Cana përlotet me tatuazhin e ish-luftëtarit të UÇK-së

Lorik Cana, edhe një herë nuk i përmbajti lotët, kur ishte në pyetje lufta dhe kontributi që kanë dhënë luftëtarët e UÇK-së.

Ish-kapiteni i Kombëtares shqiptare, Lorik Cana, edhe një herë nuk i përmbajti lotët, kur ishte në pyetje lufta dhe kontributi që kanë dhënë luftëtarët e UÇK-së.

Arsyeja që nuk i përmbajti lotët ishte tatuazhi që Lekë Dobruna, ish-luftëtar i UÇK-së, ka bërë në këmbën e tij. Vizatimi tregon momentin kur Lorik Cana mbërtheu poshtë tifozin serb që hyri në fushë gjatë ndeshjes Serbi-Shqipëri, përcjell albinfo.ch.

“Ishte akt spontan ndaj një tifozi që nuk kishte çfarë kërkonte në fushë. Leka ka qenë krenar me aktin tim, ndërsa unë jam krenar me atë që përfaqëson ky njeri”, u shpreh Cana duke shpjeguar lotët e tij.

Kurse Lekë Dobruna ka theksuar se Canën ka zgjedhur rastësisht, derisa ka bërë tatuazh aktin në stadium.

Në lidhje me jetën si “pensionist”, Cana tregoi: “Po merrem me disa shokë në SHBA për të pasur një biznes që do të ndihmojë edhe Kosovën, ndërkohë që po ndihmoj edhe babanë tim që sapo është bërë presidenti i Vllaznimit të Gjakovës”.