Çdo i dhjeti mjek heq dorë nga profesioni në Zvicër

Në Zvicër, çdo i dhjeti mjek heq dorë nga profesioni. Kështu tregon një studim i porositur nga Shoqata Mjekësore FMH.

Ndër arsyet më të zakonshme për të braktisur profesionin të anketuarit kanë përmendur ngarkesën në punë, punën jashtë orarit dhe balancimin ndërmjet punës dhe jetës private. Gratë më shpesh ikin nga profesioni në krahasim me burrat.

Në studim janë përfshirë të dhënat nga të gjithë mjekët që kanë marrë diplomën e tyre në Zvicër, respektivisht në periudhën mes 1980 dhe 2009.