Çmimi i çimentos shtrenjton edhe më shumë banesat

Çmimi i çimentos u rrit për 20 për qind.

E kompania Sharrcem u arsyetua se shkaku i rritjes së kostos së energjisë në botë u detyrua ta ngrisë çmimin që shkoi 129 euro për ton.

Ndërtimtarët thonë se kjo nuk qëndron fare. Sipas tyre, vlera e këtij produkti në Kosovë u bë gati sa në Perëndim, atje ku standardet janë shumë më të larta.

Kjo situatë do të ndikojë që të rritet edhe kosto e patundshmërive, për çka investitorët thonë se ka ulje të shitjes.

Me këtë rast edhe paralajmërimet për ekonominë e vendit nuk janë pozitive.

Që kjo gjendje të kalohet, po kërkohet që shteti të ndërhyjë përmes mekanizmave mbrojtës për ta evituar thellimin e krizës, shkruajnë mediat kosovare, përcjell albinfo.ch.