre kryesor. Megjithatë, ky efekt mund të menaxhohet nga mjeku për të siguruar që trajtimi të jetë i personalizuar sipas nevojave të pacientit.

Albinfo.ch: Po nëse e përdor me qëllimin për të humbur peshë, a mjafton vetëm përdorimi i tyre, pa ndryshuar regjimin e ushqimit dhe të lëvizjes (marrje me sport etj.)?

Dr. G. Dervishi: Jo, vetëm përdorimi i ilaçit nuk mjafton për të arritur dhe mbajtur një peshë të shëndetshme. Pa ndryshim të stilit të jetës, rreziku i efektit jojo është shumë i lartë. Për të pasur sukses afatgjatë, është thelbësore të kombinohet trajtimi me ushqyerje të shëndetshme, aktivitet fizik dhe mbështetje psikologjike.

Ushqyerja luan një rol kryesor – një dietë e pasur me proteina ndihmon në ruajtjen e muskujve, ndërsa ushqimet e pasura me karbohidrate si Byrek, Fli ose Pite duhet të konsumohen me kujdes, pasi rrisin nivelin e sheqerit në gjak dhe ndjesinë e urisë.

Aktiviteti fizik është po aq i rëndësishëm. Ushtrimet e forcës ndihmojnë në ruajtjen e masës muskulore, ndërsa aktivitetet e përditshme si ecja apo përdorimi i shkallëve kontribuojnë në stabilizimin e metabolizmit.

Shumë pacientë përballen me ngrënie emocionale dhe zakone të rrënjosura për vite, prandaj mbështetja psikologjike është thelbësore për të arritur rezultate afatgjata.

Në ViaSlim, ne integrojmë të gjitha këto elemente në një trajtim të personalizuar. Ne ofrojmë mbikëqyrje mjekësore, mbështetje nutricionale dhe këshillim psikologjik, duke siguruar që pacientët të kenë një humbje peshe të shëndetshme dhe të qëndrueshme.

Albinfo.ch: Kemi lexuar se këto medikamente duhet të merren “përgjithmonë”, pra nuk mjafton trajtimi për një periudhë të caktuar. Përse është kështu?

Dr. G. Dervishi: Shumë pacientë shqetësohen se trajtimi me GLP-1 duhet të vazhdojë për një kohë të gjatë, por pyetja më e rëndësishme nuk është sa zgjat trajtimi, por çfarë ndodh nëse mbipesha nuk trajtohet fare. Studimet tregojnë se që nga një BMI prej 27, rreziku për komplikacione serioze rritet ndjeshëm, duke përfshirë:

  • Sëmundje kardiovaskulare si infarkti i zemrës dhe ishemia cerebrale.
  • Diabeti i tipit 2 dhe komplikacionet që ai sjell.
  • Rritje e rrezikut për disa lloje të kancerit, veçanërisht ato të lidhura me obezitetin.
  • Dëmtime të kyçeve (artrozë) dhe dhimbje kronike, të cilat kufizojnë lëvizjen dhe cilësinë e jetës.
  • Reduktim i ndjeshëm i jetëgjatësisë për shkak të këtyre faktorëve.

Pse trajtimi duhet të vazhdojë?

GLP-1 është një terapi që vepron mbi mekanizmat natyrorë të urisë dhe ngopjes, të cilët te pacientët obezë janë shpesh të çrregulluar. Nëse trajtimi ndërpritet papritur, në shumicën e rasteve pesha kthehet, sepse sistemi i urisë dhe ngopjes rikthehet në gjendjen e mëparshme. Kjo është arsyeja pse trajtimi duhet të bëhet gjithmonë nën mbikëqyrje mjekësore dhe të ndërpritet gradualisht sipas një strategjie të përshtatur.

Si mund të ndërpritet trajtimi në mënyrë të sigurt?

Në klinikën tonë, ne përdorim qasje të personalizuara për të stabilizuar peshën edhe pas uljes së dozës, duke përfshirë:

  • Reduktim gradual të dozës sipas një skeme të përcaktuar mjekësisht.
  • Pauza të vlerësuara individualisht, duke monitoruar ndikimin në peshë dhe metabolizëm.
  • Këshillim të avancuar ushqimor dhe terapi fizike për të ruajtur rezultatet afatgjata.

Përfundimi

Pacientët nuk duhet të kenë frikë nga trajtimi afatgjatë – por nga pasojat serioze të një mbipeshe të patrajtuar, të cilat mund të ndikojnë në shëndetin dhe jetëgjatësinë e tyre për gjithë jetën. Me mbështetjen e duhur mjekësore, terapia mund të përshtatet sipas nevojave të pacientit, duke siguruar një stabilitet të qëndrueshëm të peshës.

Albinfo.ch: Po nëse pacienti, krahas trajtimit me këto medikamente bën edhe ndryshimin e regjimit të tij jetësor, a duhet megjithatë të vazhdojë të marrë ozempic ose Wegovy?

Dr. G. Dervishi: Ndryshimi i stilit të jetës është një faktor vendimtar për suksesin afatgjatë të humbjes së peshës. Megjithatë, nuk ka një përgjigje universale për të gjithë pacientët nëse terapia mund të ndërpritet plotësisht pas një periudhe të caktuar. Kjo varet nga shumë faktorë individualë, përfshirë metabolizmin, mekanizmat hormonalë dhe historinë e mëparshme të peshës.

Studimet tregojnë se shumë pacientë rifitojnë peshë pas ndalimit të ilaçit, edhe nëse ata kanë ndryshuar stilin e jetës. Kjo ndodh sepse obeziteti është një sëmundje kronike, e cila ndikohet nga faktorë hormonalë dhe gjenetikë, të cilët nuk mund të ndryshohen vetëm me modifikime të sjelljes.

Në disa raste, është e mundur të reduktohet gradualisht terapia ose të bëhet një pauzë, veçanërisht nëse pacientët:

  • Kanë stabilizuar zakonet e tyre të reja ushqimore dhe ndjekin një regjim të qëndrueshëm.
  • Kanë përfshirë aktivitetin fizik të rregullt në jetën e tyre të përditshme.
  • Nuk përjetojnë kthim të urisë së fortë ose ngrënies emocionale të pakontrolluar.

Në klinikën tonë, ne punojmë me protokolle të personalizuara për të ndihmuar pacientët që të reduktojnë dozën gradualisht ose të ndërpresin trajtimin pa rrezik për rikthimin e peshës. Megjithatë, mbikëqyrja mjekësore afatgjatë është vendimtare, pasi disa pacientë mund të kenë nevojë për një dozë më të ulët të terapisë për të ruajtur peshën e re.

Përfundimi

Qëllimi nuk është që pacientët të varen nga ilaçi përgjithmonë, por të arrijnë një reduktim të qëndrueshëm të peshës pa rreziqe shëndetësore. Për disa pacientë, kjo mund të nënkuptojë vazhdimin e trajtimit në një dozë mirëmbajtjeje, ndërsa të tjerët mund të qëndrojnë stabilë edhe pa të. Vendimi duhet të merret gjithmonë individualisht në konsultim me mjekun trajtues.

Albinfo.ch: E marrim një pacient hipotetik: Një person, burrë, 60 vjeç, me peshë prej 90 kg dhe me gjatësi mesatare, ka një shkallë të caktuar (rreth 6.5) të diabetit dhe një shkallë të tensionit të gjakut, të cilat i mban nën kontroll me barna përkatëse. Çfarë do t`i këshillonit atij? A këshillohet të marrë ozempic dhe a i jepet pa problem, në një rast të tillë?

Ky pacient ka një BMI prej 29.4, që klasifikohet si mbipeshë, por për shkak të sëmundjeve të lidhura me peshën, ai plotëson kriteret për trajtim me GLP-1.

Në Zvicër, Wegovy® aprovohet për pacientët që kanë:

  • BMI ≥ 35, ose
  • BMI ≥ 28 me një sëmundje të lidhur me mbipeshën, si hipertensioni ose prediabeti.

Duke qenë se ky pacient ka si prediabetin (HbA1c 6.5) ashtu edhe hipertensionin, ai plotëson kriteret për rimbursim nga sigurimi shëndetësor. Në këto raste, sigurimi shëndetësor mbulon shpenzimet e ilaçit për të paktën tre vjet.

Pse do të ishte efektiv trajtimi me Wegovy® për këtë pacient?

Studimet shkencore tregojnë se trajtimi me Wegovy® te këta pacientë jo vetëm që shkakton një humbje të konsiderueshme peshe, por gjithashtu:

  • Ndihmon në parandalimin e progresionit nga prediabeti në diabet të tipit 2.
  • Përmirëson tensionin e gjakut, duke ulur rrezikun e sëmundjeve kardiovaskulare.
  • Redukton ndjeshëm rrezikun për infarkt dhe ishemi cerebrale.

Përfundimi

Ky pacient ka një mundësi shumë të lartë që sigurimi shëndetësor të mbulojë plotësisht kostot e trajtimit me Wegovy®, prandaj ai nuk do të duhet ta financojë vetë. Hapi i ardhshëm është paraqitja e kërkesës mjekësore për mbulimin e kostove, dhe në klinikën tonë kemi përvojë të gjerë në aprovimin e suksesshëm të këtyre kërkesave.

Albinfo.ch: Po nëse i lejohet, a duhet të vazhdojë të marrë barnat e deritashme?

Dr. G. Dervishi: Trajtimi me Wegovy® mund të ketë një ndikim pozitiv në disa sëmundje të lidhura me mbipeshën, siç janë hipertensioni dhe diabeti i tipit 2. Megjithatë, vendimi për të ndaluar ose modifikuar barnat e mëparshme duhet të merret vetëm nga mjeku trajtues dhe bazuar në rezultatet individuale të pacientit.

Në rastin e këtij pacienti, duke qenë se ai merr medikamente për presionin e gjakut dhe ka prediabet, monitorimi mjekësor është thelbësor. Studimet kanë treguar se trajtimi me GLP-1 mund të përmirësojë ndjeshëm nivelin e sheqerit në gjak dhe të ulë presionin arterial, por kjo nuk do të thotë se të gjitha medikamentet e mëparshme mund të ndalen menjëherë.

Zakonisht, ne ndjekim një qasje graduale, duke monitoruar parametrat e pacientit:

  • Nëse niveli i sheqerit përmirësohet ndjeshëm, mund të jetë e mundur të reduktohet ose të ndërpritet një trajtim ekzistues për diabetin.
  • Nëse tensioni i gjakut bie shumë, do të vlerësohet ulja e dozës së medikamenteve antihipertensive për të shmangur hipotensionin.
  • Disa medikamente mund të mbeten të nevojshme, veçanërisht nëse pacienti ka faktorë të tjerë rreziku që nuk lidhen drejtpërdrejt me mbipeshën.

Përfundimi

Pacienti nuk duhet të ndërpresë asnjë medikament pa udhëzimin e mjekut të tij. Në shumë raste, trajtimi me GLP-1 lejon reduktimin ose ndërprerjen e disa medikamenteve, por kjo duhet të bëhet gjithmonë nën mbikëqyrje mjekësore dhe me monitorim të rregullt të shëndetit të pacientit.

Albinfo.ch: Si qëndron puna me mbështetjen nga sigurimi shëndetësor? A i merr përsipër “Krankenskassa” këto barna dhe nëse po, në cilat raste, prej çfarë shkalle të mbipeshës ose të diabetit?

Dr. G. Dervishi: Në Zvicër, sigurimi shëndetësor mbulon trajtimin me Wegovy®, por vetëm për pacientët që përmbushin kriteret zyrtare të rimbursimit.

Kush ka të drejtë për rimbursim nga sigurimi?

Sigurimi shëndetësor mbulon Wegovy® për pacientët që kanë:

  • BMI ≥ 35, pavarësisht nga prania e sëmundjeve shoqëruese.
  • BMI ≥ 28, por vetëm nëse pacienti ka një sëmundje të lidhur me mbipeshën, si:
  • Hipertensioni (presioni i lartë i gjakut)
  • Diabeti ose prediabeti
  • Kolesteroli i lartë (hipercolesterolemia)

Në këto raste, sigurimi shëndetësor mbulon trajtimin për deri në tre vjet, por vetëm nëse pacienti është pjesë e një programi të strukturuar për humbjen e peshës, që përfshin:

  • Mbikëqyrje të rregullt mjekësore
  • Këshillim të personalizuar për ushqyerjen dhe stilin e jetës
  • Monitorim të vazhdueshëm të peshës dhe gjendjes shëndetësore

A ka raste kur trajtimi nuk mbulohet?

  • Nëse një pacient ka BMI më të ulët se 28, sigurimi nuk e mbulon trajtimin.
  • Nëse nuk ka një sëmundje të lidhur me mbipeshën, trajtimi duhet të financohet privatisht.
  • Nëse pacienti nuk është pjesë e një programi të strukturuar, sigurimi nuk do ta mbulojë trajtimin.

Përfundimi

Nëse një pacient ka BMI mbi 28 dhe një sëmundje të lidhur me mbipeshën, ekziston një mundësi shumë e lartë që sigurimi të mbulojë trajtimin me Wegovy®. Në ViaSlim, ne ndihmojmë pacientët gjatë gjithë procesit të aplikimit për mbulimin nga sigurimi dhe kemi përvojë të gjerë në aprovimin e suksesshëm të këtyre kërkesave.

Për të llogaritur BMI-në tuaj, mund të përdorni kalkulatorin tonë në këtë link: BMI-Kalkulatori

Albinfo.ch: Cilat janë rastet më të shpeshta që vijnë në ordinancën Tuaj. Çfarë ankesash mbizotërojnë?

Dr. G. Dervishi: Ne trajtojmë ekskluzivisht pacientë me mbipeshë dhe obezitet përmes një klinike dixhitale të specializuar dhe të udhëhequr nga mjekë, duke ofruar një qasje të sigurt dhe të strukturuar për humbjen e peshës. Pacientët tanë shpesh kanë sëmundje metabolike si diabeti i tipit 2, hipertensioni, kolesteroli i lartë dhe probleme me kyçet për shkak të peshës së tepërt. Ata përballen me vështirësi në humbjen e peshës, ndjenjë të vazhdueshme urie, lodhje dhe kufizime në aktivitetin e tyre të përditshëm.

ViaSlim ofron një trajtim të plotë dhe të personalizuar, duke kombinuar GLP-1 terapinë me mbështetje mjekësore dhe ndryshime të qëndrueshme të stilit të jetës. Pacientët tanë kanë akses në konsultime mjekësore pa pritje të gjata, marrin recetat e nevojshme në mënyrë të sigurt dhe ndjekin një program të strukturuar për humbje peshe. Përmes platformës sonë dixhitale, ata përfitojnë nga një ekip multidisiplinar me mjekë, nutricionistë dhe psikologë klinikë, duke garantuar rezultate afatgjata.

Ndryshe nga platformat e zakonshme që fokusohen vetëm në shpërndarjen e ilaçeve, ViaSlim siguron një trajtim të integruar dhe shkencërisht të bazuar për një humbje të shëndetshme dhe të qëndrueshme të peshës.

Linku i ordinancës ViaSlim

onboarding.viaslim.ch/sq

Leyen: Plan për riarmatim, ta vendosim Evropën në pozicion që të mund të vetëmbrohet

Posted on by Drin Reçica

Presidentja e Komisionit Evropian (KE), Ursula von der Leyen paralajmëroi se Evropa po përballet me një “rrezik të qartë dhe të pranishëm”, përcjell albinfo.ch.

Von der Leyen foli në hyrje të takimit të Partisë Popullore Evropiane (EPP) në të cilën ajo është anëtare, përpara mbajtjes së Samitit të jashtëzakonshëm të liderëve të BE-së.

Ajo theksoi se janë mbledhur për një samit të jashtëzakonshëm që do të fillojë në orët në vijim. “Jemi në një kohë të jashtëzakonshme ku shohim se Evropa po përballet me një rrezik të qartë dhe të pranishëm. Ne duhet ta vendosim Evropën në një pozicion ku ajo të mund të vetëmbrohet dhe të mbrojë”, tha Von der Leyen.

Presidentja e KE-së potencoi rëndësinë e vendosjes së Ukrainës në një pozicion për të mbrojtur veten dhe për të siguruar paqe të drejtë dhe të qëndrueshme. Ajo njoftoi në këtë drejtim do t’u prezantojë liderëve një plan të ri të quajtur “ReArm” i cili synon të riarmatosë rajonin duke rritur shpenzimet e mbrojtjes të Evropës.

Pasi bëri të ditur se plani i ri kap vlerën prej 800 miliardë euro, Von der Leyen tha: “Ai u siguron vendeve anëtare më shumë mjete financiare për shpenzime ushtarake dhe ofron mundësinë për furnizime të përbashkëta në nivel evropian. Një aspekt shumë i rëndësishëm është se ky plan mund të sjellë përfitime edhe për Ukrainën, pasi falë tij, vendet anëtare mund të investojnë në industrinë e mbrojtjes së Ukrainës ose të furnizojnë kapacitete ushtarake dhe t’ia dorëzojnë ato Ukrainës.”

Udhëheqësit e BE-së janë mbledhur në Bruksel dhe do të diskutojnë mbështetjen për Ukrainën dhe mënyrat për të rritur shpenzimet për mbrojtjen e Evropës.

PostBus do të fillojë të tarifojë për transportin e biçikletave

Posted on by Drin Reçica

Rezervimi do të përmirësojë planifikimin e bagazhit të biçikletës.
Nga sezoni veror 2025, PostBus po prezanton rezervime të detyrueshme për transportin e biçikletave në shumicën e rrugëve turistike në Graubünden, Zvicrën Qendrore, Bernese Oberland dhe Valais, përcjell albinfo.ch.

Midis majit dhe prillit, rezervimet do të jenë të detyrueshme për transportin e biçikletave në shumicën e rrugëve turistike në Zvicrën Qendrore, si dhe në Graubünden, Valais dhe Bernese Oberland.

Përafërsisht 150 rrugët në fjalë do të tregohen në orarin online, njoftoi kompania të mërkurën.

Tarifa prej 2 frangash do të zbatohet për të gjithë autobusët e postës që janë të pajisur me raft ose rimorkio për biçikleta.

Arsyeja e kësaj mase të re është se numri i vendeve për biçikleta në këta autobusë është i kufizuar, ndërkohë që kërkesa është rritur në rrugët më të njohura turistike.

Ambasada e Gjermanisë i bashkohet thirrjes së Sarrazin: Shteti në radhë të parë, partitë të punojnë bashkë

Posted on by Drin Reçica

Manuel Sarrazin, i ngarkuari i posaçëm i qeverisë gjermane për vendet e Ballkanit Perëndimor në një intervistë për DW, ka deklaruar në lidhje me krijimin e qeverisë së re në Kosovë.

“Ne duhet të presim, se si do të jenë zhvillimet e mëtejshme politike në Republikën e Kosovës. Do të dëshironim që të krijohet shpejt qeveria e re dhe ajo të angazhohet në mënyrë aktive në dialog. Këtë e presim edhe nga Serbia”, ka thënë ai.

Në lidhje me këtë qëndrim ka reaguar ambasada e Gjermanisë në Kosovë, e cila i ka mbështetur plotësisht qëndrimin e Sarrazinit.

Nga ambasada është theksuar se që tanë është koha që partitë në Kosovë të vënë përpara interesin e vendit dhe që të punojnë së bashku.

‘‘Ne jemi plotësisht dakord me mendimet e Dërguarit të Posaçëm Sarrazin në intervistën e tij të fundit. Tani është koha që partitë kosovare të vënë përpara interesin e vendit dhe të punojnë së bashku’’, ka shkruar ambasada e Gjermanisë në Kosovë.

Një në tre persona nuk e kalojnë provimin e patentës në Gjermani

Posted on by Drin Reçica

Pothuajse çdo i dyti kandidat në autoshkolla dështon në provimin teorik të patentës në Gjermani, ndërsa një në tre nuk e kalon testin praktik. Tani, kandidatët do të kenë në dispozicion ndihma të reja, raporton albinfo.ch.

‘Këtu, në parking, mund të shihni se si reagon makina,’ thotë instruktori i vozitjes, Thomas, duke treguar ekranet e mëdha. ‘Këtu ndërroni marshin si në një automjet me marshe automatike.”

Ai ia jep këto udhëzime Marias, një studente në autoshkollën Flix. Në simulatorin e drejtimit, Maria po nget makinën në një parking. Ajo thotë: “Gjithçka lëviz vërtet sikur të ishe jashtë. Ndihesh sikur je në një automjet”.

“Unë kam pasur tashmë disa vozitje të vërteta me makinë.” Kjo është arsyeja pse unë mendoj se simulatori është vërtet i mirë. “Është praktikë shtesë para se të guxoni të vozitni në autostradë”, thotë 18-vjeçarja nga Këlni.

“Edhe pas tetë orësh vozitjeje, gjithçka është e re dhe emocionuese për mua, unë jam gjithmonë nervoze”.

Në Gjermani, edhe të moshuarit, shoferë mbi 70 vjeç, duhet të testohen për të parë nëse janë të aftë akoma për të drejtuar makinën.

Shkolla dhe lodhja

Thomas e shoqëron Marian në simulator me humor dhe këshilla. Stërvitja këtu është një shtesë për mësimet në drejtimin e makinës në rrugë. Imituesi, sipas tij, është vërtet i mirë.

Në autoshkollën e tij, ngasja në një simulator është falas. “Kjo u kursen para pjesëmarrësve, pasi duhen mesatarisht 25 orë vozitje. Aftësitë dhe njohuritë testohen këtu edhe më shumë.

Thomas thotë se shumë kandidatëpo dështojnë gjithnjë e më shumë në teste. “Kandidatët e kalojnë ditën në shkollë deri në katër ose pesë pasdite dhe më pas vijnë në mësimin e vozitjes.

Kokat e tyre në fakt janë plot me gjëra të tjera. Ata nuk kanë koncentrimin e duhur për mësim. Pastaj u duhen shumë orë vozitje, ose dështojnë në provim”.

Ka shumë që ngelin disa herë

Sipas të dhënave nga Shoqata e Inspektimit Teknik (TÜV), përqindja e atyre që dështojnë në testet teorike apo në testin e vozitjes së automjetit mbetet e lartë.

45 për qind dështojnë në testet teorike ndërsa 37 për qind dështojnë në vozitje. Sipas statistikave aktuale, nuk është e pazakontë qëkandidatët t’i nënshtrohen testit të shoferit disa herë.Richard Gebelt nga Shoqata për Mbikëqyrjen

Teknike thotë: “Nëse dështoni në provimin e parë, zakonisht e keni të vështirë përsëritjen e provimit”.

Sa herë që një kandidat dështon në një provim, kjo rrit ngarkesën mendore dhe shkakton kosto shtesë”.

Për të ulur përqindjen e përsëritjeve të provimeve, është e nevojshme, sipas kësaj Shoqate të krijohen kushte më të mira për marrjen e patentës, që do të përfshinte edhe verifikimin elektronik të nivelit të gatishmërisë së kandidatit për të marrë provimin.

Kjo tashmë po zbatohet në autoshkollën Flix në Këln, thotë instruktori i vozitjes Thomas. Një aplikim thotë se duhet të keni të paktën 70 për qind përgjigje të sakta në test – vetëm atëherë kandidati mund t’i nënshtrohet testeve reale./DW

Qeveria merr vendim, mbyllet TikToku në Shqipëri

Posted on by Drin Reçica

Në mbledhjen e Qeverisë së Shqipërisë është marrë vendimi për mbylljen e platformës TikTok, përcjell albinfo.ch.

Ministrja e Arsimit, Ogerta Manastirliu, bëri të ditur se kufizimi do të jetë për një periudhë 12 mujore, ndërsa qasja do të ndërpritet brenda javës.

“Qeveria ka ndërmarrë sot një sërë vendimesh të rëndësishme. Së pari, është marrë vendimi për shmangien e masave të përkohshme për shkak të vendimeve negative të platformës TikTok. Pas konsultimeve të gjera me prindërit mbi efektet negative që rrjetet sociale mund të kenë te fëmijët, kemi vendosur për një mbyllje të përkohshme. Brenda pak ditësh do të ndërpritet aksesi në platformë, me një kufizim 12-mujor. Kjo periudhë do të na lejojë të marrim masat e nevojshme në bashkëpunim me përfaqësuesit e TikTok. Ky vendim është marrë në interes të fëmijëve dhe të rinjve”, tha ndër të tjera ministrja.

Kjo lëvizje e qeverisë erdhi pas vrasjes me thikë në Tiranë të 14-vjeçarit Martin Cani nga një bashkëmoshatar, pas një konflikti të nisur në rrjetet sociale. Kryeministri Edi Rama e njoftoi këtë nismë, e cila më pas u hodh për konsultim me prindërit nëpër shkolla në dhjetor 2024. Në atë kohë, Rama deklaroi se mbyllja e kësaj platforme do të ndodhte në javët e para të janarit, ndërsa vendimi është miratuar këtë të enjte nga Këshilli i Ministrave.(A2 Televizion)

Paraja “kesh” në Zvicër a do të ketë jetëgjatësi?

Posted on by Drin Reçica

Në Zvicër furnizimi me para ‘kesh’  duhet të jetë i garantuar, dhe monedha kombëtare është franga zvicerane.

Këshilli Kombëtar votoi të mërkurën për përfshirjen e këtij neni në Kushtetutën e vendit, përcjell albinfo.ch.

Konkretisht, kjo do të thotë se duhet të garantohet furnizimi me para letre dhe monedha, dhe se franga do të mbetet monedha zyrtare e Zvicrës.

Kjo lëvizje vjen pas një iniciative të grupit ‘Lëvizja Zvicerane për Liri’, e cila kërkoi që të garantohet furnizimi me monedha dhe kartëmonedha, dhe që çdo projekt për zëvendësimin e frangut me një monedhë tjetër t’i nënshtrohet votimit në referendum nga popullata.

https://www.bluewin.ch/de/news/schweiz/nationalrat-will-bargeldversorgung-in-die-verfassung-schreiben-2591305.html

Sa deputetë pritet të jenë nga diaspora?

Posted on by Drin Reçica

Komisioni Qendror i Zgjedhjeve ka njoftuar se ka përfunduar numërimi i të gjitha votave të zgjedhjeve të 9 shkurtit, transmeton albinfo.ch.

Nga Lëvizja Vetëvendosje, mandatet i siguruan dy deputetë nga diaspora,  Donika Gërvalla Schëarz dhe Nezir Kraki.

Edhe në zgjedhjet e kaluara Donika Gërvalla Schëarz ishte në krye të listës, si një nga figurat e diasporës (Gjermania) më e votuar. 

Ndërkohë edhe profesori nga Parisi, Nezir Kraki del t’i ketë siguruar votat për një ulëse në Kuvendin e Kosovës.

Nga ana tjetër, në radhët e Lidhjes Demokratike të Kosovës (LDK) edhe Hysen Çekaj nga Gjermania, ka sigurar një ulse për Deputet në Kuvendin e Republikës së Kosovës, transmeton tutje albinfo.ch. 

Nga Lëvizja Vetëvendosje, mandatet i siguruan: Albin Kurti, Glauk Konjufca, Faton Peci, Hekuran Murati, Albulena Haxhiu, Xhelal Svecla, Donika Gërvalla Schëarz, Avni Dehari, Mimoza Kusari Lila, Arben Vitia, Ejup Maqedonci, Shqipe Mehmeti Selimi, Saranda Bogujevci, Edona Llalloshi, Mefail Bajqinovci, Hajrullah Ceku, Armend Muja, Jeta Statovci, Haxhi Avdyli, Albena Reshitaj, Artane Rizvanolli, Nezir Kraki, Adelina Grainca, Arbreshë Kryeziu, Arbër Rexhaj, Dimal Basha, Valon Hoti, Arbërie Nagavci, Liza Gashi, Valon Ramadani, Fjolla Ujkani, Labinotë Demi Murtezi, Halil Thaci, Agim Bahtiri, Fitore Pacolli Dalipi, Artan Abrashi, Salih Zyba, Drita Pajaziti, Adriana Matoshi, Fitim Haziri, Driton Hyseni, Bylbyl Sokoli, Bajram Mavriqi, Arjeta Fejza, Ilir Kërçeli, Fatmire Kollcaku, Arijeta Rexhepi, Rozeta Hajdari.

Në PDK, mandatet e deputetëve i morën: Bedri Hamza, Memli Krasniqi, Uran Ismaili, Vlora Çitaku, Sala Jashari, Enver Hoxhaj, Përparim Gruda, Ganimete Musliu, Nait Hasani, Jakup Nura, Rrahman Rama, Artan Behrami, Mërgim Lushtaku, Elmi Reçica, Ferat Shala, Blerta Deliu Kodra, Fadil Demaku, Altin Krasniqi, Xhevahir Geci, Abelard Tahiri, Ariana Musliu Shoshi, Eliza Hoxha, Arbnore Salihu, Kosovare Murseli.

Në LDK deputetë u bënë: Lumir Abdixhiku, Doarsa Kica Xhelili, Kujtim Shala, Hykmete Bajrami, Avdullah Hoti, Anton Quni, Lutfi Haziri, Jehona Lushaku Sadriu, Gazmend Muhaxheri, Armend Zemaj, Hysen Cekaj, Imri Ahmeti, Fadil Hadërgjonaj, Besian Mustafa, Marigona Geci, Ekrem Hyseni, Krenar Xhaferi, Alban Zogaj, Serbeze Muçaj, Arjeta Abazi.

E koalicioni AAK-Nisma do t’i ketë këta përfaqësues në Kuvend: Ramush Haradinaj, Daut Haradinaj, Fatmir Limaj, Bekë Berisha, Time Kadrijaj, Lahi Brahimaj, Arbreshë Krasniqi, Xhevahire Izmaku.

“Duhet të aplikojnë vetëm zviceranët”: Reklama që po ngjall polemika

Posted on by Drin Reçica

Reklama që kërkon qiramarrës për një apartament të lirë në kantonin e Lucernit po ngjall polemika sepse përmend se vetëm aplikimet nga shtetasit zviceranë do të merren parasysh, përcjell albinfo.ch.

Se si një reklamë e tillë u fut në internet në radhë të parë është një mister sepse, sipas Mojca Fuks, një zëdhënëse e grupit Swiss Marketplace, i cili përfshin agjencitë e pasurive të paluajtshme Homegate dhe Immoscout24, “përmbajtja diskriminuese nuk lejohet në platformat e qirasë. Të gjitha reklamat kontrollohen dhe fshihen nëse ka ndonjë shkelje.”

Megjithatë, ky nuk është një incident i izoluar.

Administrata Federale e Strehimit konfirmoi se kërkuesit e apartamenteve me emra të huaj lejohen të shohin pronat më rrallë se ata me emra tipikë zviceranë, edhe pse kompanitë e menaxhimit të pronave nuk mund të diskriminojnë në bazë të kombësisë.

Numri i votave që morën partitë pas përfundimit të numërimit

Posted on by Drin Reçica

Referuar shifrave të KQZ-së, Lëvizja Vetëvendosje (LVV) ka marrë 396.022 vota apo 42.27 për qind. Partisë që ka qeverisur katër vjet do t’i takojnë 48 ulëse në Kuvend. Kjo do të thotë se do ta ketë të vështirë formimin e Qeverisë pa koalicion. Gjithashtu, kandidati për kryeministër i kësaj partie, Albin Kurti, është bërë njeriu më i votuar ndonjëherë në Kosovë me mbi 337 mijë vota. 

Partia Demokratike (PDK) është renditur e dyta me 196.353 vota apo 20.96 për qind dhe do t’i ketë 24 mandate.

Lidhja Demokratike (LDK) me 171.249 vota apo 18.28 për qind do t’i ketë 20 deputetë.

E Koalicioni AAK-Nisma ka marrë 66.226 vota apo 7.07 për qind në Kuvend do të përfaqësohet nga tetë deputetë.

Për herë të parë, Lista Serbe nuk do t’i ketë 10 ulëse. Partia që mbështetet nga Beogradi zyrtar do t’i ketë nëntë deputetë. Një ulëse nga komuniteti serb e ka fituar partia e Nenad Rashiqit, që shërbeu si ministër gjatë Qeverisë Kurti II.

Kush i siguroi mandatet?

Nga Lëvizja Vetëvendosje, mandatet i siguruan: Albin Kurti, Glauk Konjufca, Faton Peci, Hekuran Murati, Albulena Haxhiu, Xhelal Svecla, Donika Gërvalla Schëarz, Avni Dehari, Mimoza Kusari Lila, Arben Vitia, Ejup Maqedonci, Shqipe Mehmeti Selimi, Saranda Bogujevci, Edona Llalloshi, Mefail Bajqinovci, Hajrullah Ceku, Armend Muja, Jeta Statovci, Haxhi Avdyli, Albena Reshitaj, Artane Rizvanolli, Nezir Kraki, Adelina Grainca, Arbreshë Kryeziu, Arbër Rexhaj, Dimal Basha, Valon Hoti, Arbërie Nagavci, Liza Gashi, Valon Ramadani, Fjolla Ujkani, Labinotë Demi Murtezi, Halil Thaci, Agim Bahtiri, Fitore Pacolli Dalipi, Artan Abrashi, Salih Zyba, Drita Pajaziti, Adriana Matoshi, Fitim Haziri, Driton Hyseni, Bylbyl Sokoli, Bajram Mavriqi, Arjeta Fejza, Ilir Kërçeli, Fatmire Kollcaku, Arijeta Rexhepi, Rozeta Hajdari.

Në PDK, mandatet e deputetëve i morën: Bedri Hamza, Memli Krasniqi, Uran Ismaili, Vlora Çitaku, Sala Jashari, Enver Hoxhaj, Përparim Gruda, Ganimete Musliu, Nait Hasani, Jakup Nura, Rrahman Rama, Artan Behrami, Mërgim Lushtaku, Elmi Reçica, Ferat Shala, Blerta Deliu Kodra, Fadil Demaku, Altin Krasniqi, Xhevahir Geci, Abelard Tahiri, Ariana Musliu Shoshi, Eliza Hoxha, Arbnore Salihu, Kosovare Murseli.

Në LDK deputetë u bënë: Lumir Abdixhiku, Doarsa Kica Xhelili, Kujtim Shala, Hykmete Bajrami, Avdullah Hoti, Anton Quni, Lutfi Haziri, Jehona Lushaku Sadriu, Gazmend Muhaxheri, Armend Zemaj, Hysen Cekaj, Imri Ahmeti, Fadil Hadërgjonaj, Besian Mustafa, Marigona Geci, Ekrem Hyseni, Krenar Xhaferi, Alban Zogaj, Serbeze Muçaj, Arjeta Abazi.

E koalicioni AAK-Nisma do t’i ketë këta përfaqësues në Kuvend: Ramush Haradinaj, Daut Haradinaj, Fatmir Limaj, Bekë Berisha, Time Kadrijaj, Lahi Brahimaj, Arbreshë Krasniqi, Xhevahire Izmaku.

Publikohet lista e Universiteteve më prestigjioze në botë

Posted on by Drin Reçica

Universitetet amerikane renditen më të mirat dhe më prestigjiozet në botë, transmeton albinfo.ch.

Renditja e fundit e publikuar në fillim të vitit 2025 nga Times Higher Education, tregon 30 të parët, 17 gjenden në SHBA.

Në fron, i padiskutueshëm, mbetet Universiteti i Harvard, i ndjekur nga Massachusetts Intitute of Technology në vendin e dytë, të cilin e ndan me Universitetin e Oxford në Britaninë e Madhe.

Vendi i katërt është po ashtu i bashkëndarë mes dy Universiteteve, ai i Stanford në SHBA dhe ai i Cambridge në Britani.

Në vendin e gjashtë është radhitur Universiteti Berkeley në Kaliforni, ndjekur në vendin e shtatë nga Princeton po në SHBA.

Një universitet kinez ndërkaq, ai i Tsinghua, radhitet në vendin e tetë. Ndjek në vendin e nëntë prestigjiozi Yale në SHBA dhe dhjetëshen e plotëson Universiteti i Tokyo-s.

Nga 10 vendet e para, gjashtë janë në SHBA, dy në Britani, një në Kinë dhe një në Japoni. Reflektues i qartë i dominimin amerikan në arsimimin e lartë edhe brenda 10-shes.

Më tej të radhitur më poshtë, gjenden Universiteti i Pekinit, në vendin e 12 u rendit ETH i Cyrihut, apo California Institute of Technology (CalTech).

Për universitetin e parë evropian kontinental në listë, duhet shkuar te i vetmi brenda 30-es, Universiteti Teknik i Mynihut.

Teksa fuqitë e tjera të mëdha të Bashkimit Evropian nuk kanë emra në listën e 30 më të mirëve.

E mbyll këtë të fundit Duke University në vendin e 29-ë dhe Universiteti i Edinburgh në Skoci.

Departamenti amerikan i Mbrojtjes: Nuk ka ndryshime të planifikuara për trupat në Kosovë

Posted on by Drin Reçica

Për më shumë se 25 vjet, misioni i NATO-s në Kosovë, KFOR, ofron siguri. Por, në kohën kur zyrtarët amerikanë sinjalizojnë zvogëlimin e mundshëm të pranisë së tyre ushtarake në Evropë, lindin edhe pyetjet: a do të mbeteshin ushtarët amerikanë në KFOR, apo do të kërkonte administrata Trump favore në këmbim të tyre?

Nga Departamenti amerikan i Mbrojtjes thonë për Radion Evropa e Lirë se, tash për tash, nuk ka ndonjë ndryshim sa i përket pozicionimit të forcave të tyre. Por, me tensionet e vazhdueshme në Ballkan dhe me ndryshimin e prioriteteve globale, Kosova duhet të përgatitet për çdo skenar, thonë ish-zyrtarë të NATO-s.

“Secili ushtar i KFOR-it e kupton plotësisht dhe qartë detyrën e tij për t’i mbrojtur të gjithë qytetarët e Kosovës,” deklaroi më 25 qershor 1999 komandanti i atëhershëm i misionit paqeruajtës të NATO-s, Mike Jackson.

Kjo forcë nisi të dislokohej në Kosovë atë muaj, menjëherë pas nënshkrimit të Marrëveshjes së Kumanovës, e cila detyroi tërheqjen e plotë të ushtrisë dhe policisë serbe nga Kosova.

Fillimisht, përbëhej nga rreth 50.000 trupa, për të arritur me kalimin e viteve në rreth 4.600.

Më shumë se 25 vjet më vonë, misioni i saj mbetet i njëjtë: “ruajtja e një mjedisi të sigurt për të gjithë”, por e ardhmja e forcës disi e diskutueshme.

Një zyrtar nga Departamenti amerikan i Mbrojtjes konfirmon për Radion Evropa e Lirë se, “tash për tash, nuk ka asnjë ndryshim në pozicionimin e forcave për të njoftuar”.

Por, ish-zyrtari i lartë i NATO-s, Jamie Shea, thotë se presidenti i Shteteve të Bashkuara, Donald Trump, “është transaksional” dhe se mund të kërkojë nga Kosova favore në këmbim të mbajtjes së trupave.

“Ndaj, jini të përgatitur”, thotë Shea për Radion Evropa e Lirë.

Ish-komandanti i Forcës së Sigurisë së Kosovës, Kadri Kastrati, vlerëson se vendi, aktualisht, nuk është në gjendje të vetëmbrohet.

Si lindën pikëpyetjet për trupat amerikane në Evropë?

Ishte fillimisht sekretari amerikan i Mbrojtjes, Pete Hegseth, i cili porositi Evropën se duhet të përgatitet për një rishikim dhe reduktim eventual të pranisë ushtarake amerikane.

Gjatë një vizite në Varshavë, muajin e kaluar, Hegseth tha se e ardhmja e saj do të varet nga kërcënimet globale dhe prioritetet strategjike amerikane.

“Kjo është arsyeja përse mesazhi ynë është kaq i ashpër për aleatët tanë evropianë. Tani është koha për të investuar, sepse nuk mund të supozoni se prania e Amerikës do të zgjasë përgjithmonë”, tha ai më 14 shkurt.

Sipas një dokumenti që siguroi gazeta amerikane The Washington Post, Hegseth urdhëroi, gjithashtu, udhëheqësit e Pentagonit dhe të ushtrisë amerikane që të bëjnë plane për shkurtimin e buxhetit të mbrojtjes për 8 për qind, në secilin prej pesë vjetëve të ardhshëm.

Këtij debati, një element tjetër ia shtoi edhe zëvendëspresidenti amerikan, JD Vance.

Ai i kritikoi udhëheqësit evropianë për refuzimin e së djathtës ekstreme, ndërsa të ardhmen e trupave amerikane në Evropë e lidhi me politikëbërjen në kontinent.

Duke folur në Konferencën e Veprimit Politik Konservator më 20 shkurt, Vance tha se amerikanët nuk do të mbështesin mbajtjen e trupave në Gjermani, nëse njerëzit atje mund të burgosen për postime fyese në mediat sociale.

“E gjithë mbrojtja e Gjermanisë subvencionohet nga taksapaguesit amerikanë”, tha ai.

Situata shkaktoi jo pak ankth në mesin e aleatëve këndej Atlantikut.

Njeriu që pritet të bëhet kancelar i Gjermanisë, Friedrich Merz, tha se synim i tij do të jetë arritja e pavarësisë nga SHBA-ja në aspektin e sigurisë.

“Për mua, prioritet absolut do të jetë forcimi i Evropës sa më shpejt që të jetë e mundur”, tha ai.

Trump, edhe gjatë mandatit të parë si president, u ka kërkuar vazhdimisht aleatëve evropianë që t’i rrisin ndjeshëm kontributet e tyre financiare në mbrojtje.

I pyetur gjatë një konference me gazetarë, më 18 shkurt, se a do të ishte i gatshëm të konsideronte tërheqjen e të gjitha trupave amerikane nga Evropa, në kuadër të një marrëveshjeje me presidentin rus, Vladimir Putin, për paqe në Ukrainë, Trump tha:

“Askush nuk më ka kërkuar ta bëj këtë. Nuk mendoj se duhet ta bëjmë. Nuk do të doja ta bëja”.

Prania e trupave amerikane në Evropë

Shtetet e Bashkuara kanë disa baza operative dhe ushtarake në Evropë.

Numri më i madh i ushtarëve amerikanë – mbi 35.000 – është i dislokuar në Gjermani.

Ky vend, njëherësh, ka edhe bazën më të madhe ajrore amerikane – Ramstein – ku janë të vendosur mbi 16.000 ushtarakë, civilë e kontraktorë.

Osmani, Kurti e Konjufca bëjnë homazhe në Prekaz

Posted on by Drin Reçica

Krerët e shtetit kanë bërë homazhe në Kompleksin memorial “Adem Jashari” në Prekaz për nder të Epopesë së Ushtrisë Çlirimtare të Kosovës.

Presidentja Vjosa Osmani, kryeministri Albin Kurti, kryekuvendari Glauk Konjufca kanë vendosur buçeta me lule për 27-vjetorin e ngjarjes flijimin e familjes Jashari, duke u përjetësuar në historinë shqiptare.

Përveç tyre, homazhe bënë edhe personalitete të tjera të ekzekutivit dhe të qeverisjes lokale.

Presidentja Vjosa Osmani ka thënë se sakrifica e familjes Jashari është dritë udhërrëfyese për forcimin e Kosovës.

“Ata luftuan shumë më gjatë sesa vetëm përgjatë viteve të luftës, duke u shndërruar kështu në emblemë të UÇK-së si dhe duke i shndërruar kullat e Jasharëve në simbol të kalasë së lirisë, që edhe sot e mbron Kosovën, sovranitetin dhe pavarësinë. Nga këtu jo vetëm ne si breza që e përjetuam luftën, por edhe brezat e rinj, fëmijët tanë inspirohen për rrugën përpara për mbrojtjen e lirisë së arritur me sakrificë e gjak. Mbi të gjitha na përkujtohet të gjithëve se sa i lartë ka qenë çmimi për lirinë tonë”, ka thënë ajo.

Ajo ka përmendur se përveç figurës së Adem Jasharit, nuk duhet harruar fakti që dhjetëra gra e vajza janë flijuar nga po kjo familje, duke e bërë edhe më të shenjtë sakrificën e tyre.

“Kjo rrugë dhe sakrificë e tyre do të shërbej për secilin për ne si dritë udhërrëfyese për forcimin e Kosovës, e cila çdo ditë po bëhet më e fortë”, ka thënë presidentja.

Po ashtu, edhe kryetari i Kuvendit, Glauk Konjufca, ka thënë se krijimi dhe esenca e UÇK-së mbështetet te familja Jashari. Një deklaratë të tillë ai e bëri pas homazheve në Prekaz, për nder të 27-vjetorit të Epopesë së UÇK-së.

“Ata, si familje, e kanë pasur të mishëruar në zemrat dhe shpirtin e tyre një të vërtetë që e ka shpëtuar popullin e Kosovës. E kjo e vërtetë është se liria nuk fitohet pa armë në dorë dhe nuk fitohet pa i dhënë dëshmorët e vet,” ka thënë Konjufca.

Ai ka bërë homazhe bashkë me presidenten Vjosa Osmani, kryeministrin Albin Kurti dhe personalitete të tjera politike.

Epopeja e UÇK-së, krerët e shtetit sot bëjnë homazhe në Prekaz

Posted on by Drin Reçica

Me rastin e shënimit të Epopesë së UÇK-së, të mërkurën u mbajtën një sërë aktivitetesh të organizuara nga institucionet qendrore e lokale, ndërsa aktivitete do të ketë edhe sot.

Edhe të enjten aktivitetet do të mbahen edhe nga niveli qendror dhe ai lokal.

Kjo është agjenda për sot:

10:00 – Krerët e shtetit homazhe në Kompleksin memorial “Adem Jashari” në Prekaz Homazhe nga komunat në të gjitha komplekset memoriale të dëshmorëve Parakalimi i motorklubeve në Skenderaj;

10:00 – Homazhe nga komunat në të gjitha komplekset memoriale të dëshmorëve;

12:00 – Parakalimi i motorklubeve në Skenderaj;

19:00 – Akademi përkujtimore për Epopenë e UÇK-së në Prishtinë.

Në çdo përvjetor të rënies heroike të komandantit legjendar Adem Jashari, familjes Jashari, dëshmorëve të kombit si dhe të gjithë të rënëve për liri, Qeveria e Kosovës më 5, 6 dhe 7 mars organizon manifestimin gjithëpopullor “Epopeja e Ushtrisë Çlirimtare të Kosovës.”

“Gota Coffee Experts” në Vjenë shpallet ndër më të mirat në botë për vitin 2025

Posted on by Drin Reçica

Është zyrtare: Sydney e ka kafenenë më të mirë në botë.

Të paktën kështu paraqitet në listën e re të top kafeneve të botës, me qytetin australian që i ka mposhtur të gjitha të tjerat.

Kafeneja “Toby’s Estate Coffee Roasters” u kurorëzua si më e mira në botë, ndërsa më pas u rendit kafeneja “Onyx” në Arkansas, “Gota Coffee Experts” në Vjenë, “Proud Mary” në Melbourne dhe “Tim Wendelboe” në Oslo, raportoi CNN, përcjell albinfo.ch.

Në top dhjetë kafenetë më të mira u futën edhe të tjera në Singapor, Francë, Malajzi dhe Kolumbi.

Kafenetë u vlerësua në bazë të disa faktorëve, duke filluar nga kualiteti i kafesë dhe ushqimi, praktikat dhe shërbimi ndaj konsumatorëve. Vlerësimet e njerëzve dhe ekspertëve u morën parasysh dhe u futën në platformën “Top 100 kafenetë më të mira në botë”, e cila më pas nxori fituesin.

Granit Musliu, tenor në Shtëpinë Operistike Shtetërore në Mynih

Posted on by Drin Reçica

Granit Musliu është këngëtar lirik, i lindur, rritur dhe i shkolluar në Kosovë e Gjermani, ndërsa tani është i angazhuar si tenor në Shtëpinë Operistike Shtetërore të Bavarisë në Mynih – Bayerische Staatsoper, me një performancë të shkëlqyer në operetën Lakuriqi të Johann Strauß, transmeton albinfo.ch.

Ai dhuroi një performancë të shkëlqyer në rolin e Alfred në opereten e njohur ‘Lakuriqi’ të Johan Strauß, duke i mahnitur publikun e gjerë.

Vlen të theksohet se Granit Musliu tani më është një tenor i dëshmuar në skenat ndërkombëtare të muzikës klasike, i cili jo rrallë herë performon përkrah yjeve botërore si Placido Domingo etj. /Albinfo.ch

https://www.facebook.com/share/p/18U3VDgFS9/?mibextid=wwXIfr

Kurti zyrtarisht thyen rekordin historik që mbante presidentja Osmani

Posted on by Drin Reçica

Pas numërimit të të gjitha votave nga zgjedhjet parlamentare të zhvilluara më 9 shkurt dhe në bazë të të dhënave të KQZ-së, rezulton se LVV ka fituar bindshëm vendin e parë në zgjedhje. Ndërsa kryeministri i Kosovës, Albin Kurti, ka thyer rekordin me numrin e votave të fituara.

Pasi janë numëruar të gjitha votat, Albin Kurti ka 337.101 vota, 58.921 më pak se partia e tij, por ka kaluar numrin e votave që presidentja Vjosa Osmani kishte marrë në vitin 2021, përcjell albinfo.ch.

Osmani, si kryetare e Listës Guxo, në koalicion me Lëvizjen Vetëvendosje, ishte personi më i votuar në Kosovë dhe kishte marrë 300.788 vota.

 

Ulqini do të bëhet me shtatore të Skenderbeut

Posted on by Drin Reçica

Mësohet se Ulqini do të jetë vendi nikoqir i shtatores së Gjergj Kastriotit Skenderbeut, dhe kjo shtatore do të vendoset pikërisht në bulevardin që mban edhe emrin e figurës më të rëndësishme të kombit shqiptar, përcjell albinfo.ch.

Për krijimin e kësaj shtatoreje, Komuna e Ulqinit tashmë ka hapë thirrjen ndërkombëtare për skulptorët, thirrje nëpërmjet të cilës është bërë e ditur se po kërkojnë skulptorët me ide sa më kreative për realizimin e kësaj shtatoreje.

Konkursi tashmë është shpallë dhe do të rri i hapur deri më 29 prill të këtij viti, dhe organizatorët bëjnë të ditur se ky konkurs do të vlerësohet më pas nga pesë anëtarë profesionistë të jurisë, të cilët do të përzgjedhin tre punimet më të mira të konkursit, ku vendi i parë do të merr të drejtën e realizimit final të shtatores.

Ndërkohë bëhet e ditur se vendi i parë do të shpërblehet me 3 mijë euro, përderisa vendi i dytë me 2 mijë e 500 euro, kurse i treti me 2 mijë sosh.

“Pjesëmarrësit në konkurs janë të obliguar që punimet e tyre t’i dorëzojnë brenda afatit të caktuar në Sekretariatin për Kulturë dhe Veprimtari Shoqërore, përmes Byrosë së Qytetarëve të Komunës së Ulqinit, në adresën: Bulevardi Gj. K. Skënderbeu, pn, Ulqin. Dokumentet e konkursit janë të publikuara në faqen zyrtare të Komunës së Ulqinit

www.ul-gov.me

 ku mund të shkarkohen nga të gjithë të interesuarit për pjesëmarrje në konkurs”, thuhet mes të tjerash në thirrjen për skulptorët.