Archives

Në Zvicër për votën e mërgimtarëve: LDK nis fushatën për Gjilanin

Posted on by Drin Reçica

Në prag të zgjedhjeve lokale në Kosovë, kandidati i Lidhjes Demokratike të Kosovës (LDK) për komunën e Gjilanit ka nisur një seri takimesh me bashkatdhetarët gjilanas në Zvicër, në kuadër të fushatës së tij për të siguruar mbështetjen e mërgatës, shkruan albinfo.ch.

Fushata do të përfshijë dy ngjarje të rëndësishme në qytete të ndryshme të Zvicrës, ku jeton një numër i madh i mërgimtarëve nga Gjilani. Takimet janë paraparë si më poshtë:

  • E enjte, 04 shtator 2025, ora 20:00 në adresën:
    My Garage, Pro sa 19, Pré de la Fontaine, 1242 Satigny, Genève, Suisse
  • E shtunë, 06 shtator 2025, ora 20:00 në adresën:
    Industriestrasse 14, 8305 Dietlikon, Schweiz

Nën moton “Bashkë për Fitore”, kandidati i LDK-së u ka bërë thirrje bashkëqytetarëve të tij të marrin pjesë në këto takime miqësore për të bashkëbiseduar rreth të ardhmes së Gjilanit.

“Pjesëmarrja juaj na nderon!”, thuhet në ftesën publike, duke reflektuar rëndësinë që i jepet rolit të diasporës në zhvillimin dhe drejtimin e komunës.

Kjo qasje e drejtpërdrejtë ndaj mërgatës vjen si rezultat i ndikimit të madh që ajo ka jo vetëm në aspektin ekonomik për vendlindjen, por tashmë edhe në atë politik, pasi shumë nga bashkatdhetarët mbajnë të drejtën e votës dhe interesohen për zhvillimet në vend.

Kandidati, i shoqëruar nga figura të njohura të LDK-së, pritet të diskutojë programin e tij për zhvillimin e Gjilanit, prioritetet kryesore, si dhe rolin që mund të ketë mërgata në ndihmën për realizimin e projekteve. /Albinfo.ch

Më 4 shtator tërhiqet shorti për renditjen e partive në fletëvotime

Posted on by Drin Reçica

Nesër, më shumë se 90 përfaqësues të subjekte politike do të tërheqin shortin për renditjen e subjekteve të tyre në fletëvotimet e Zgjedhjeve Lokale për Kryetarë të Komunave dhe për Kuvende Komunale, përcjell albinfo.ch.

Lajmi është konfirmuar nga Zëdhënësi i KQZ-së, Valmir Elezi, i cili ka treguar se subjektet politike janë njoftuar për këtë aktivitet.

“Tërheqja e shortit për renditjen e subjekteve politike në fletëvotime është një proces i hapur, duke garantuar transprencë e plotë dhe trajtim i barabartë i të gjitha subjekteve politike”, tha Elezi.

Fushata zgjedhore për subjektet politike do të fillojë më 13 shtator dhe do të përfundojë pak para hapjes së Qendrave të Votimit, në orën 06:59 të datës 12 tetor.

Formimi i Qeverisë, LVV pritet ta votojë Kurtin për mandatar këtë të dielë

Posted on by Drin Reçica

Ani pse Kuvendi i Kosovës ende nuk është konstituuar plotësisht, Lëvizja Vetëvendosje po përgatitet për hapat e radhës drejt formimit të Qeverisë, përcjell albinfo.ch.

Të dielën do të mbahet mbledhja e Këshillit të Përgjithshëm të këtij subjekti, në të cilën pritet të votohet Albin Kurti si mandatar për kryeministër.

Ky veprim vjen në një kohë kur procesi i konstituimit të Kuvendit është zvarritur, për shkak të moszgjedhjes së nënkryetarit nga radhët e komunitetit serb.

Pas përfundimit të votimit nga Këshilli, emri i Kurtit do t’i dërgohet presidentes Vjosa Osmani, e cila më pas pritet të ndërmarrë veprimet sipas procedurës kushtetuese për mandatarin e Qeverisë.

Ky zhvillim sinjalizon përshpejtim të përpjekjeve të LVV-së për formimin e Qeverisë, pavarësisht ngërçit institucional në Kuvend.

Sipas Kushtetutës së Kosovës nenit 95 paragrafi i 2, thuhet se kandidati për kryeministër,jo më vonë se 15 ditë pas emërimit paraqet përbërjen e Qeverisë para Kuvendit të Kosovës dhe kërkon miratimin nga ana e Kuvendit.

Qeveria konsiderohet e zgjedhur nëse merr shumicën e votave të të gjithë deputetëve të Kuvendit të Kosovës.

Në paragrafin 4 të këtij neni thuhet tutje se nëse përbërja e propozuar e Qeverisë nuk merr shumicën e votave të nevojshme, Presidenti i Republikës së Kosovës, brenda dhjetë (10) ditësh emëron kandidatin tjetër sipas së njëjtës procedurë. Nëse as herën e dytë nuk zgjidhet Qeveria, atëherë Presidenti i Kosovës i shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre.

Detaje të reja nga aksidenti në Luksemburg ku humbën jetën tre të rinj kosovarë

Posted on by Drin Reçica

Tre nga pesë viktimat e aksidentit tragjik në Luksemburg, janë të rinj kosovarë. Mësohet se vetura në të cilin ishin tre të rinj, ishte e babait të njërit prej tyre dhe dyshohet se e njëjta ka qenë me shpejtësi, ndonëse ende nuk ka raport përfundimtar nga policia atje, përcjell albinfo.ch.

Ndërkohë dy personat e tjerë të implikuar në aksident, me kamion, të vdekur edhe ata, janë boshnjakë nga i njëjti qytet.

Lidhur me rastin e rëndë autoritetet e sigurisë në Luksemburg, po vazhdojnë hetimet dhe ekspertizat, ndërsa ende nuk dihen shkaqet e aksidentit.

Kujtojmë se aksidenti fatal në Luksemburg, mori jetën e 19-vjeçarit, Edonik Kastratit – nga Peja, dhe Ujkan e Ukë Bajraktarajt – vëllezër, nga Isniqi i Deçanit.

Administrata e Transportit Publik ka konfirmuar për L’essentiel se një nga automjetet e përfshira ishte “një furgon nga një kompani që operonte për shërbimin Adopto”.

Sipas RTL, dy viktimat në këtë automjet ishin shoferi dhe një përfitues i këtij shërbimi transporti të dedikuar për personat me aftësi të kufizuara.

L’essentiel tutje raporton se të rinjtë kosovarë, Edoniku, Uka dhe Ujkani, ishin banorë të Wiltz, dhe se ata filluan shkollimin në shkollën fillore Wiltz përpara se të vazhdonin në Lycee du Nord.

“Ujkani po përgatitej të fillonte vitin e fundit të shkollës së mesme atje, ndërsa Edoniku po mendonte për arsim të lartë”, raporton L’essentiel.

Aksidentin tragjik e pa nga afër Emmanuel, 79 vjeçar dhe Marie 70. Me furgonin e tyre të parkuar në një parking të vogël pranë vendit të ngjarjes, çifti francez në pension nga Bethune, u kthy në N15, në vendin ku panë aksidentin që la pesë persona të vdekur të hënën rreth orës 6:10 të pasdites.

Sipas dëshmisë së tyre të dhënë për L’essentiel, në vendngjarje kishte vetëm disa copa xhami dhe plastike të thyer, asfalt i djegur dhe bar që ende dëshmonin për tragjedinë e ditës së mëparshme.

“Ishte e tmerrshme, vërtet e tmerrshme, nuk kishte asgjë që mund të bënim”, tha Marie për L’essentiel.

Çifti turistik ishte në rrugën midis Francës veriore dhe Alsasës dhe donte të vizitonte Luksemburgun.

“Kjo rrugë ishte e pastër, e drejtë, me shikueshmëri të mirë. Ne po ngisnim me një shpejtësi normale, rreth 70 km/orë. Ne ishim automjeti i parë, rreth 300 metra pas furgonit që u godit”, tha Emmanuel.

“Papritmas, e pamë të ngrihej dhe të binte. Nuk e pashë makinën e zezë që e përplasi. Ishte fshehur nga furgoni”, ka thënë pensionisti i tronditur.

“E kuptuam menjëherë se ishte serioze. U afruam për të ndihmuar, vrapuam për të bërë diçka”, tha ai më tej.

Sipas dëshmitarëve, furgoni i bardhë ishte në anë dhe makina “u shtyp plotësisht” ndërsa ekipet e para të shpëtimit mburriten brenda pak minutash.

“Pati shpërthime të vogla, kështu që na u desh të tërhiqeshim. I lamë zjarrfikësit të punonin”, tha ai, raporton L’essentiel.

Kurti i pranishëm në gjykatë, Klinaku akuzohet për kanosje

Posted on by Drin Reçica

Sot në Gjykatën Themelore në Prishtinë, po mbahet seanca fillestare në rastin ku Faton Klinaku dhe Nuredin Selmani po akuzohen për kanosje të kryeministrit në detyrë, Albin Kurti, përcjell albinfo.ch.

Vetë Kurti erdhi në këtë seancë në cilësinë e të dëmtuarit, raporton “Betimi për Drejtësi“.

Prokuroria Speciale e Republikës së Kosovës (PSRK) më 1 gusht 2025 ka ngritur aktakuzë ndaj Faton Klinakut dhe Nuredin Selmanit, të cilët akuzohen për kanosje të kryeministrit në detyrë, Albin Kurti.

Sipas aktakuzës së siguruar nga “Betimi për Drejtësi“, Faton Klinaku akuzohet se më 29 gusht 2023, në Prishtinë, me dashje dhe me qëllim që ta frikësojë dhe detyrojë tani të dëmtuarin, Albin Kurti, në cilësinë e tij si Kryeministër i Qeverisë së Republikës së Kosovës, që të ndërmarrë ose mos ndërmarrë veprime të caktuara në kuadër të ushtrimit të detyrës së tij zyrtare, e kishte kanosur publikisht përmes rrjetit social Facebook, duke postuar shkrime kërcënuese.

“Aq shumë i dëshpëruar votuesi i tij sa që tha: Votën ia dhashë për ndryshim, e ndryshim lëre që nuk ka bërë por po shkojmë edhe më shumë teposhtë si vend dhe s’ka mbetur tjetër gjë pos me ikë jashtë. I thashë: As se kam votu, as ndryshim për të mirë kurrsesi që nuk kam pritur nga ai, e sa i përket daljes jashtë, më parë e vras Albin Kurtin se sa që ia lëshoj rrugën e iku nga Kosova. Kosovën nuk duhet e as që guxojnë ta lëshojnë ata që kanë luftuar për të”, citohet të ketë shkruar Klinaku në Facebook.

Ndërsa, pas reagimeve të opinionit publik lidhur me këtë kërcënim, në aktakuzë thuhet se i pandehuri Klinaku më 30 gusht 2023 ka përsëritur një shkrim po ashtu me përmbajtje të njëjtë kërcënuese ndaj tani të dëmtuarit Kurti.

“Prapë po e përsëris, nëse ju duket skandaloz postimi i mëhershëm: Më parë e vras Albin Kurtin sesa ia lëshoj rrugën e iku nga Kosova”, citohet në aktakuzë të ketë shkruar Klinaku.

Me këto veprime, Klinaku akuzohet se publikisht dhe seriozisht e ka kanosur me vrasje të dëmtuarin Albin Kurti, për shkak të punës së tij zyrtare, si Kryeministër i Qeverisë së Republikës së Kosovës.

Andaj, me këto veprime, Klinkau ngarkohet se ka kryer veprën penale “Kanosja” nga neni 181, paragrafi 3 lidhur me paragrafin 2 të Kodit Penal.

Ndërkaq, në pikën dy të aktakuzës, Nuredin Selmani akuzohet se më 30 gusht 2023, në Drenas, me dashje dhe me qëllim që ta frikësojë dhe detyrojë tani të dëmtuarin, Albin Kurti, në cilësinë e tij si Kryeministër i Qeverisë së Republikës së Kosovës, që të ndërmarrë ose mos ndërmarrë veprime të caktuara në kuadër të ushtrimit të detyrës zyrtare, e ka kanosur publikisht në rrjetin social Facebook, duke iu referuar postimit kërcënues të bërë nga i pandehuri Faton Klinaku.

Selmani ngarkohet se kishte postuar një fotografi në të cilën ishte montuar fotoja e të dëmtuarit Kurti, krahas asaj të Klinakut, duke e shoqëruar me një shkrim kërcënues të adresuar ndaj të dëmtuarit.

“E mbështes Faton Klinakun”, “Veç ni telefon ma ban Faton, aty mki për çka të ka nevojë, mezi s’po pres me ja nisë”, citohet në aktakuzë postimi i Selmanit.

Po atë ditë, në mbrëmje, thuhet se i njëjti u inkuadrua drejtpërdrejt në emisionin “Debat Plus” në TV Dukagjini, ku po trajtohej debati me temë “OVL-UÇK vs Kurti”. Aty thuhet se përmes video-linkut, pas pyetjeve të moderatorit të emisionit, i pandehuri, sipas aktakuzës, kishte deklaruar “Unë konsideroj që çdo njëri i cili bon të këqija siç bon Albin Kurti, edhe po të isha unë në vendin e tij, duhet të vritet patjetër, sepse ajo është tradhti ndaj atdheut”.

Andaj, me këto veprime, Selmani ngarkohet se ka kanosur publikisht dhe seriozisht për vrasje të dëmtuarin Albin Kurti, për shkak të punës së tij zyrtare, e të cilat kërcënime, thuhet se i kishte shprehur edhe me disa bashkëbisedues tjerë, gjatë komunikimeve telefonike që i janë gjetur pas ekzaminimit të telefonit të tij, duke përfshirë edhe disa fotografi, ku i pandehuri shihet në posedim edhe të disa armëve të gjata luftarake.

Me këto veprime, i pandehuri Nuredin Selmani ngarkohet se ka kryer veprën penale “Kanosja” nga neni 181, paragrafi 3 lidhur me paragrafin 2 të Kodit Penal.

Në Gjykatën Themelore në Prishtinë, të mërkurën po mbahet seanca fillestare në rastin ku Faton Klinaku dhe Nuredin Selmani po akuzohen për kanosje të kryeministrit në detyrë, Albin Kurti.

Vetë Kurti erdhi në këtë seancë në cilësinë e të dëmtuarit, raporton “Betimi për Drejtësi“.

Prokuroria Speciale e Republikës së Kosovës (PSRK) më 1 gusht 2025 ka ngritur aktakuzë ndaj Faton Klinakut dhe Nuredin Selmanit, të cilët akuzohen për kanosje të kryeministrit në detyrë, Albin Kurti.

Sipas aktakuzës së siguruar nga “Betimi për Drejtësi“, Faton Klinaku akuzohet se më 29 gusht 2023, në Prishtinë, me dashje dhe me qëllim që ta frikësojë dhe detyrojë tani të dëmtuarin, Albin Kurti, në cilësinë e tij si Kryeministër i Qeverisë së Republikës së Kosovës, që të ndërmarrë ose mos ndërmarrë veprime të caktuara në kuadër të ushtrimit të detyrës së tij zyrtare, e kishte kanosur publikisht përmes rrjetit social Facebook, duke postuar shkrime kërcënuese.

“Aq shumë i dëshpëruar votuesi i tij sa që tha: Votën ia dhashë për ndryshim, e ndryshim lëre që nuk ka bërë por po shkojmë edhe më shumë teposhtë si vend dhe s’ka mbetur tjetër gjë pos me ikë jashtë. I thashë: As se kam votu, as ndryshim për të mirë kurrsesi që nuk kam pritur nga ai, e sa i përket daljes jashtë, më parë e vras Albin Kurtin se sa që ia lëshoj rrugën e iku nga Kosova. Kosovën nuk duhet e as që guxojnë ta lëshojnë ata që kanë luftuar për të”, citohet të ketë shkruar Klinaku në Facebook.

Ndërsa, pas reagimeve të opinionit publik lidhur me këtë kërcënim, në aktakuzë thuhet se i pandehuri Klinaku më 30 gusht 2023 ka përsëritur një shkrim po ashtu me përmbajtje të njëjtë kërcënuese ndaj tani të dëmtuarit Kurti.

“Prapë po e përsëris, nëse ju duket skandaloz postimi i mëhershëm: Më parë e vras Albin Kurtin sesa ia lëshoj rrugën e iku nga Kosova”, citohet në aktakuzë të ketë shkruar Klinaku.

Me këto veprime, Klinaku akuzohet se publikisht dhe seriozisht e ka kanosur me vrasje të dëmtuarin Albin Kurti, për shkak të punës së tij zyrtare, si Kryeministër i Qeverisë së Republikës së Kosovës.

Andaj, me këto veprime, Klinkau ngarkohet se ka kryer veprën penale “Kanosja” nga neni 181, paragrafi 3 lidhur me paragrafin 2 të Kodit Penal.

Ndërkaq, në pikën dy të aktakuzës, Nuredin Selmani akuzohet se më 30 gusht 2023, në Drenas, me dashje dhe me qëllim që ta frikësojë dhe detyrojë tani të dëmtuarin, Albin Kurti, në cilësinë e tij si Kryeministër i Qeverisë së Republikës së Kosovës, që të ndërmarrë ose mos ndërmarrë veprime të caktuara në kuadër të ushtrimit të detyrës zyrtare, e ka kanosur publikisht në rrjetin social Facebook, duke iu referuar postimit kërcënues të bërë nga i pandehuri Faton Klinaku.

Selmani ngarkohet se kishte postuar një fotografi në të cilën ishte montuar fotoja e të dëmtuarit Kurti, krahas asaj të Klinakut, duke e shoqëruar me një shkrim kërcënues të adresuar ndaj të dëmtuarit.

“E mbështes Faton Klinakun”, “Veç ni telefon ma ban Faton, aty mki për çka të ka nevojë, mezi s’po pres me ja nisë”, citohet në aktakuzë postimi i Selmanit.

Po atë ditë, në mbrëmje, thuhet se i njëjti u inkuadrua drejtpërdrejt në emisionin “Debat Plus” në TV Dukagjini, ku po trajtohej debati me temë “OVL-UÇK vs Kurti”. Aty thuhet se përmes video-linkut, pas pyetjeve të moderatorit të emisionit, i pandehuri, sipas aktakuzës, kishte deklaruar “Unë konsideroj që çdo njëri i cili bon të këqija siç bon Albin Kurti, edhe po të isha unë në vendin e tij, duhet të vritet patjetër, sepse ajo është tradhti ndaj atdheut”.

Andaj, me këto veprime, Selmani ngarkohet se ka kanosur publikisht dhe seriozisht për vrasje të dëmtuarin Albin Kurti, për shkak të punës së tij zyrtare, e të cilat kërcënime, thuhet se i kishte shprehur edhe me disa bashkëbisedues tjerë, gjatë komunikimeve telefonike që i janë gjetur pas ekzaminimit të telefonit të tij, duke përfshirë edhe disa fotografi, ku i pandehuri shihet në posedim edhe të disa armëve të gjata luftarake.

Me këto veprime, i pandehuri Nuredin Selmani ngarkohet se ka kryer veprën penale “Kanosja” nga neni 181, paragrafi 3 lidhur me paragrafin 2 të Kodit Penal.

30-vjeçari shqiptar gjendet i vdekur në Marbella

Posted on by Drin Reçica

Raportohet se trupi i Miklovan Dakaj, 30-vjeçar nga Shkodra, i njohur edhe si Visi i Pojës, u gjet në brigjet e Marbella-s, pas disa muajsh pa kontakt me familjarët. Dakaj humbi lidhjen me të afërmit më 12 maj, ndërsa personi i fundit që kishte kontakt me të ishte bashkëshortja e tij, përcjell albinfo.ch.

Media spanjolle Costablancadaily raporton se familjarët kanë marrë një telegram që konfirmonte vdekjen e tij, duke paralajmëruar që mos e kërkonin. Sipas informacioneve, Dakaj dyshohet të ketë pasur lidhje me trafikun e kokainës dhe rrjete kriminale ndërkombëtare.

Autoritetet spanjolle, përkatësisht Guardia Civile, kanë nisur hetime mbi rastin në Marbella, por deri tani nuk ka arrestime dhe detajet mbi rrethanat e vdekjes nuk janë bërë publike. Ngjarja ka tronditur komunitetin shqiptar në Spanjë dhe Shqipëri.

Shkolla shqipe në Zvicër, ruajtëse e gjuhës dhe kulturës kombëtare

Posted on by Drin Reçica

Me fillimin e vitit të ri shkollor, nxënësit shqiptarë në Zvicër po i rikthehen me përkushtim orëve të gjuhës shqipe. Në Shkollën Shqipe të Ostermundigenit në Bern, fëmijët e diasporës mësojnë rregullisht shkrim-leximin, duke u bërë pjesë e një misioni të rëndësishëm kulturor dhe arsimor, shkruan albinfo.ch.

Për prindërit dhe mësimdhënësit, gjuha shqipe është shumë më tepër se një lëndë mësimore, ajo është trashëgimi kombëtare që duhet ruajtur.

Përmes saj, brezat e rinj lidhen me rrënjët e tyre, njihen me letërsinë, këngët, traditat dhe kulturën shqiptare, duke ndërtuar një urë të fortë mes vendlindjes dhe vendit ku jetojnë.

Në Zvicër, pothuajse në çdo kanton funksionon një klasë apo shkollë shqipe, ku nxënësit e mërgimtarëve kanë mundësinë të mësojnë gjuhën amtare. Ky rrjet shkollash është bërë një shtyllë e rëndësishme e diasporës shqiptare, që ndihmon fëmijët të mos humbin identitetin kulturor dhe kombëtar, pavarësisht distancës gjeografike.

Shkollat shqipe në Zvicër mbeten shembull i gjallë i bashkëpunimit të komunitetit, prindërve dhe mësuesve për të ruajtur gjuhën, kulturën dhe vlerat që përcillen nga brezi në brez. /Albinfo.ch

albinfo.ch
albinfo.ch
albinfo.ch

Melisa Ibrahimi, pianistja kosovare që mahniti Italinë

Posted on by Drin Reçica

Pianistja 23-vjeçare nga Mitrovica, Melisa Ibrahimi, është shpallur laureate e çmimit prestigjioz të “Mimas Festival” në Itali, një nder që zakonisht u ndahet pianistëve me karrierë të gjatë ndërkombëtare, transmeton Albinfo.ch.

Në edicionin e sivjetmë të mbajtur në ishullin Procida, pranë brigjeve të Napolit, Ibrahimi u vlerësua për sukseset e saj të shumta në garat ndërkombëtare dhe për interpretimin brilant në piano. “Ky çmim zakonisht jepet më vonë në karrierë, por unë jam shumë e lumtur që e arrita në këtë moshë të re. Ai më hap mundësi të reja koncertale në Evropë”, është shprehur pianistja kosovare.

Gjatë ceremonisë speciale të organizuar për të, Melisa interpretoi vepra të kompozitorit rus Alexander Scriabin, duke marrë vlerësime pozitive nga profesionistë të muzikës klasike. Për të, ky çmim është një kurorë e të gjitha arritjeve të deritanishme: “Kam fituar shumë gara, por ky është më i veçanti, sepse i përmbledh të gjitha sukseset e mia dhe më vendos në listën e pianistëve të njohur në Evropë.”

“Mimas Festival”, i themeluar në vitin 2018, është një ngjarje e rëndësishme që bashkon muzikantë nga e gjithë bota dhe lidhet ngushtë me kauza sociale dhe humanitare. Fitorja e Melisa Ibrahimit në këtë festival e ngre emrin e saj në toplistën e pianistëve të rinj më premtues në Evropë. /Albinfo.ch

Çmimi i arit thyen rekordin

Posted on by albinfo.ch

Çmimi i arit ka arritur një nivel të ri rekord, raporton Bloomberg. Perspektiva e një uljeje të menjëhershme të normës së interesit nga Rezerva Federale e SHBA-së dhe dyshimet në rritje për pavarësinë e saj po i japin një vrull të ri rritjes shumëvjeçare të arit.

Çmimi për dorëzim të menjëhershëm u rrit përkohësisht me 0.9 përqind në 3,508.73 dollarë për ons, duke tejkaluar rekordin e mëparshëm të vendosur në prill, përpara se të hiqte dorë nga disa nga fitimet e tij në tregtimin e hershëm aziatik, transmeton albinfo.ch.

Ari ka shënuar rritje prej më shumë se 30 për qind që nga fillimi i vitit, duke e bërë atë një nga mallrat më të suksesshme. Rritja e fundit është shkaktuar nga pritjet se Rezerva Federale mund të ulë normat e interesit këtë muaj, shkruan wirtschaft Woche. Kryetari i Rezervës Federale, Jerome Powell, kohët e fundit hapi me kujdes derën për këtë. Një raport i punësimit në SHBA që pritet të premten mund të ofrojë prova shtesë të një ngadalësimi ekonomik dhe të forcojë argumentin për uljen e normave të interesit.

Çmimi i arit ishte ngjitur tashmë në një nivel rekord në prill pas planeve tarifore të Trumpit, përpara se të ndiqte një trend të kundërt për muaj të tërë. Tani, fokusi është përsëri në nivelin 3,500 dollarë, shkruan wirtschaft Woche. Konfliktet e reja gjeopolitike ose pasiguritë politike mund t’i japin metalit të çmuar një vrull të mëtejshëm – dhe ta çojnë çmimin e arit drejt niveleve të reja rekord.

Sondazhi: Shumica janë në favor të zgjerimit të BE-së

Posted on by BR

Shumica e qytetarëve të Bashkimit Evropian janë në favor të zgjerimit të mëtejshëm të unionit, tregon sondazhi më i ri i Eurobarometrit, sipas të cilit, mbështetja për anëtarësim në Shqipëri është më e larta në Ballkan, me 91%.

Sipas sondazhit të Eurobarometrit, mbështetja e integrimit është dukshëm i lartë në Shqipëri, ashtu si dhe besimi tek unioni, pasi qytetarët vlerësojnë ndihmën për zhvillimin ekonomik dhe luftën ndaj korrupsionit. Pas shqiptarëve, anëtarësimin në Bashkimin Evropian e mbështesin qytetarët e Maqedonisë së Veriut, me 69%.

Në të dyja vendet fqinje, qytetarët shohin përfitime si rritja e cilësisë së jetesës dhe hapja e kufijve. Po ashtu, 56% e të anketuarve besojnë se vendi i tyre do të përfitonte nga zgjerimi i ardhshëm. Mbështetja është veçanërisht e lartë në mesin e të rinjve, ku rreth 2/3 e qytetarëve të moshës 15 deri në 39 vjeç besojnë se vendet kandidate apo potenciale duhet të anëtarësohen në Bashkimin Evropian sapo të përmbushin kushtet e nevojshme.

Megjithatë, qytetarët kanë edhe shqetësime, kryesisht lidhur me migracionin, korrupsionin, krimin dhe koston financiare të zgjerimit. Sondazhi është realizuar në periudhën shkurt-mars 2025, me pjesëmarrjen e mbi 26,300 qytetarëve nga të 27 vendet anëtare të BE-së.

Sondazhe të ngjashme janë zhvilluar edhe në vendet kandidate, si Shqipëria, Bosnje-Hercegovinë, Kosovë, Gjeorgji, Moldavi, Mali i Zi, Maqedoni e Veriut, Serbi dhe Ukrainë, ku janë intervistuar 1000 qytetarë për secilin vend. Në Serbi, mbështetja për anëtarësimin në Bashkimin Evropian është më e ulëta në rajon, me vetëm 33%, duke reflektuar shqetësime politike dhe mungesë besimi ndaj unionit.

Në përgjithësi, sondazhi tregon se imazhi i Bashkimit Evropian është më pozitiv në Ballkanin Perëndimor, sesa në vendet e Evropës lindore, me përjashtim të Serbisë.

Në Zvicër në pritje të vendimit zyrtar për Bajramin

Posted on by BR

Federata Shqiptare e Futbollit ka lëshuar një njoftim të papritur: Adrian Bajrami, një mbrojtës 23-vjeçar i FC Luzern, do t’i bashkohet ekipit kombëtar zviceran. Ky veprim vjen pavarësisht një ftese nga trajneri i kombëtares shqiptare Sylvinho për ndeshjet e ardhshme ndërkombëtare.

Bajrami, i lindur në Langenthal dhe me shtetësi të dyfishtë zvicerano-shqiptare, ka luajtur deri më tani tre ndeshje miqësore për Shqipërinë.

Meqenëse këto ishin ndeshje jo-garuese, një transferim në një vend tjetër lejohet sipas rregulloreve të FIFA-s. Arsyet e sakta për vendimin e Bajramit nuk dihen ende, transmeton albinfo.ch.

Mbrojtësi qëndror, i cili ka qenë nën kontratë me FC Luzern që nga kjo verë, tashmë është vendosur si lojtar i rregullt në Superligë. Ai më parë kaloi te Benfica Lisbon, ku u stërvit në sistemin e të rinjve dhe së fundmi madje arriti të luante në ekipin e parë.

Rasti i Bajramit bie ndesh me vendimet e fundit të lojtarëve të tjerë me shtetësi të dyfishtë. Leon Avdullahu i Hoffenheim zgjodhi Kosovën, ndërsa talenti i Fiorentinës, Eman Kospo, zgjodhi Bosnjën.

Këto zhvillime kanë shkaktuar një debat në Zvicër në lidhje me transferimin e shtetësive.

Drejtori i ekipit kombëtar, Pierluigi Tami, komentoi së fundmi mbi këtë temë: “Më shumë se 70 përqind e lojtarëve tanë janë me shtetësi të dyfishtë; jo të gjithë mund të luajnë për ekipin tonë kombëtar të të rriturve”, siç u citua të thoshte nga 20 Minuten.

Ai theksoi rëndësinë e tre kritereve në përzgjedhjen e lojtarëve: cilësi e mjaftueshme, identifikim me Zvicrën dhe durim përballë konkurrencës së mundshme në pozicione të caktuara, shkruan sport.ch, transmeton albinfo.ch.

Transferimi i Bajramit në ekipin kombëtar zviceran mund të forcojë mbrojtjen e ekipit. Përvoja e tij në Benfica, duke përfshirë paraqitjet në Kupën e Botës për Klube kundër Auckland City dhe Bayern Munich, mund të jetë e vlefshme.

Federata Zvicerane e Futbollit nuk ka bërë ende një deklaratë zyrtare për transferimin e Bajramit.

Detaje të mëtejshme pritet të shpallen në ditët në vijim, veçanërisht në lidhje me paraqitjet e mundshme në ndeshjet e ardhshme ndërkombëtare.

Lexoni po ashtu:

Adrian Bajrami lë Shqipërinë, i bashkohet Zvicrës

Lexoni po ashtu:

Nga Benfica në Zvicër: Adrian Bajrami shkëlqen me Luzernin

 

Kompletohet Zvicra: Akanji bashkohet pas transferimit te Interi

Posted on by BR

Pas një të hëne të trazuar, kur disa lojtarë ende mungonin për shkak të transferimeve ose edhe ishin larguar, kombëtarja zvicerane është kompletuar që nga fillimi i pasdites së së martës.

Lojtari i fundit që u bashkua ishte Manuel Akanji (30), i cili mbërriti në kampin në Horben im Breisgau pas transferimit të tij në minutën e fundit nga Manchester City te Interi nëpërmjet Bazelit, shkruan Blick, transmeton albinfo.ch.

Të 23 lojtarët ishin gjithashtu të pranishëm për seancën e parë stërvitore vonë pasdite në Dreisamstadion në Freiburg.

Evropa do të hartojë një strategji të re për vizat për të sjellë punëtorë të kualifikuar jo-BE

Posted on by BR

Në një konsultim të hapur për publikun, Komisioni paraqet problemin e “procedurave tepër të gjata ose komplekse të vizave për qëndrim të gjatë dhe migrimit ligjor”.

Ai thotë se këto shpesh përmenden nga punëdhënësit dhe migrantët si një pengesë për migrimin ligjor, duke përfshirë edhe në lidhje me lëvizshmërinë e studiuesve për qëllime pune shkencore, shkruan The Local, transmeton albinfo.ch.

Ekzekutivi i BE-së synon të adresojë disa nga këto pengesa në mënyrë që të “lehtësojë lëvizshmërinë ndërkombëtare”, veçanërisht për punëtorët, studentët dhe studiuesit me aftësi të larta.

Strategjia e re do të përfshijë gjithashtu masa që synojnë “themeluesit e bizneseve të reja dhe sipërmarrësit inovativë” në mënyrë që të “tërheqë shtetasit jo-BE që ndihmojnë në mënyrë aktive në nxitjen e inovacionit dhe rritjes ekonomike në BE”.

Zbatimi i direktivave mbi studentët dhe studiuesit dhe mbi Kartën Blu duhet të bëhet gjithashtu më efektiv, sipas planit.

Viza afatshkurtra dhe afatgjata

Aktualisht, politika e përbashkët e vizave e BE-së përcakton rregulla të përbashkëta për qëndrimet afatshkurtra, duke u lejuar shtetasve jo-BE të vizitojnë zonën Shengen deri në 90 ditë brenda një periudhe 180-ditore.

“Me 9.7 milionë viza Shengen të lëshuara në vitin 2024 dhe mbi 1.4 miliardë njerëz nga 61 vende që përfitojnë nga udhëtimet e përjashtuara nga vizat, politika e vizave e BE-së luan një rol vendimtar në promovimin e turizmit, tregtisë, rritjes ekonomike, si dhe shkëmbimeve njerëzore”, thotë Komisioni.

Ekzekutivi i BE-së argumenton se problemet praktike me të cilat përballen shtetet anëtare kur lëshojnë viza afatgjata dhe leje qëndrimi janë “shpesh të njëjta me ato për vizat afatshkurtra”. Këto përfshijnë “sfidat me verifikimin e vërtetësisë së dokumenteve” dhe “kohë të gjata pritjeje për takime”.

“Duke përmirësuar procesin e aplikimit për vizë, duke zvogëluar kohët e pritjes dhe duke rritur kapacitetin e përpunimit në vendet jo-BE, politika e vizave e BE-së mund të mbështesë udhëtimet e biznesit dhe turizmit në BE në mënyrë më efektive, si dhe të sigurojë që programet e financuara nga BE-ja të zbatohen pa probleme”, argumenton Komisioni.

Interesat gjeopolitike

Duke marrë parasysh “peizazhin gjeopolitik gjithnjë e më kompleks”, Komisioni thotë qartë në dokumentin e konsultimit se strategjia e politikës së vizave të BE-së duhet të përdoret “në mënyrë më strategjike” për të “avancuar interesat strategjike dhe objektivat afatgjata të BE-së”.

Në veçanti, ajo duhet të shërbejë për të rritur “bashkëpunimin me vendet jo-anëtare të BE-së në… trajtimin e çështjeve të sigurisë” dhe për të adresuar “trendet në zhvillim si ‘blerja e vizave'”.

Strategjia do të propozojë gjithashtu një qasje të re për përjashtimet nga vizat, në mënyrë që këto të zbatohen në mënyrë më të qëndrueshme në të gjitha shtetet anëtare.

Politika e re e vizave, të cilën Komisioni synon ta publikojë para fundit të vitit, ka të ngjarë të përfshijë rekomandime si për vizat afatgjata ashtu edhe për ato afatshkurtra.

Komisioni po kërkon mendime nga qytetarët e BE-së dhe jo-BE-së, organizatat e shoqërisë civile, përfaqësuesit e industrisë së udhëtimit dhe turizmit, organizatat e transportit dhe grupet e tjera të interesuara.

Lojtari më i shtrenjtë në histori në Angli pritet të luajë ndaj Kosovës

Posted on by BR

Alexander Isak është bërë transferi më i shtrenjtë në histori të Premierligës, pasi kaloi nga Newcastle United te Liverpool për gati 150 milionë euro.

25-vjeçari është përfshirë në ekipin e Suedisë për ndeshjet kualifikuese të Kupës së Botës 2026 kundër Sllovenisë dhe Kosovës, transmeton albinfo.ch.

Isak ishte pjesë e seancës stërvitore të së martës dhe do të jetë në dispozicion të Suedisë për ndeshjen kundër Sllovenisë të premten. Ndaj Kosovës, Suedia luan më 8 shtator në Prishtinë.

Debutimi i Isakut me Liverpoolin mund të realizohet pas ndeshjeve kualifikuese për Kupën e Botës 2026.

Liverpooli do të luajë kundër Burnleyt më 14 shtator, përpara se të përballet me Atletico Madridin në shtëpi në Ligën e Kampionëve tre ditë më vonë.

Një ndryshim në kampin kuqezi

Posted on by BR

Kombëtarja shqiptare ka vijuar përgatitjet për ndeshjet e shtatorit në ditën e dytë në kampin stërvitore në Malaga të Spanjës.

Departamenti i Komunikimit në FSHF bën me dije se trajneri Silvinjo ka vendosur të ftojë në skuadër portierin e Kombëtares U-21, Simon Simoni, pasi Elhan Kastrati nuk do të jetë i gatshëm për arsye dëmtimi, transmeton albinfo.ch.

Kastrati, i cili ka një dëmtim në gju, është paraqitur në grumbullim, ku i është nënshtruar analizave dhe vizitave nga stafi mjekësor, që ka konkluduar se futbollisti nuk mund të jetë i gatshëm për ndeshjet me Gjibraltarin e Letoninë dhe se ka nevojë për trajtim mjekësor.

Simoni do të mbërrijë në kampin kuqezi në orët në vazhdim dhe do të jetë në dispozicion të trajnerit Silvinjo për miqësoren ndaj Gjibraltarit dhe ndeshjen e kualifikueseve të Botërorit 2026 ndaj Letonisë në Tiranë.

Sa i përket grupit, kanë mbërritur gjatë ditës Enis Çokaj dhe Cristian Shpendi, të cilët janë stërvitur rregullisht me skuadrën. Seanca stërvitore ka zgjatur pak më shumë se një orë dhe i gjithë grupi gëzon formë të mirë.

Ditën e nesërme (e mërkurë) në ora 17:00 do të jetë konferenca zyrtare e trajnerit Silvinjo, ndërkohë që në ora 18:00 do të zhvillohet seanca zyrtare stërvitore.

Shqipëria do të luajë më 4 shtator një miqësore ndaj Gjibraltarit në transfertë, me sfidën që nis në ora 18:00, ndërsa me datë 9 shtator kombëtarja do të presë Letoninë në sfidën e kualifikueseve që do të zhvillohet në stadiumin “Air Albania” dhe nis në ora 20:45.

 

Belgjika dëshiron të njohë Palestinën

Posted on by albinfo.ch

Belgjika dëshiron të njohë zyrtarisht një shtet palestinez në Asamblenë e Përgjithshme të OKB-së, ku do të shpallë këtë vendim.

Ministri i Jashtëm belg, Maxime Prévot, ka shkruar peër këtë në rrjetin X. Ai me këtë rast ka shtuar gjithashtu se duhet të vendosen sanksione të ashpra ndaj qeverisë izraelite.

Belgjika po ashtu është duke mbështetur sanksionet e BE-së kundër Izraelit dhe është e përkushtuar për rindërtimin e territoreve palestineze.

Në muajt e fundit, disa vende, përfshirë Francën, Britaninë e Madhe dhe Kanadanë, kanë njoftuar ose kanë treguar se do ta njohin zyrtarisht një shtet palestinez.

Asambleja e Përgjithshme e OKB-së fillon më 9 shtator.

Cyrihu planifikon të zgjerojë rrjetin e tramvajit

Posted on by albinfo.ch

Qyteti i Cyrihut planifikon të zgjerojë rrjetin e tij të tramvajit. Sipas planit të qeverisë së qytetit, linja të reja tramvaji do të ndërtohen në lagjet si Zurich-West dhe Zurich-Altstetten.

Zgjerimi pritet të kushtojë 450 milionë CHF, transmeton albinfo.ch. Këshilli i Qytetit synon t’ia paraqesë popullit kredinë përkatëse kornizë për votim në referendum.

Qëllimi i Qytetit të Cyrihut është që projektet të financohen përfundimisht përmes fondit kantonal të transportit, shkruan srf.ch. Megjithatë, kredia e vetë qytetit mund ta përshpejtojë zgjerimin me pesë deri në dhjetë vjet.

Sipas planifikimit të qeverisë së qytetit, tramvajet e reja do të lidhin gjithashtu sheshet e njohura Hardplatz me Albisriederplatz. Kjo linjë aktualisht shërbehet nga autobusët.

Në Zvicër aktualisht tramvajët janë në qarkullim vetëm në disa qytete si: Cyrihu, Gjeneva, Bazeli, Berna.

Shqipëria U21: Kuqezinjtë optimistë para miqësoreve ndaj Gjermanisë dhe Zvicrës

Posted on by BR

Futbollistët e Kombëtares U-21, Ermir Rashica dhe Adi Kurti, kanë folur për fshf.org në prag të dy ndeshjeve miqësore ndaj Gjermanisë dhe Zvicrës, transmeton albinfo.ch.

Rashica vlerësoi kundërshtarët dhe theksoi se atmosfera brenda ekipit është shumë e mirë dhe të gjithë janë të motivuar për të dhënë maksimumin.

Kundërshtarët? – Besoj që dy ndeshjet që do i zhvillojmë do jenë shumë të forta, sepse kemi dy kundërshtarë shumë të fortë si Gjermania dhe Zvicra.

Jemi në formë secili lojtar, sepse vijmë me minuta të shumta nga ekipi dhe besoj se do të dalim me një rezultat pozitiv.

Objektivi? – Objektivi është të japim maksimumin nga vetja jonë. I imi është të shënoj gola dhe të bëj më të mirën time për Kombëtaren.

Atmosfera brenda ekipit? – Atmosfera është shumë e mirë. Lojtarët janë të motivuar dhe besoj që do dalim patjetër me një rezultat pozitiv. Është ndeshje e fortë dhe është mirë për ne që të kemi mbështetje nga tifozët.

Një nga risitë e trajnerit Bushi në këtë grumbullim, Adi Kurti u shpreh i lumtur për ftesën dhe vlerësoi nivelin e kundërshtarëve. Ai theksoi se Shqipëria do të futet me mentalitet fitues në fushë dhe i bëri thirrje tifozëve në Elbasan për të mbështetur Kombëtaren U-21.

Si e prite ftesën nga Kombëtarja U-21? – Jam shumë i lumtur për ftesën nga profesor Bushi. Isha shumë i lumtur kur mora vesh që do të jem me Kombëtaren U-21. Është një kohë e gjatë që e prisja dhe kam punuar fort për këtë ftesë.

Gjermania dhe Zvicra? – Zvicra dhe Gjermania janë dy Kombëtare të nivelit botëror që gjithmonë kanë prodhuar futboll shumë të mirë dhe kualitativ. Por ne do të futemi gjithmonë me mentalitet fituesi, sepse edhe ne jemi një Kombëtare që jemi në rritje, që mund t’i bëjmë dëm çdo ekipi.

Atmosfera brenda skuadrës dhe a ke një thirrje për tifozët? – Jemi mirë me njëri-tjetrin, po mundohemi të njihemi avash-avash sepse disa jemi të rinj. Atmosfera është shumë pozitive.

I bëj një thirrje tifozëve, të gjithë tifozave të Elbasanit që të vijnë dhe të na mbështesin sepse do të jetë një ditë e bukur për Elbasanin.

 

Gjykimi ndaj ish-krerëve të UÇK-së pritet të përfundojë në dhjetor

Posted on by albinfo.ch

Paneli i gjyqtarëve i Dhomave të Specializuara të Kosovës në Hagë ka njoftuar se mbrojtja e ish-krerëve të Ushtrisë Çlirimtare të Kosovës duhet të përgatitet për të paraqitur shkresat përfundimtare të gjykimit deri më 22 dhjetor 2025.

Në një shkresë të publikuar më 2 shtator thuhet se Zyra e Prokurorit të Specializuar mund të kërkojë të paraqesë prova të tjera, sikurse edhe mbrojtja të paraqesë prova shtesë si kundërpërgjigje. Megjithatë, pa paragjykuar këto mundësi, gjykata thekson se palët duhet të jenë të gatshme të dorëzojnë përmbledhjet përfundimtare deri në afatin e përcaktuar.

Paneli bëri të ditur gjithashtu se parashikon përfundimin e rastit të mbrojtjes së Hashim Thaçit dhe Jakup Krasniqit deri më 14 nëntor, ose një javë pas dëshmisë së dëshmitarit të fundit.

“Palët dhe pjesëmarrësit duhet të jenë të përgatitur të paraqesin përmbledhjet përfundimtare të gjykimit, si dhe deklaratën mbi ndikimin e krimeve të pretenduara te viktimat pjesëmarrëse në procedurë, para pushimit gjyqësor të 22 dhjetorit”, thuhet në njoftim.

Ish-presidenti Hashim Thaçi, ish-kryeparlamentarët Kadri Veseli e Jakup Krasniqi dhe ish-deputeti Rexhep Selimi akuzohen për krime lufte dhe krime kundër njerëzimit. Të katër mohojnë akuzat.

Më 15 shtator, mbrojtja e tyre pritet të nisë paraqitjen e provave.

Dardanët vazhdojnë përgatitjet për sfidën ndaj Zvicrës

Posted on by BR

Kosova ka vazhduar përgatitjet për ciklin e ri kualifikues për Kupën e Botës 2026, ku më 5 shtator do të përballet me Zvicrën në Bazel dhe më 8 shtator me Suedinë në stadiumin “Fadil Vokrri”.

Seanca e dytë stërvitore u zhvillua sot në Kampin Nacional të FFK-së në Hajvali, me pjesëmarrjen e të gjithë futbollistëve të ftuar nga përzgjedhësi Franco Foda. Për shkak të udhëtimit dhe mbërritjes së vonshme në grumbullim, Fidan Aliti dhe Ron Raqi zhvilluan vetëm një pjesë të stërvitjes me program të diferencuar.

Trajneri Foda u përqendrua kryesisht në aspektet taktike, duke punuar me ekipin në mënyrën e lojës që synon ta aplikojë në sfidën e parë kundër Zvicrës.

Pas seancës, mendimet e tyre i ndanë dy futbollistë të Dardanëve, Dion Gallapeni dhe Meriton Korenica, të cilët theksuan përkushtimin e skuadrës dhe pritjet e tyre për dy ndeshjet e para të këtij cikli.

“Stërvitjet janë duke shkuar me intensitet të lartë. Jemi duke u përgatitur për këto dy ndeshje, por normalisht fokusi për momentin është vetëm tek Zvicra. Jemi duke punuar në aspektin taktik, kështu që shpresojmë të shkojmë atje dhe të marrim rezultat pozitiv. Pres që në ndeshjen me Zvicrën të hyjmë në fokus maksimal sepse e dimë se është ndeshje e vështirë dhe shpresoj se me ndihmën e bashkatdhetarëve tanë të marrim rezultat pozitiv”, tha Gallapeni.

“Po përgatitemi maksimalisht për këto dy ndeshje. Stërvitja sot ka shkuar shumë mirë. Të gjithë djemtë janë të motivuar për ndeshjen e parë. Shpresoj të bëjmë më të mirën dhe të japim maksimumin pasi dihet që dihet se është një ndeshje e vështirë, por gjithçka po shkon shumë mirë dhe shpresoj që të japim maksimumin dhe pse jo të marrim rezultat pozitiv. Janë dy kombëtare shumë të forta, si Zvicra ashtu edhe Suedia, por presim rezultate pozitive, pasi kemi një grup shumë të mirë të lojtarëve. Të gjithë janë të motivuar dhe mezi i presin ndeshjet. Pres përkrahjen e të gjithëve në Bazel, pasi atje ka shumë shqiptarë dhe shpresoj se të bëjmë më të mirën dhe t’i kënaqim edhe ata që do të vijnë ta shikojnë ndeshjen”, tha Korenica.

Stërvitja e radhës e Dardanëve është paraparë të mbahet të mërkurën, më 3 shtator, nga ora 11:00 në Kampin Nacional të FFK-së në Hajvali.

Pedofili fiton procesin para Gjykatës Federale

Posted on by albinfo.ch

Gjykata Federale ka lëshuar një vendim historik në favor të një burri me tendenca pedofilike.

Ai kishte zbuluar tendencat e tij gjatë terapisë në një klinikë psikiatrike në kantonin e Schwyz-it, ku kishte deklaruar se ai gjithashtu shihte pornografi me fëmijë.

Klinika donte ta denonconte atë dhe iu drejtua autoriteteve për heqje dorë nga konfidencialiteti mjekësor, transmeton albinfo.ch. Ajo kishte frikë se ai mund të vazhdonte të konsumonte pornografi me fëmijë ose edhe të abuzonte me ndonjë fëmijë. Departamenti i Shëndetit i Schwyz-it kishte lejuar heqjen dorë nga konfidencialiteti profesional pa e dëgjuar ose informuar pacientin, shkruan srf.ch. Personi në fjalë e kundërshtoi vendimin dhe tani u mbështet nga Gjykata Federale.

Gjykata Federale Justifikon Vendimin për Pedofilinë

Në rastin e pacientit psikiatrik pedofil në kantonin e Schwyz-it, Gjykata Federale, në terma jashtëzakonisht të qartë, e shpalli heqjen dorë nga konfidencialiteti profesional të pavlefshme.

Pacienti duhej të ishte dëgjuar dhe informuar. Vetëm nëse një jetë është në rrezik, mund të hiqet dorë nga kjo. Megjithatë, në këtë rast specifik, asnjë fëmijë specifik nuk ishte në rrezik, sipas vendimit.

Autoritetet e Schwyz-it nuk e kishin informuar pacientin vetëm që ai të mos shkatërronte provat e konsumimit të pornografisë së fëmijëve, përcjell albinfo.ch. Por sipas Gjykatës Supreme Federale, kjo nuk është e mjaftueshme.

Qeveria pëson disfatë në Gjykatën Federale për vdekjen e azilkërkuesit

Posted on by albinfo.ch

Gjykata Supreme Federale ka lëshuar një vendim në lidhje meQrastin e një azilkërkuesi të ndjerë. Ai ishte vendosur në qendrën federale të azilit pranë komunës Lyss, Kantoni i Bernës. Pasi ishte ankuar për probleme me zemrën, ai kishte vdekur në një taksi gjatë rrugës për në spital, transmeton albinfo.ch.

Sipas vendimit, Qeveria Federale duhet të hetojë vetë nëse stafi ka bërë ndonjë gabim në rastin konkret, shkruan srf.ch. Ajo nuk mund t’ia kalojë përgjegjësinë kompanive private që operojnë qendrat federale të azilit.

Familja e të ndjerit kishte kërkuar kompensim nga qeveria federale. Qeveria Federale ia kishte kaluar këto kërkesa kompanive private. Nëse familjet do të marrin kompensim nuk është përcaktuar ende.