Cilat janë qytetet më të mira të botës ku njerëzit duan të shpërngulen

Pa dyshim se të jetosh jashtë vendit, është diçka që shumë prej nesh e dëshirojnë të paktën për një periudhë të caktuar të jetës. Falë rritjes së popullaritetit të stilit të jetesës nomade digjitale, po bëhen shumë lëvizje dhe ka disa vende që i tërheqin njerëzit më shumë, përcjell albinfo.ch.

Tokio u zbulua kohët e fundit si destinacioni me rritje më të shpejtë, veçanërisht në mesin e nomadëve, dhe tani kompania e shërbimeve financiare Remitly ka zbuluar një listë të qyteteve në mbarë botën, ku njerëzit ëndërrojnë të vendosen (sipas kërkimeve në Google).

Duke hulumtuar vëllimin e kërkimit në Google për qytetet ku duan njerëzit të jetojnë, Remitly përpiloi një listë dhe emëroi qytetet më të popullarizuara për ata që kërkojnë të zhvendosen.

Destinacioni më i dëshirueshëm në botë është Dubai. Kryeqendra e Emirateve të Bashkuara Arabe është i njohur kryesisht për blerjet, ndërtesat ultra-moderne dhe rrezet e diellit gjatë gjithë vitit.

Miami është i dyti dhe ky destinacion popullor i pushimeve në Florida është më i njohur për kombinimin e tij të horizontit, plazhit dhe jetës së natës.

Në vendin e tretë është Parisi.

Është interesante se ‘top 10’ në fakt përmban më shumë se 10 qytete, me tri qytete të renditura në vendin e katërt dhe dhe nëntë të renditura në pozitën 10.

Lista e qyteteve në të cilat njerëzit duan më shumë të jetojnë:

1. Dubai
2. Miami
3. Parisi

4= New Yorku

4= Madridi

4= Singapori

7= Londra

7= Brukseli

9. Toronto

10= Washington DC, Buenos Aires, Christchurch, Quebec City, Bogota, Portland, Vjena, Phoenix, Chicago

---