Jeta në Zvicër

Çdo i dhjeti zviceran jeton jashtë vendit, këto janë arsyet

E shtunë, 6 Prill 2019 - 19:20 albinfo.ch

(Foto ilustrim)

Me gjithë politikat që trajtojnë imigrimin, është e lehtë ta harrojmë emigracionin.

Megjithatë, një në dhjetë zviceranë jeton jashtë vendit, shkruan lenews.ch, përcjellë në shqip albinfo.ch.

Në vitin 2018, 10.7 përqind e popullsisë zvicerane jetonte jashte vendit.

Nga 760200 zviceranë jashtë Zvicrës, më shumë se 60 përqind e tyre jetonin në Europë.

Franca kishte komunitetin më të madh zviceran në Europë (197400), pasuar nga Gjermania (90400) dhe Italia (49600).

Ndërkaq, 75 përqind e zviceranëve jashtë vendit kanë më shumë se një shtetësi.

Por, cilat janë arsyet që i shtyjnë ata ta lënë Zvicrën?

Puna dhe dalja në pension po llogariten si nxitësit më të mëdhenj të emigracionit, përcjellë albinfo.ch.

21 përqind e zviceranëve jashtë Zvicrës janë 65 vjeçarë ose më shumë. Në vendet si Tajlanda apo Spanja, kjo grupmoshë përbën mbi 25 përqind të emigrantëve zviceranë.

Ndërkaq, grupmoshat 18-64 vjeç kryesisht tërhiqen nga Franca, Gjermania, ShBA, Italina, Kanadaja dhe Britania e Madhe.

 Të ngjashme

Filialet e Migrosit në Cyrih provojnë javën 4-ditore të punës

 Të tjera nga Jeta në Zvicër

Ku të bësh ski më lirë me familjen në Zvicrën frëngjishtfolëse

 E-Diaspora

 Jeta në Austri