Cilat banka evropiane kanë të punësuar më së shumti milionerë

Bankat franceze „BNP Paribas”, „Natixis” dhe „Societe Generale” së bashku kanë të punësuar 277 milionerë, ndërsa më së shumti milionerë në Evropë janë duke punuar në bankën gjermane “Deutsche Bank”, në bazë të hulumtimeve nga gazeta franceze “Eko” dhe në bazë të të dhënave që janë raportuar nga bankat evropiane.

Këto tri banka franceze janë të vetmet që deri tani kanë publikuar të dhëna për numrin e të punësuarve, të ardhurat e të cilëve në vitin 2014 ishte më shumë se një milion euro dhe Brukseli për herë të parë këtë vit e kërkon këtë, raporton “Figaro”.

Në vitin 2012, sipas Agjencisë Evropiane të Bankave, në të gjitha bankat franceze ka pasur një total prej 177 milionerëve.

Banka më e madhe e investimeve “BNP Paribas”, në raportin e fundit për 2014-ën ka raportuar për numrin më të madh të milionerëve, ose 149.  Çdo i treti prej tyre jeton në Londër.

Të tjerët  janë qytetarë të Francës (33), Azisë (30) dhe SHBA-së (29). Në të njëjtën kohë, kjo është e vetmja bankë franceze që paguan edhe tri paga vjetore që tejkalon shumën 3.5 milionë.

Banka “Societe” numëron 109, “Natixis” 19 milionerë. Megjithatë, të ardhurat mesatare vjetore bruto në “Societe” janë më e larta se “BNP Paribas” dhe në vitin 2014 arritën në 54 846.