Qeveria e re e Gjermanisë, e udhëhequr nga Friedrich Merz, duhet të marrë një rol udhëheqës në politikën e Bashkimit Evropian (BE) ndaj Ballkanit Perëndimor, dhe të kontribuojë në zhvillimin e një qasjeje strategjike ndaj rajonit, vlerëson Bodo Weber, bashkëpunëtor i lartë i Këshillit për Politikat e Demokratizimit në Berlin, në një intervistë për REL, përcjell albinfo.ch.

Merz, bëri betimin në Bundestag më 6 maj, dhe u bë kancelari i dhjetë në historinë e Gjermanisë, pasi siguroi shumicën e nevojshme vetëm në rundin e dytë të votimit.

Ndërkohë sa i përket qasjes së Gjermanisë ndaj dialogut ndërmjet Kosovës dhe Serbisë për normalizimin e marrëdhënieve, Weber vlerëson se Berlini, në vend që të rifillonte me themel këtë proces, doli me propozimin franko-gjerman, çka çoi në “shkatërrimin e plotë të dialogut politik” dhe në dy marrëveshje që, sipas tij, nuk ekzistojnë në realitet.

Referuar Weberit, Qeveria e re e Gjermanisë duhet të ndërmarrë një “kthesë strategjike” ndaj Serbisë dhe ndaj politikës së regjimit të presidentit Aleksandar Vuçiq, në mënyrë që dialogu politik të mos fundoset.

Marrëveshja për rrugën drejt normalizimit të marrëdhënieve, të cilën Kosova dhe Serbia e pranuan më 2023, fillimisht ishte e njohur si plani franko-gjerman, dhe u mbështet nga BE-ja dhe vendet perëndimore. Më pas, u dakordua edhe një aneks për zbatimin e marrëveshjes, por në praktikë thuajse asgjë nuk është realizuar.

Weber thotë për REL-in se mbetet për t’u parë nëse Gjermania ka apo po ndërton një strategji të përshtatshme të politikës së jashtme, por se me siguri do të shprehë shqetësime për “aktorët e tretë me ndikim të dëmshëm në Ballkan”.

Presidentja Vjosa Osmani sot feston ditëlindjen e 43-të.

E në këtë ditë feste në shtëpinë e saj, nuk mungoi urimi i përzemërt i bashkëshortit, Zotëriut të Parë, Prindon Sadriut.

Sadriu, përmes urimit në Facebook, falënderon Osmanin jo vetëm si nënë dhe bashkëshorte të jashtëzakonshme, por edhe si grua që, me forcën, guximin dhe dashurinë, sipas tij ka frymëzuar dhe vazhdon të frymëzojë shumë gra e vajza kudo në botë.

“Në këtë ditë të veçantë, Dua, Anda dhe unë të falënderojmë nga zemra, jo vetëm si bashkëshorte e nënë të jashtëzakonshme, por edhe si grua që, me forcën, guximin dhe dashurinë, ke frymëzuar dhe vazhdon të frymëzosh shumë gra e vajza kudo në botë. Me shembullin tënd, shumë vajza guxojnë të ëndërrojnë më lart. Gëzuar ditëlindjen! Urojmë që kjo ditë të të sjellë po aq gëzim sa sjell ti në jetën tonë. Të duam shumë!”, ka shkruar Sadriu.

Presidenti i Francës, Emmanuel Macron është shprehur optimist  që javët e ardhshme të rifillojë dialogu me Kosovën dhe Serbinë, përcjell albinfo.ch.

Macron në konferencë për media në Tiranë është pyetur nëse mendon se Bashkimi Evropian po e humb kredibilitetin në dialog. 

Atij iu përmendën deklarat e djeshme të presidentes së Kosovës, Vjosa Osmani, që foli për mosbalancimin e BE-së në dialog dhe se po penalizohet pala që zbaton rendin kushtetues. 

“Udhërrëfyesi është shumë i qartë dhe kemi kaluar shumë kohë me dialogun ndërmjet Beogradit e Prishtinës. Është legjitime që BE-ja të kërkojë që të ketë avancime konkrete në çështjet politike mbi zgjedhjet e komunave që nuk ishin të kënaqshme, mbi çështjet e sigurisë. Kjo është e njohur nuk ka asgjë të re”, tha Macron, që u paraqit së bashku në konferencë me kryeministrin e Shqipërisë, Edi Rama. “Mendoj se kjo nevojë urgjente nuk është humbje besueshmërie. Duhet të dalin nga kjo përballje që bllokon situatën. Uroj që javët e ardhshme të rifillojmë dialogu edhe me Prishtinën edhe me Beogradin, sepse secili vend është përballur me vështirësi politike sociale. Kërkesat janë legjitime dhe nuk duhet të lënë të vendoset një dialog i tërthortë, pasi nuk është mënyra e duhur për të avancuar”.  

BE-ja të premten kritikoi veprimet e fundit të Policisë së Kosovës në veri. 

Bashkimi Evropian ka thënë se veprimet e fundit të autoriteteve të Kosovës në veri, me mbylljen e objekteve të cilat shfrytëzoheshin për shërbime nga sistemi i Serbisë, janë rrezik për përshkallëzim të situatës.

Ditëve të fundit, autoritetet e Kosovës kanë marrë nën kontroll disa objekte, të cilat shfrytëzoheshin në kuadër të sistemit të Serbisë. Janë marrë nën kontroll një ndërtesë që përdoret nga Shërbimi Nacional për Punësim, ambientete e Ndërmarrjes Publike Komunale “Ujësjellësi Ibër”, palestrës sportive, muzeut të qytetit dhe disa institucioneve të tjera.  

“Operacionet, inspektimet dhe mbylljet e fundit të policisë në Kosovë rrezikojnë të përkeqësojnë tensionet dhe të ndikojnë negativisht në jetën e përditshme të komuniteteve lokale, si dhe të minojnë imazhin ndërkombëtar të Kosovës”, thuhet në reagim, në të cilin në veçanti është përmendur shqetësimi për operacionet ndaj “Ujësjellësit Ibër” në Mitrovicën e Veriut dhe për mbylljen e fabrikës në Zubin-Potok. 

“Veprimet e njëanshme dhe të pakoordinuara minojnë përpjekjet për ndërtimin e besimit midis komuniteteve. Ne i bëjmë thirrje kryeministrit në largim Kurti dhe autoriteteve në Kosovë t’i ndalin këto mbyllje, të tregojnë përmbajtje dhe të shmangin masat përshkallëzuese”, thuhet më tej në reagim. 

BE-ja në reagim ka thënë se Kosova dhe Serbia duhet të angazhohen me konstruktivitet në implementim të marrëveshjes për normalizim dhe implementim të aneksit, si dhe të marrëveshjeve të tjera “pa vonesa dhe pa parakushte”. Këtu ka përmendur edhe Asociacionin e komunave me shumicë serbe.

Kuvendi i Kosovës nuk është konstituar as pas përpjekjes së 17-të, përcjell albinfo.ch.

Të shtunën, formimi i komisionit për votim të fshehtë mori vetëm 53 vota për dhe një kundër.

Seanca e radhës do të mbahet të hënën në orën 10:30. 

Në fillim të seancës, deputetët me një minutë heshtje nderuan veprimtarin Ukshin Hoti  i cili rezulton i zhdukur qe 26 vjet.

Një shtetas turk është arrestuar në Aeroportin Ndërkombëtar “Adem Jashari” në Prishtinë, përcjell albinfo.ch.

Ai dyshohet se ka prezantuar një leje qëndrimi false të Polonisë, tha policia.

“Është arrestuar i dyshuari mashkull, shtetas i Turqisë, pasi që i njëjti në kontroll të dokumenteve ka prezantuar lejen e qëndrimit të Polonisë, e cila dyshohet të jetë e falsifikuar”, thuhet në raportin e policisë.

Dokumenti i dyshuar është konfiskuar, ndërsa me vendim të prokurorit i dyshuari është dërguar në mbajtje.

Kuvendi i Kosovës do të mblidhet sot për herë të 17-të me shpresën që do të arrihet konstituimi i tij, përcjell albinfo.ch.

Nga ora 10:30 nis seanca vazhduese, derisa nuk është dhënë ndonjë sinjal nëse Lëvizja Vetëvendosje do të ndryshojë emrin e Albulena Haxhiut për kryetare të Kuvendit, emër ky që nuk po kalon.

Ish-opozita ka treguar qartë qëndrimin e tyre se Haxhiun nuk e votojnë për krykuvendare, megjithëse bien dakord të konstituojnë Kuvendin nëse emri ndryshohet.

Krerët e partive politike, gjatë ditës së enjte, pas seancës së 16-të konstitutive, mbajtën takim konsultativ me presidenten Vjosa Osmani.

Megjithëse, pas takimi ata nuk u shprehën fort optimist që do të ndryshojë rrjedha e seancave pasuese.